കുസൃതി കാണിച്ചാലും നുണക്കുഴിയുള്ളവർക്ക് അതു രക്ഷയാണ്; അബ്രാമിനെ കുറിച്ച് ഷാരൂഖ്

ബോളിവുഡ് കിങ് ഖാൻ ഷാരൂഖിന്റെയും ഗൗരി ഖാന്റെയും ഇളയമകൻ അബ്രാമിന്റെ പത്തു വയസ്സിന്റെ പിറന്നാളായിരുന്നു ശനിയാഴ്ച്ച. മകനെ കുറിച്ച് വളരെയധികം വാചാലനാകാറുള്ള ഷാരൂഖ് തന്റെ കുട്ടികളിൽ അബ്രാമാണ് നാനിമാരോട് നല്ല രീതിയിൽ പെരുമാറാത്തെന്ന് ഷാരൂഖ് പറഞ്ഞിട്ടുണ്ട്. നല്ല രീതിയിൽ പൊരുമാറുന്നൊരു വ്യക്തിയായി അബ്രാം വളരുമെന്നാണ് തന്റെ പ്രതീക്ഷയെന്നും ഷാരൂഖ് പറഞ്ഞു.

"അവനെ ലഭിച്ചതിൽ ഞാൻ ഭാഗ്യവാനാണ്. പ്രകൃതിയുടെയും ദൈവത്തിനെയും സ്വഭാവഗുണങ്ങളുള്ള കുട്ടിയാണ് അവനെന്നാണ് എനിക്കു തോന്നുന്നത്. അവനെ നല്ല രീതിയിലാണ് വളർത്തിയതെന്നായിരുന്ന എന്റെ വിശ്വാസം എന്നാൽ കുറച്ച് ദിവസങ്ങൾക്കു മുൻപാണ് അവന്റെ നാനിമാർ എന്നോട് അങ്ങനെയല്ലെന്ന് പറഞ്ഞത്. അത് ഞാൻ അബ്രാമിനു പറഞ്ഞു കൊടുക്കുകയും ചെയ്തു," ഷാരൂഖ് സൂം എന്റർടെയിൻമെന്റിനു നൽകിയ അഭിമുഖത്തിൽ പറഞ്ഞു.

"പപ്പയുടെ അടുത്ത് ഞാൻ തെറ്റായി പെരുമാറിയാൽ പ്രശ്നമുണ്ടോ എന്നായിരുന്നു അവന്റെ ചോദ്യം. അത് കുഴപ്പമില്ലെന്ന് ഞാൻ​ പറഞ്ഞപ്പോൾ എന്നാൽ പെൺകുട്ടികളോട് പ്രശ്നമുണ്ടാക്കില്ലെന്നായിരുന്നു അവന്റെ മറുപടി. ഞാനെപ്പോഴും പറയുന്നത് പോലെ പെൺകുട്ടികളോട് പ്രശ്നമുണ്ടാക്കരുതെന്ന് പറഞ്ഞു കൊടുത്തു. പക്ഷെ അവൻ കുറച്ച് കുസൃതിയാണെന്ന് എനിക്ക് മനസ്സിലായി. നിങ്ങൾക്കു നുണക്കുഴിയുണ്ടെങ്കിൽ കുസൃതിയായി തന്നെയിരിക്കാം, കാരണം അതു നിങ്ങളുടെ രക്ഷകനാകും." ഷാരൂഖ് കൂട്ടിച്ചേർത്തു.

അബ്രാം എന്ന പേരിന്റെ അർത്ഥം ഷാരൂഖ് ഇതിനു മുൻപ് വിശദീകരിച്ചിരുന്നു. "ഹസ്രത്ത് ഇബ്രാഹിമിന്റെ ജ്യൂയിഷ് അർത്ഥമാണ് അബ്രാം. പിന്നെ അതിൽ ഹിന്ദു ദൈവമായ രാമന്റെ പേരും ഉൾപ്പെടുന്നുണ്ട്."