നാവിൽ കപ്പലോടും രുചിയിൽ സിംപിളായി തയ്യാറാക്കാം ചിക്കൻ അച്ചാർ

ചോറിന് മറ്റൊരു കറി തയ്യാറാക്കാൻ സമയം കിട്ടിയില്ലെങ്കിലെന്താ! അച്ചാറുണ്ടെങ്കിൽ കുശാൽ. മലയാളികളിൽ അച്ചാറിനോട് താൽപര്യമില്ലാത്തവർ കുറവായിരിക്കും. മീൻ, ബീഫ് എന്നിവ മാത്രമല്ല ചിക്കൻ ഉപയോഗിച്ചും വളരെ എളുപ്പത്തിൽ അച്ചാർ തയ്യാറാക്കാം. കടകളിലും ഹോട്ടലിലും കിട്ടുന്ന അതേ രുചിയാണിതിന്. ഇനി ദിവസവും ചിക്കൻ കഴിക്കാൻ കൊതിയുള്ളവർക്ക് മറ്റൊരു വഴി തേടി പോകേണ്ട. അപർണ തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.  

Also Read: ഉരുളക്കിഴങ്ങും തൈരും മതി, മറ്റൊരു കറിയില്ലെങ്കിലും ഇനി ഊണ് കേമമാക്കാം

ചേരുവകൾ

• ചിക്കൻ- 1 കിലോ
• മുളകുപൊടി- 1 ടേബിൾസ്പൂൺ
• മഞ്ഞൾപ്പൊടി- 1/2 ടീസ്പൂൺ
• ഉപ്പ്- ആവശ്യത്തിന്
• വെളിച്ചെണ്ണ- 1.5 കപ്പ്
• ഇഞ്ചി- 2 ടേബിൾസ്പൂൺ
• വെളുത്തുള്ളി- 2 ടേബിൾസ്പൂൺ
• കറിവേപ്പില- 2 തണ്ട്
• മുളകുപൊടി- 2 ടേബിൾസ്പൂൺ
• ഗരംമസാല- 1 ടീസ്പൂൺ
• കാശ്മീരിമുളകുപൊടി- 2 ടേബിൾസ്പൂൺ
• കുരുമുളകുപൊടി- 1 ടീസ്പൂൺ
• കായം- 1/2 ടീസ്പൂൺ
• ഉലുവ- 1/2 ടീസ്പൂൺ
• വിനാഗിരി- 1 കപ്പ്
• ഉപ്പ്- ആവശ്യത്തിന്

Also Read: ഒരു മുറി തക്കാളി മതി, ഇനി തേങ്ങ ചേർക്കാതെ കിടിലൻ രുചിയിൽ ചമ്മന്തി തയ്യാറാക്കാം

View this post on Instagram

A post shared by Photographer & Visual Storyteller (@inji_pennu)

Also Read: സാമ്പാറും തോരനും കഴിച്ചു മടുത്തോ? എങ്കിലിനി ചോറ് വേവിക്കുമ്പോൾ ഇതു കൂടി ചേർക്കൂ

തയ്യാറാക്കുന്ന വിധം

• എല്ലില്ലാത്ത ചിക്കൻ കഷ്ണങ്ങൾ നന്നായി കഴുകിയെടുക്കാം. അതിലേയ്ക്ക് ആവ്യത്തിന് ഉപ്പ്, കാശ്മീരിമുളകുപൊടി, നാരങ്ങ നീര് എന്നിവ ചേർത്ത് മാരിനേറ്റ് ചെയ്യാൻ മാറ്റി വയ്ക്കാം. 
• അടി കട്ടിയുള്ള ഒരു പാൻ അടുപ്പിൽ വച്ചു ചൂടാക്കാം. അതിലേയ്ക്ക് നല്ലെണ്ണ ഒഴിച്ചു തിളപ്പിക്കാം. എണ്ണ ചൂടായതിനു ശേഷം മാരിനേറ്റ് ചെയ്ത ചിക്കൻ കഷ്ണങ്ങൾ ചേർത്തു സ്വർണ്ണ നിറമാകുന്നതു വരെ വറുക്കാം. ഇത് എണ്ണ കളയാൻ മാറ്റി വയ്ക്കാം. 
• ചിക്കൻ വറുത്ത അതേ എണ്ണയിൽ ഇഞ്ചി, വെളുത്തുള്ളി, എന്നിവ ചേർത്തു വറുക്കാം. വെളുത്തുള്ളിയുടെ നിറം മാറി വരുമ്പോൾ മുളകുപൊടി, മല്ലിപ്പൊടി, ജീരകപ്പൊടി, ഉപ്പ്, കായപ്പൊടി എന്നിവ ചേർത്തിളക്കി വേവിക്കാം. 
• ഇതിലേയ്ക്ക് ചിക്കൻ കഷ്ണങ്ങൾ ചേർത്തിളക്കി യോജിപ്പിക്കാം. അവസാനം കുറച്ച് വിനാഗിരി കൂടി ഒഴിവാക്കാം. 
• വൃത്തിയുള്ള ഈർപ്പം കടക്കാത്ത പാത്രത്തിലേയ്ക്ക് ഇതു മാറ്റി സൂക്ഷിക്കാം. ഇങ്ങനെ വച്ചാൽ ഏറെ നാൾ കേടുകൂടാതെ സൂക്ഷിക്കാം. 

Read More: പോഷകസമ്പന്നമായ ഈ പൊടി ഉണ്ടെങ്കിൽ ഉച്ചയൂണിന് മറ്റൊരു കറി വേണ്ട