Thug Life OTT: തഗ് ലൈഫ് ഒടിടിയിലേക്ക്; എവിടെ കാണാം?

Thug Life OTT Release Date And Platform: മുപ്പത്തിയഞ്ച് വർഷങ്ങൾക്ക് ശേഷം കമൽഹാസനും മണിരത്‌നവും ഒന്നിച്ച ചിത്രമാണ് അടുത്തിടെ തിയേറ്ററുകളിലെത്തിയ 'തഗ് ലൈഫ്.' ആരാധകർ ഏറെ പ്രതീക്ഷയോടെ കാത്തിരുന്ന ചിത്രത്തിന് കാര്യമായ വിജയം ബോക്സ് ഓഫീസിൽ നേടാനായിരുന്നില്ല. ചിത്രം ഇപ്പോൾ ഒടിടിയിൽ പ്രദർശനത്തിന് തയ്യാറെടുക്കുകയാണ്.

കമൽ ഹാസൻ വ്യത്യസ്ത ഗെറ്റപ്പുകളിൽ എത്തിയ ചിത്രമാണ് തഗ് ലൈഫ്. തൃഷയാണ് ചിത്രത്തിൽ നായികയായെത്തിയത്. ചിമ്പുവും ചിത്രത്തിൽ പ്രധാന വേഷത്തിലെത്തുന്നുണ്ട്. അശോക് സെൽവൻ, ഐശ്വര്യ ലക്ഷ്മി, ജോജു ജോർജ്, അഭിരാമി, നാസർ, അശോക് സെൽവൻ, അലി ഫസൽ, പങ്കജ് ത്രിപാഠി, ജിഷു സെൻഗുപ്ത, സാന്യ മൽഹോത്ര, രോഹിത് ഷറഫ്, വൈയാപുരി തുടങ്ങിയവരാണ് സിനിമയിൽ മറ്റ് കഥാപാത്രങ്ങളെ അവതരിപ്പിക്കുന്നത്. 

Also Read: പൃഥ്വിരാജിന്റെ സർസമീൻ ഒടിടിയിലേക്ക്

രാജ്കമൽ ഫിലിംസ് ഇന്റർനാഷണൽ, മദ്രാസ് ടാക്കീസ്, റെഡ് ജയന്റ് മൂവീസ്, ആർ. മഹേന്ദ്രൻ, ശിവ അനന്ത് എന്നിവർ ചേർന്നാണ് ചിത്രത്തിന്റെ നിർമാണം നിർവ്വഹിച്ചിരിക്കുന്നത്. ഗോകുലം മൂവീസാണ് കേരളത്തിൽ തഗ് ലൈഫ് വിതരണത്തിനെത്തിച്ചത്. എ.ആർ.റഹ്മാനാണ് ചിത്രത്തിനായി സംഗീതമൊരുക്കിയിരിക്കുന്നത്. രവി കെ. ചന്ദ്രൻ ഛായാഗ്രഹണം നിർവ്വഹിക്കുന്ന ചിത്രത്തിന്റെ എഡിറ്റിങ് നിർവ്വഹിച്ചിരിക്കുന്നത് ശ്രീകർ പ്രസാദാണ്.

Also Read: അധോലോക പാർട്ടിയിൽ പങ്കെടുക്കാൻ ക്ഷണം; ബലമായി മാത്രമേ കൊണ്ടുപോവൂ എന്ന് ആമിർ ഖാൻ

Thug Life OTT: തഗ് ലൈഫ് ഒടിടി

നെറ്റ്ഫ്ലിക്സിലൂടെയാണ് തഗ് ലൈഫ് ഒടിടിയിലെത്തുന്നത്. റിപ്പോർട്ടുകൾ അനുസരിച്ച് ചിത്രം ജൂലൈ 17 മുതൽ സ്ട്രീമിങ് ആരംഭിക്കുമെന്നാണ് വിവരം.

Read More: മോഹൻലാലോ മമ്മൂട്ടിയോ അല്ല, ജൂഹി ചൗളയെ സ്വന്തമാക്കേണ്ടിയിരുന്നത് ഷാരൂഖ് ഖാൻ; ആ ക്ലൈമാക്സ് മാറിയത് ഇങ്ങനെ