ഉപ്പുമാവ് കഴിക്കാൻ ഇനി ആരും കൊതിച്ചു പോകും, റവയ്ക്കു പകരം ഇത് ഉപയോഗിച്ചു പാകം ചെയ്യൂ

ആവി പറക്കുന്ന ഉപ്പുമാവും പഴവും എന്നും നൊസ്റ്റാൾജിക്കായുള്ള ഭക്ഷണമാണ്. പ്രത്യേകിച്ച് കറിയൊന്നും ഇല്ലാതെ തന്നെ കഴിക്കാവുന്ന ഗുണകരമായ വിഭവമാണത്. റവ ഉപയോഗിച്ചാണ് സാധാരണ അത് തയ്യാറാക്കാറുള്ളത്. എന്നാൽ റവ തികഞ്ഞില്ലെങ്കിൽ എന്ത് ചെയ്യും?

Also Read: ഡയറ്റിലാണോ? എങ്കിൽ ഇനി ബ്രേക്ക്ഫാസ്റ്റിൽ ഇത് ഉൾപ്പെടുത്തൂ

രുചികരമായ സേമിയ ഉപ്പുമാവ് ട്രൈ ചെയ്തുനോക്കണം. റവയോടൊപ്പം സേമിയ കൂടി ചേർത്താൽ മതിയാകും. കുട്ടികൾക്കും മുതിർന്നവർക്കും ഇഷ്ടപ്പെടുന്ന രീതിയിൽ അത് പാകം ചെയ്തെടുക്കാം. ഈ​ റെസിപ്പി ട്രൈ ചെയ്തു നോക്കൂ. 

Also Read: മാവ് ഇങ്ങനെ അരച്ചെടുക്കൂ, ദോശയും ഇഡ്ഡലിയും ഇനി പഞ്ഞിപോലെ സോഫ്റ്റായി കിട്ടും

ചേരുവകൾ 

• സേമിയ
• മുട്ട
• വെള്ളം
• എണ്ണ
• കുരുമുളകുപൊടി
• വെണ്ണ
• സവാള
• കാരറ്റ്
• കാപ്സിക്കം
• കാശ്മീരിമുളകുപൊടി
• പഞ്ചസാര
• മഞ്ഞൾപ്പൊടി
• ഉപ്പ്

View this post on Instagram

A post shared by Maya Akhil (@maya_yummyoyummy)

Also Read: ഉച്ചയൂണ് കഴിക്കാൻ മടിതോന്നില്ല, ചോറ് വേവിച്ചെടുക്കുമ്പോൾ ഇവ ചേർക്കൂ

തയ്യാറാക്കുന്ന വിധം

• ഒരു പാത്രം അടുപ്പിൽ വച്ച് അൽപ്പം വെള്ളം ഒഴിച്ച് തിളപ്പിക്കാം.
• വെള്ളം തിളച്ചു വരുമ്പോൾ 100 ഗ്രാം സേമിയ ഇതിലേക്ക് ചേർക്കാം.
• ആവശ്യമെങ്കിൽ അൽപ്പം എണ്ണ കൂടി ചേർക്കാവുന്നതാണ്.
• സേമിയ വെന്തതിനു ശേഷം അടുപ്പണച്ച് അരിച്ചെടുത്ത് വെയ്ക്കാം.
• ഒരു പാൻ അടുപ്പിൽ വച്ച് അൽപ്പം എണ്ണ ഒഴിച്ച് വെണ്ണ ചേർത്ത് ചൂടാക്കുക.
• അതിലേക്ക് രണ്ട് മുട്ട പൊട്ടിച്ചൊഴിച്ചിളക്കി ഉടക്കാം.
• സവാള ചെറുതായി അരിഞ്ഞതു ചേർത്ത് വഴറ്റുക.
• അൽപം കാശ്മീരിമുളകുപൊടി, മഞ്ഞൾപ്പൊടി,  കാരറ്റ്, കാപ്സിക്കം എന്നിവ കൂടി ചേർത്ത് ഇളക്കാം.
• വേവിച്ചു വച്ച സേമിയ ചേർത്തിളക്കാം.
• അൽപം കുരുമുളകുപൊടി, പഞ്ചസാര, ഉപ്പ് തുടങ്ങിയവ ചേർത്തിളക്കി യോജിപ്പിക്കാം.
• അടുപ്പിൽ നിന്ന് മാറ്റി, ഇഷ്ടാനുസരണം വിളമ്പി കഴിച്ചു നോക്കൂ.

Read More: പുളിച്ചു പോകില്ല ദോശ സോഫ്റ്റാകും, മാവ് ഇങ്ങനെ അരച്ചെടുക്കൂ