തേങ്ങയും സവാളയും വേണ്ട, ദിവസവും കഴിക്കാൻ കൊതിക്കുന്നൊരു ചമ്മന്തി ഇങ്ങനെ തയ്യാറാക്കൂ

തീ പിടിച്ച വിലയുള്ളപ്പോൾ രാവിലെ ദോശയാണെങ്കിലും ഇഡ്ഡലി ആണെങ്കിലും ചമ്മന്തി തയ്യാറാക്കുന്നത് അൽപം ശ്രമകരമായ കാര്യമാണ്. എങ്കിൽ നിലക്കടല ഒരു പിടി എടുത്തോളൂ, നാവിൽ കൊതിയൂറുന്ന ചമ്മന്തി തയ്യാറാക്കാം. ഇതിൻ്റെ രുചി ഒരിക്കലും നാവിൽ നിന്നു മായില്ല. ചട്നി, സാമ്പാർ എന്നിവയിൽ നിന്നും വ്യത്യസ്തമായ എന്തെങ്കിലും പരീക്ഷിക്കാൻ ആഗ്രഹിക്കുന്നവർക്ക് ഇതിൻ്റെ റെസിപ്പി ഗുണകരമാണ്. കാഞ്ചന തൻ്റെ ഇൻസ്റ്റഗ്രാം പേജിലൂടെയാണ് ഈ ചമ്മന്തിയുടെ റെസിപ്പി പരിചയപ്പെടുത്തി തരുന്നത്. 

Also Read: കരുത്തുറ്റ തലമുടിക്കും ശരീരത്തിനും ഇങ്ങനൊരു ബ്രേക്ക്ഫാസ്റ്റ് ട്രൈ ചെയ്യൂ

ചേരുവകൾ

• നിലക്കടല- 1 കപ്പ്
• തക്കാളി- 2
• പച്ചമുളക്- 8
• വെളുത്തുള്ളി- 5 അല്ലി
• വെള്ളം- 2 കപ്പ്
• ഇഞ്ചി- ചെറിയ കഷണം
• വെളുത്തുള്ളി- 4 അല്ലി
• മഞ്ഞൾ- ½ കപ്പ്
• എണ്ണ- 2 ടീസ്പൂൺ
• ഉപ്പ്- 1 ടീസ്പൂൺ

Also Read: ചപ്പാത്തി രുചികരവും സോഫ്റ്റുമാക്കാൻ ഇനി ഗോതമ്പ് പൊടി ഇങ്ങനെ കുഴച്ചെടുക്കാം

Also Read: ബ്രേക്ക്ഫാസ്റ്റ് പോഷകസമൃദ്ധമാക്കണോ? എങ്കിൽ അരിപ്പൊടിക്കു പകരം ഇത് ഉപയോഗിച്ച് ഇനി പുട്ട് തയ്യാറാക്കാം

തയ്യാറാക്കുന്ന വിധം

• ഒരു പാനിൽ രണ്ട് തപ്പ് വെള്ളം ഒഴിച്ച് തിളപ്പിക്കാം. അതിലേയ്ക്ക് ഒരു  കപ്പ് വറുത്ത നിലക്കടല, രണ്ട് തക്കാളി, 8 പച്ചമുളക്, വെളുത്തുള്ളി അല്ലി എന്നിവ ചേർക്കാം. ഇത് കൂടിയ തീയിൽ 5 മിനിറ്റ് തിളപ്പിക്കാം. എല്ലാം നന്നായി വെന്തു കഴിഞ്ഞാൽ അവ പുറത്തെടുത്ത് തണുക്കാൻ വയ്ക്കാം, ശേഷം തക്കാളിയുടെ തൊലി കളയാം. 
• മറ്റൊരു പാൻ അടുപ്പിൽ വച്ച് രണ്ട് ടീസ്പൂൺ വെളിച്ചെണ്ണ ഒഴിച്ചു ചൂടാക്കാം. അതിലേയ്ക്ക് ചെറിയ കഷ്ണം ഇഞ്ചി നാല് വെളുത്തുള്ളി എന്നിവ ചേർത്തു വഴറ്റാം. ഇഞ്ചിയും വെളുത്തുള്ളിയും വഴറ്റിയതിനു ശേഷം അതേ പാനിൽ അര കപ്പ് പരിപ്പ് ചേർത്ത് ബ്രൗൺ നിറമാകുമ്പോൾ വഴറ്റാം. വഴറ്റിയ ശേഷം അടുപ്പണയ്ക്കാം. 
• തണുത്തിനു ശേഷം പയറിലേയ്ക്ക് ഇവ ചേർക്കാം. ഒപ്പം വേവിച്ച നിലക്കടല, തക്കാളി, പച്ചമുളക്, വെളുത്തുള്ളി, ഒരു ടീസ്പൂൺ ഉപ്പ് എന്നിവ ചേർത്ത് അരച്ചെടുക്കാം. മുകളിൽ കുറച്ച് മല്ലിയില കൂടി ചേർക്കാം. 
• ഇത് ബ്രേക്ക്ഫാസ്റ്റിനൊപ്പം കഴിക്കാം. 

Read More: എണ്ണ പാഴാകില്ല, ഇനി വട വറുത്തെടുക്കുമ്പോൾ ഇവ മറക്കരുത്