ബിരിയാണിക്കു ശേഷം സജിൻ ബാബു, നായികയായി റിമ കല്ലിങ്കൽ; 'തിയേറ്റർ: ദ് മിത്ത് ഓഫ് റിയാലിറ്റി' ട്രെയിലർ എത്തി

അഞ്ജന ടാക്കീസിന്റെ ബാനറിൽ സജിൻ ബാബു സംവിധാനം ചെയ്ത 'തിയേറ്റർ: ദ് മിത്ത് ഓഫ് റിയാലിറ്റി' എന്ന ചിത്രത്തിന്റെ ട്രെയിലർ പുറത്തിറക്കി. റിമ കല്ലിങ്കലിന്റെ മികവാർന്ന പ്രകടനമാണ് ട്രെയിലറിന്റെ ഹൈലൈറ്റ്. ഒക്ടോബർ 7ന് ഒൻപതാമത് യാൾട്ട രാജ്യാന്തര ചലച്ചിത്രമേളയിലെ രാജ്യാന്തര മത്സര വിഭാഗത്തിൽ ലോക പ്രീമിയറിന് ഒരുങ്ങുന്ന ചിത്രം മത്സര വിഭാഗത്തിൽ തിരഞ്ഞെടുക്കപ്പെട്ട എട്ട് സിനിമകളിൽ ഒന്നാണ്. 

Also Read: 'അവർ വീണ്ടും ചേർന്നാൽ എന്താവും എന്ന് പറയണ്ടല്ലോ;' മമ്മൂട്ടി - മോഹൻലാൽ ചിത്രം പേട്രിയറ്റ് ടീസർ

റിമ കല്ലിങ്കൽ കേന്ദ്ര കഥാപാത്രത്തെ അവതരിപ്പിക്കുന്ന ചിത്രം ആഗോള ചലച്ചിത്രമേള സർക്യൂട്ടുകളിൽ ഇതിനോടകം തന്നെ ചിത്രം ശ്രദ്ധനേടിക്കഴിഞ്ഞു. കാൻ ചലച്ചിത്രമേളയിൽ വച്ച് ചിത്രത്തിന്റെ ട്രെയിലർ ഔദ്യോഗികമായി പുറത്തിറക്കിയിരുന്നു. കൂടാതെ, റഷ്യയിലെ കസാൻ ചലച്ചിത്രമേളയിലും ചിത്രം പ്രദർശനത്തിന് ഒരുങ്ങുകയാണ്.

Also Read: 'ചാത്തനോ മാടനോ മറുതയോ'; പേടിപ്പിച്ച് 'നൈറ്റ് റൈഡേഴ്സ്' ഗ്ലിമ്പ്സ്

'ബിരിയാണി' എന്ന ചിത്രത്തിന് ശേഷം സജിൻ ബാബുവിന്റെ സംവിധാനത്തിൽ ഒരുങ്ങുന്ന ചിത്രമാണിത്. അഞ്ജന ടാക്കീസിന്റെ ബാനറിൽ അഞ്ജന ഫിലിപ്പ്, ഫിലിപ്പ് സക്കറിയ എന്നിവർ നിർമിച്ച ചിത്രത്തിന്റെ സഹനിർമാണം നിർവഹിച്ചിരിക്കുന്നത് സന്തോഷ് കോട്ടായി ആണ്. ഒക്ടോബർ 16-ന് ചിത്രം തിയേറ്ററുകളിൽ എത്തും. ഛായാഗ്രഹണം- ശ്യാമപ്രകാശ് എം.എസ്, എഡിറ്റിംഗ്- അപ്പു ഭട്ടതിരി, സംഗീതം- സയീദ് അബ്ബാസ് എന്നിവർ നിർവഹിച്ചിരിക്കുന്നത്.

Read More: തുടക്കം തന്നെ വേറെ ലെവൽ; പ്രണവ് ചിത്രം 'ഡീയസ് ഈറേ' ട്രെയിലർ പുറത്ത്