തെറ്റായ വ്യാഖ്യാനങ്ങൾ ഉണ്ടാക്കരുത്, ഞങ്ങൾ സന്തോഷത്തോടെയാണ് മുന്നോട്ടു പോവുന്നത്: വാർത്തകളോട് പ്രതികരിച്ച് ഷംന കാസിമിന്റെ ഭർത്താവ്

മലയാളികളുടെ പ്രിയപ്പെട്ട നടിമാരിൽ ഒരാളാണ് ഷംന കാസിം.  ജെബി ഗ്രൂപ്പ് ഫൗണ്ടറും സിഇഒയുമായ ഷാനിദ് ആസിഫ് അലിയെ ആണ് ഷംന വിവാഹം ചെയ്തിരിക്കുന്നത്. ആസിഫ് അലി ഇന്നലെ ഇൻസ്റ്റഗ്രാമിൽ പങ്കുവച്ച കുറിപ്പ് ഏറെ ശ്രദ്ധ നേടിയിരുന്നു.

Also Read: New malayalam OTT Releases: പോയ വാരം ഒടിടിയിലെത്തിയ 5 മലയാളചിത്രങ്ങൾ

"45 ദിവസങ്ങൾ… ജീവിതത്തിൽ ഒരിക്കലും മറക്കാനാകാത്ത ദിവസങ്ങൾ.
ഒറ്റപ്പെടലിന്റെ നിശ്ശബ്ദത,
ഓർമ്മകളിൽ കഴിച്ചുകൂട്ടിയ രാത്രികൾ,
പ്രാർത്ഥനകളിൽ കരഞ്ഞു കഴിച്ച പുലരികൾ…

ഈ 45 ദിവസങ്ങൾ എന്നെ പഠിപ്പിച്ചു –
സ്നേഹമെന്നത് എത്ര വലിയൊരു ശക്തിയാണെന്ന്,
ജീവിതത്തിലെ യഥാർത്ഥ അനുഗ്രഹം നമ്മോടൊപ്പം ഉണ്ടാകുന്നവർ തന്നെയാണെന്ന്.

ഇന്നിവിടെ, എന്റെ ഏറ്റവും വിലപ്പെട്ട അനുഗ്രഹം –
എന്റെ ഭാര്യ – വീണ്ടും എന്റെ അരികിൽ. 
നീണ്ട കാത്തിരിപ്പിന് ശേഷം കിട്ടിയ ഈ പുനർമിലനം
സന്തോഷത്തിന്റെ കണ്ണീർ മാത്രമാണ്. 

ഇനി വീണ്ടും നമ്മൾ ഒരുമിച്ച്,
ഒരേ സ്വപ്നങ്ങളുമായി, ഒരേ പ്രാർത്ഥനകളോടെ," എന്നു തുടങ്ങുന്ന ഷാനിദിന്റെ കുറിപ്പ് പെട്ടെന്ന് തന്നെ ചർച്ചയായി.

Also Read: Onam Release: ഓണം കളറാക്കാൻ തിയേറ്ററിലേക്ക്; കല്യാണിയ്ക്ക് ഇത് ഡബിൾ ധമാക്ക!

ഷംനയ്ക്ക് എന്തുപറ്റി, നിങ്ങൾ പിരിഞ്ഞു താമസിക്കുകയാണോ? തുടങ്ങി നിരവധി ചോദ്യങ്ങളെയും ഷാനിദിനു നേരിടേണ്ടി വന്നു. ഇപ്പോഴിതാ, മറ്റൊരു കുറിപ്പിലൂടെ കാര്യങ്ങൾ വ്യക്തമാക്കിയിരിക്കുകയാണ് ഷാനിദ്. 

"പ്രിയ സുഹൃത്തുക്കളേ,
എന്റെ ഭാര്യ ജയിലർ 2 സിനിമയുടെ ഷൂട്ടിംഗിനായി 20 ദിവസം ചെന്നൈയിലും, പിന്നെ 15 ദിവസം മലപ്പുറത്തും വീട്ടിലുമൊക്കെ ആയതിനാൽ, ആകെ 45 ദിവസത്തെ അവധിയായിരുന്നു. ഞങ്ങൾ വിവാഹിതരായി 3 വർഷം കഴിഞ്ഞിട്ടുണ്ടെങ്കിലും, ഇത്രയും നീണ്ട ദിവസങ്ങൾ ഞങ്ങൾ ഒരുമിച്ചില്ലാതെ കഴിഞ്ഞിട്ടില്ല. ആ ദിവസങ്ങളെയൊക്കെയാണ് ഞാൻ എന്റെ പോസ്റ്റിൽ പങ്കുവച്ചത്.  ദയവായി തെറ്റായ വ്യാഖ്യാനങ്ങൾ ഉണ്ടാക്കാതെ... അല്ലാഹുവിന്റെ അനുഗ്രഹത്താൽ സന്തോഷം നിറഞ്ഞ ജീവിതത്തോടെയാണ് ഞങ്ങൾ മുന്നോട്ട് പോകുന്നത്," എന്നാണ് ഷാനിദ് കുറിച്ചത്. 

Also Read: ജാസ്മിന്റെ റീല്‍ വിവാദം; ഗുരുവായൂര്‍ ക്ഷേത്രക്കുളത്തില്‍ പുണ്യാഹം നടത്താൻ ഒരുങ്ങി ദേവസ്വം

View this post on Instagram

A post shared by DrShanid Thalekoden (@dr.shanid_asifali)

Also Read: ഇതുപോലൊരു കഥ ചെയ്യാൻ ധൈര്യമുള്ളവർ ഇന്ന് ഇല്ല: മോഹൻലാൽ