ആദ്യചിത്രത്തിനു കിട്ടിയ പ്രതിഫലം ആരോ അടിച്ചുമാറ്റി; ആ കഥ പറഞ്ഞ് ശോഭന

ബാലചന്ദ്ര മേനോന്റെ ഏപ്രിൽ 18 എന്ന ചിത്രത്തിലൂടെ മലയാളത്തിൽ നായികയായി  തുടക്കം കുറിച്ച കലാകാരിയാണ് ശോഭന. എന്നാൽ അതിനും മുൻപ്,   1980ൽ തമിഴ് സിനിമയിൽ ബാലതാരമായിട്ടായിരുന്നു ശോഭനയുടെ അരങ്ങേറ്റം. 'മംഗള നായകി' എന്ന തമിഴ് ചിത്രത്തിലൂടെയായിരുന്നു ശോഭന ആദ്യം ക്യാമറയ്ക്കു മുന്നിലെത്തിയത്. സാജൻ ബിനാ സുഹഗാൻ എന്ന ഹിന്ദി സിനിമയുടെ റീമേക് ആയിരുന്നു 'മംഗളനായകി'.  ആദ്യ ചിത്രത്തിൽ അഭിനയിക്കുമ്പോൾ ശോഭനയുടെ പ്രായം 9 വയസ്സ്. തിരിഞ്ഞുനോക്കുമ്പോൾ ആരെയും അമ്പരപ്പിക്കുന്ന കരിയർ തന്നെയാണ് ശോഭന സ്വന്തമാക്കിയതെന്നു കാണാം. 

അടുത്തിടെ കലാ മാസ്റ്ററുമായി നടത്തിയ ഒരു ചാറ്റിനിടെ തന്റെ ആദ്യ ചിത്രത്തിനു ലഭിച്ച പ്രതിഫലത്തെ കുറിച്ചും ശോഭന വെളിപ്പെടുത്തിയിരുന്നു. പ്രതിഫലതുക മോഷണം പോയൊരു രസകരമായ അനുഭവവും ശോഭന പങ്കിട്ടു.  "500 രൂപയായിരുന്നു എനിക്കു കിട്ടിയ ആദ്യ പ്രതിഫലം. ആ പണം ആദ്യദിവസം തന്നെ  ആരോ അടിച്ചുമാറ്റി എന്നതാണ് തമാശ," ശോഭനയുടെ വാക്കുകളിങ്ങനെ. 

Also Read: ആ ആൾക്കൂട്ടത്തിലും വിജയാഹ്ളാദത്തിലും കോഹ്‌ലിയുടെ കണ്ണുകൾ തേടിയത് അനുഷ്കയെ; വീഡിയോ

വളരെ ചെറുപ്രായത്തിൽ തന്നെ കാമ്പുള്ള കഥാപാത്രങ്ങളെ അവതരിപ്പിക്കാൻ സാധിച്ചു എന്നതാണ് ശോഭനയുടെ മറ്റൊരു സവിശേഷത. ഏതു പ്രായത്തിലാണ് ശോഭന അവരുടെ ഐക്കോണിക് കഥാപാത്രങ്ങളെ അവതരിപ്പിച്ചിരിക്കുന്നത് എന്ന് പരിശോധിച്ചാൽ ആരുമൊന്നും അമ്പരക്കും. പതിമൂന്നര വയസ്സിൽ ഏപ്രിൽ 18, 15 വയസ്സിൽ യാത്ര, 16ൽ ചിലമ്പ്, 17ൽ അനന്തരവും നാടോടിക്കാറ്റും, 18ൽ ധ്വനി, 20ൽ ഇന്നലെയും സസ്നേഹവും, 21ൽ ഉള്ളടക്കവും ദളപതിയും, 22ൽ പപ്പയുടെ സ്വന്തം അപ്പൂസ്, 23ൽ മേലേപ്പറമ്പിൽ ആൺവീടും മണിചിത്രത്താഴും, 24ൽ തേന്മാവിൻ കൊമ്പത്ത്, പവിത്രം, മിന്നാരം, പക്ഷേ എന്നീ ചിത്രങ്ങൾ, 25ൽ മഴയെത്തും മുൻപെ, 26ൽ ഹിറ്റ്ലർ എന്നിങ്ങനെ പോവുന്നു ശോഭനയുടെ പ്രായവും ചിത്രങ്ങളും തമ്മിലുള്ള ബന്ധം.  

Also Read: വേദനകളിൽ കൂട്ടിരുന്നു, കാൻസർ പോരാട്ടത്തിൽ പങ്കാളിയായി; ഒടുവിൽ ഹിനയുടെ കൈപിടിച്ചു റോക്കി

 "ശോഭന ആദ്യമായി നായികയായി അഭിനയിക്കുന്ന സിനിമ ഏപ്രിൽ 18 ആണ്. ശോഭന ആ സിനിമയിൽ വരാനുള്ള കാരണം സുകുമാരി ചേച്ചിയാണ്. സുകുമാരി ചേച്ചിയുടെ ബന്ധുവാണ് ശോഭന. ലളിത, പത്മിനി, രാ​ഗിണിമാരുടെ സഹോദരനുണ്ട്. ചന്ദ്രകുമാർ. അ​ദ്ദേഹത്തിന്റെ മകളാണ് ശോഭന. സുകുമാരി ചേച്ചി റെക്കമെന്റ് ചെയ്തി‌ട്ടാണ് ശോഭന വരുന്നത്. ശോഭനയ്ക്ക് അന്ന് പതിമൂന്ന്, പതിനാല് വയസേയുള്ളൂ പ്രായം. കുട്ടിത്തം മാറാത്ത അവസ്ഥയാണ്. ആ സമയത്താണ് ബാലചന്ദ്രൻ മേനോൻ സാറുടെ ഭാര്യയായി അഭിനയിക്കുന്നത്. എനിക്ക് തോന്നുന്നു ആ കുട്ടി അന്ന് സാരി ഉടുത്തത് തന്നെ ജീവിതത്തിൽ ആദ്യമായിട്ടായിരിക്കും," ഏപ്രിൽ 18ൽ  ശോഭന വരാനിടയായ സാഹചര്യത്തെ കുറിച്ച് ഏപ്രിൽ 18ന്റെ സഹ സംവിധായകനായ വിജി തമ്പി മുൻപു പറഞ്ഞതിങ്ങനെ. 

Also Read: മമ്മൂട്ടിയുടെയും മോഹൻലാലിന്റെയും നായിക, 4600 കോടിയുടെ ആസ്തി; ആളെ മനസ്സിലായോ?

"സെറ്റിൽ വന്നാൽ എപ്പോഴും കുട്ടിത്തമാണ്. മലയാളം അറിയില്ല. കൂടുതൽ അറിയാവുന്നത് തമിഴാണ്. ഇം​ഗ്ലീഷും അറിയാം. മലയാളം വായിക്കാനറിയാത്തത് കൊണ്ട് ഇം​ഗ്ലീഷിലാണ് എഴുതി കൊടുക്കുക. അതിലൊന്നും താൽപര്യം കാണിക്കില്ല. നന്നായിട്ട് പടം വരയ്ക്കുമായിരുന്നു. ഒരു ദിവസം ഞാൻ ഡയലോ​ഗുകൾ മുഴുവനും ഇം​ഗ്ലീഷിൽ എഴുതി വെള്ള പേപ്പറിൽ കൊണ്ട് കൊടുത്തു. പഠിച്ചോളൂ, അടുത്ത സീനെടുക്കാനുള്ളതാണെന്ന് പറഞ്ഞു. കുറച്ച് കഴിഞ്ഞ് ഞാൻ വന്ന് നോക്കിയപ്പോൾ വെള്ള പേപ്പറിന്റെ കാലിയായ പുറത്ത് പടം വരച്ച് കൊണ്ടിരിക്കുകയാണ്."

Also Read: വിട, സമാധാനമായി ഉറങ്ങൂ കുഞ്ഞേ; ഉറ്റസുഹൃത്തിന്റെ വിയോഗത്തിൽ വേദനയോടെ ശോഭന