Thudarum OTT: തുടരും ഒടിടിയിലെത്തി, മോഹൻലാലിന്റെ ബ്ലോക്ബസ്റ്റർ എവിടെ കാണാം?

Thudarum OTT Release Date & Platform: മോഹൻലാലിനെയും ശോഭനയേയും കേന്ദ്ര കഥാപാത്രങ്ങളാക്കി തരുൺ മൂർത്തി സംവിധാനം ചെയ്ത ബ്ലോക്ബസ്റ്റർ ചിത്രമാണ് 'തുടരും'. 232.25 കോടിയാണ് ഇതുവരെ ചിത്രം ആഗോളതലത്തിൽ നേടിയത്. കേരള ബോക്‌സ് ഓഫീസിൽ 100 കോടി നേടിയ ആദ്യ മലയാള ചിത്രവുമാണ് തുടരും. 200 കോടി ക്ലബ്ബിലെത്തുന്ന മൂന്നാമത്തെ മലയാളം ചിത്രമെന്ന സവിശേഷതയും ചിത്രം സ്വന്തമാക്കിയിരുന്നു. 

കെ.ആര്‍. സുനിലും തരുണും ചേർന്ന് തിരക്കഥ ഒരുക്കിയ ചിത്രത്തിൽ ഷണ്‍മുഖൻ എന്ന സാധാരണക്കാരനായ ടാക്സി ഡ്രൈവറായാണ് മോഹൻലാൽ ചിത്രത്തിലെത്തുന്നത്. ലളിത എന്ന കഥാപാത്രത്തെയാണ് ശോഭന അവതരിപ്പിക്കുന്നത്. ഫര്‍ഹാൻ ഫാസില്‍, മണിയൻപിള്ള രാജു, ബിനു പപ്പു, ഇര്‍ഷാദ് അലി, ആര്‍ഷ കൃഷ്‍ണ പ്രഭ, പ്രകാശ് വര്‍മ, അരവിന്ദ് എന്നിവരാണ് ചിത്രത്തിലെ മറ്റു പ്രധാന അഭിനേതാക്കൾ. 

Also Read:ഹിറ്റ് 3 ഒടിടിയിലെത്തി, നാനിയുടെ ബ്ലോക്ബസ്റ്റർ ചിത്രം എവിടെ കാണാം?

ജേക്സ് ബിജോയ് ആണ് ചിത്രത്തിന്റെ സംഗീതം. ഛായാഗ്രഹണം ഷാജികുമാർ, എഡിറ്റിങ് നിഷാദ് യൂസഫ്, ഷഫീഖ് വി.ബി, സംഘട്ടനം സ്റ്റണ്ട് സിൽവ. രജപുത്ര വിഷ്വല്‍ മീഡിയയുടെ ബാനറില്‍ എം.രഞ്ജിത്താണ് ചിത്രം നിർമിച്ചിരിക്കുന്നത്.

Thudarum OTT: തുടരും ഒടിടി

Also Read:ഇന്ന് ഒടിടിയിൽ എത്തുന്ന ചിത്രങ്ങൾ

ജിയോ ഹോട്ട്സ്റ്റാറിലൂടെയാണ് തുടരും ഒടിടിയിലെത്തിയിരിക്കുന്നത്. ഇന്നു മുതൽ ചിത്രം സ്ട്രീമിങ് ആരംഭിച്ചു.

Read More: ഒരു സിമ്പിൾ കുടുംബചിത്രമല്ല, സംഭവം ഇറുക്ക്!; തുടരും റിവ്യൂ