എളുപ്പത്തിൽ ഊണ് റെഡിയാക്കാം, മുട്ടച്ചോറിൻ്റെ റെസിപ്പി ഓർത്തിരുന്നോളൂ

ബാച്ചിലർ ലൈഫിൽ പാചകത്തിന് സഹായകരമായ ചില സിംപിൾ റെസിപ്പികൾ ഓർത്തിരിക്കേണ്ടതുണ്ട്. ഒരുപാട് വിഭവങ്ങൾ തയ്യാറാക്കി സമയം കളയാൻ ഇല്ലെങ്കിൽ ഉറപ്പായും ഈ നുറുങ്ങ വിദ്യകൾ നിങ്ങളെ സഹായിക്കും. അടുക്കളയിൽ മിക്കപ്പോഴും ബാക്കി വരുന്ന ആഹാരമാണ് ചോറ്. എന്നാൽ ഇനി ഈ പ്രശ്നത്തിനും പരിഹാരമുണ്ട്.

സ്ഥിരം തയ്യാറാക്കുന്ന ചോറ് ഒന്ന് മാറ്റി പിടിക്കാം. ബിരിയാണിയെ വെല്ലുന്ന രുചിയിൽ കിടിലൻ മുട്ട ചോറ് പാകം ചെയ്തെടുത്തോളൂ. എഗ് ഫ്രൈഡ് റൈസിന് മുമ്പ് തന്നെ ഇത് താരമായിരുന്നു. ചോറ് ബാക്കി വരില്ല എന്നു മാത്രമല്ല ഇനി ചോറിൻ്റെ പാത്രം കാലിയാകുന്ന വഴിയും അറിയില്ല.

ഭക്ഷണം കഴിക്കാൻ മടികാണിക്കുന്ന കുട്ടികുറുമ്പൻമാർക്കും ഇത് ഇഷ്ടപ്പെടാതെ തരമില്ല. പേര് പോലെ മുട്ടയാണ് പ്രധാന ചേരുവ. കുറച്ച് മസാലകൾ കൂടി ചേർത്തിളക്കിയെടുത്താൽ മതിയാകും.

ചേരുവകൾ

• മുട്ട
• സവാള
• ഇഞ്ചി
• പച്ചമുളക്
• വെളുത്തുള്ളി
• കറിവേപ്പില
• തക്കാളി
• ഉപ്പ്
• മഞ്ഞൾപ്പൊടി
• ചിക്കൻ മസാല
• ചോറ്
• കുരുമുളകുപൊടി
• വെളിച്ചെണ്ണ

View this post on Instagram

A post shared by Keerthy Venugopal (@macaron_gal)

തയ്യാറാക്കുന്ന വിധം

• അടി കട്ടിയുള്ള ഒരു പാത്രം അടുപ്പിൽ വച്ച് ആവശ്യത്തിന് എണ്ണ ചേർത്ത് ചൂടാക്കാം.
• അതിലേക്ക് സവാള, ഇഞ്ചി, വെളുത്തുള്ളി, എന്നിവ ചേർത്ത് വേവിക്കാം.
• ആവശ്യത്തിന് കറിവേപ്പില കൂടി ചേർക്കാം.
• സവാള വെന്തതിനു ശേഷം തക്കാളി ചെറിയ കഷ്ണങ്ങളായി അരിഞ്ഞതു ചേർത്ത് വഴറ്റാം.
• ഒരു നുള്ള് മഞ്ഞൾപ്പൊടി, ആവശ്യത്തിന് ഉപ്പ്, ചിക്കൻ മസാല എന്നിവ ചേർത്തിളക്കി യോജിപ്പിക്കാം.
• ഇതിലേക്ക് ഒരു മുട്ട പൊട്ടിച്ചൊഴിച്ചിളക്കാം. എരിവിനനുസരിച്ച് കുരുമുളകുപൊടി ചേർക്കാം.
• വേവിച്ച ചോറ് ഇതിലേക്ക് ചേർത്ത് ഇളക്കി യോജിപ്പിക്കാം.

Read More

• ചപ്പാത്തി സോഫ്റ്റാകും, ഈ ഒരു ചേരുവ ഉപയോഗിക്കൂ
• പൂ പോലെ സോഫ്റ്റ് ക്രീം ബൺ ഓവിനല്ലാതെ തയ്യാറാക്കാൻ ഒരു വിദ്യയുണ്ട്
• അരിയും ഉഴുന്നും ഇല്ലാതെ സോഫ്റ്റ് ദോശ തയ്യാറാക്കാം, ഇങ്ങനെ ചെയ്തു നോക്കൂ
• ചിക്കൻ കറി സ്പെഷ്യലാക്കണമെങ്കിൽ ഈ രുചിക്കൂട്ട് തന്നെ വേണം
• റവയും മുട്ടയും കൈയ്യിലുണ്ടോ? എങ്കിൽ ഈ ബ്രേക്ക്ഫാസ്റ്റ് റെസിപ്പി ട്രൈ ചെയ്യൂ
• വെള്ളത്തിനു പകരം തേങ്ങാപ്പാൽ, ഇതാ ഒരു സൊയമ്പൻ നാരങ്ങ ജ്യൂസ്
• വായിലിട്ടാൽ അലിഞ്ഞു പോകും കിണ്ണത്തപ്പം തയ്യാറാക്കാൻ ഇനി ഗോതമ്പ് പൊടി മതി