മക്രോണി കൊണ്ടൊരു അടപായസം, 5 മിനിറ്റ് മതി

മുതിർന്നവർക്കും കുട്ടികൾക്കും ഒരു പോലെ ഇഷ്ടപ്പെടുന്ന വിഭവം ആണ് പാലട പായസം. അരി കൊണ്ടുള്ള അടയും പാലും ചേർത്തു കുറുക്കിയെടുത്താണ് ഇത് തയ്യാറാക്കുന്നത്. സദ്യകളിലും മറ്റും കിട്ടുന്ന പാലട പായസത്തിന് ഒരു പ്രത്യേക രുചി തന്നെയാണ്. എന്നാൽ അതേ രുചിയിൽ അട ഇല്ലാതെ ഇത് വീട്ടിൽ തയ്യാറാക്കാൻ സാധിക്കുമോ? ഹെന്ന തൻ്റെ ഇൻസ്റ്റഗ്രാം പേജിലൂടെ പരിചയപ്പെടുത്തുന്ന ഈ റെസിപ്പി ട്രൈ ചെയ്തു നോക്കൂ.

Also Read: കൊതിതീരുവോളം കഴിച്ചോളൂ കിടിലൻ പാലട പായസം

ചേരുവകൾ

• മക്രോണി
• പാൽ
• പഞ്ചസാര
• നെയ്യ്
• നട്സ്
• ഉണക്കമുന്തിരി

തയ്യാറാക്കുന്ന വിധം

• മക്രോണി ചെറിയ കഷ്ണങ്ങളാക്കിയെടുക്കാം. അടി കട്ടിയുള്ള ഒരു പാൻ അടുപ്പിൽ വച്ചു ചൂടാക്കാം. അതിലേയ്ക്ക് പഞ്ചസാര ചേർക്കാം. ഇതിനൊപ്പം പാൽ ചേർക്കാം.
• പഞ്ചസാര അലിഞ്ഞു കഴിയുമ്പോൾ കുറച്ച് വെള്ളം ഒഴിച്ച് കുറുക്കിയെടുക്കാം.
• ഇതിലേയ്ക്ക് മക്രോണി ചേർത്തു വേവിക്കാം.
• ഇതേ സമയം ഒരു പാൻ അടുപ്പിൽ വച്ച് നെയ്യ് ഒഴിച്ചു ചൂടാക്കാം.
• അതിലേയ്ക്ക് ഉണക്കമുന്തിരിയും നട്സും ചേർത്തു വറുക്കാം. പാൽ തിളച്ച് കുറുകി വരുമ്പോൾ അതിലേയ്ക്ക് നെയ്യിൽ വറുത്തെടുത്ത നട്സും ഉണക്കമുന്തിരിയും ചേർക്കാം.
• ഇനി അടുപ്പണച്ച് ചൂടോടെ കുടിച്ചു നോക്കൂ. 

Also Read: കൂട്ടുപായസം കഴിച്ചാലോ? ഉണക്കലരി ഉണ്ടെങ്കിൽ എളുപ്പത്തിൽ തയ്യാറാക്കാം

View this post on Instagram

A post shared by Foods Dine Cook (@_food_dine_cook_)

Also Read: കൊതിപ്പിക്കും രുചിയിൽ കൂവ പായസം, ഇതാണ് റെസിപ്പി
ഇക്കാര്യങ്ങൾ ശ്രദ്ധിക്കാം

• മക്രോണി പൊടിച്ചെടുക്കുന്നതിനു പകരം ചെറിയ കഷ്ണങ്ങളാക്കി നുറുക്കിയെടുക്കുന്നതാണ് നല്ലത്. 
• പഞ്ചസാര ആദ്യം ചേർക്കുന്നതിനാൽ അത് പാനിൽ ഒട്ടിപിടിച്ചിരിക്കാതിരിക്കാൻ നന്നായി ഇളക്കി കൊടുക്കാം. പാൽ കുറുകി വരുമ്പോൾ പഞ്ചസാര ചേർത്താലും മതിയാകും. 
• പഞ്ചസാരയ്ക്കു പകരം ശർക്കര പൊടിച്ചതും ഉപയോഗിക്കാം. 

Read More: രാവിലെയോ രാത്രിയോ ഇനി ഇത് മതി, ദോശയും ചപ്പാത്തിയും മാറി നിൽക്കുന്ന രുചിയാണ്