നികുതി 1.75 കോടി; ഷാഹിദ് കപൂർ സ്വന്തമാക്കിയ ആഡംബര വീടിന്റെ വില അറിയാമോ?

ബോളിവുഡ് താരം ഷാഹിദ് കപൂറും, ഭാര്യ മീര രജ്പുത് കപൂറും സ്വന്തമാക്കിയ ആഡംബര ഭവനമാണ്, ആരാധകർക്കിടയിൽ ഇപ്പോൾ ചർച്ചാവിഷയം. സമുദ്രത്തിന് അഭിമുഖമായി സ്ഥിതിചെയ്യുന്ന ആഡംബര അപ്പാർട്ട്മെൻ്റാണ് താരദമ്പതികൾ മുംബൈയിൽ സ്വന്തമാക്കിയത്. 5,395 ചതുരശ്ര അടിയാണ് അപ്പാർട്ട്മെന്റിന്റെ വിസ്തീർണം.

ഈ മാസം 24നാണ് അപ്പാർട്ട്മെന്റിന്റെ രജിസ്ട്രേഷൻ പൂർത്തിയായത്. ഇടപാടിനായി ഷാഹിദും മീരാ കപൂറും 1.75 കോടി രൂപയോളം സ്റ്റാമ്പ് ഡ്യൂട്ടി നൽകിയെന്നാണ് റിപ്പോർട്ട്. ഒബ്റോയ് 360 വെസ്റ്റിലുള്ള രണ്ടു ടവറുകളിൽ ഒന്നാലാണ് അപ്പാർട്ട്‌മെന്റ് സ്ഥിതിചെയ്യുന്നത്. അത്യാദുനിക ആഡംബര സംവിധാനങ്ങളോടുകൂടിയ അപ്പാർട്ട്മെന്റിൽ മൂന്ന് പാർക്കിംഗ് സ്പേസും ഉൾപ്പെടുന്നു.

View this post on Instagram

A post shared by Shahid Kapoor (@shahidkapoor)

റിപ്പോർട്ടുകൾ അനുസരിച്ച് 60 കോടി രൂപയ്ക്കാണ് ഷാഹിദ് അപ്പാർട്ട്‌മെന്റ് സ്വന്തമാക്കിയത്. ചന്ദക് റിയാലിറ്റിയിൽ നിന്നാണ് ഭവനം ഷാഹിദ് സ്വന്തമാക്കിയിരിക്കുന്നത്. ചതുരശ്ര അടിയ്ക്ക് 65,000 രൂപ നിരക്കിൽ ചന്ദക് റിയാലിറ്റി വാങ്ങിയ വസ്തു, ചതുരശ്ര അടിക്ക് ഒരു ലക്ഷത്തിലധികം രൂപയ്ക്കാണ് വിറ്റതെന്നും റിപ്പോർട്ടുണ്ട്.

കൗൺസിൽ ഓൺ ടാൾ ബിൽഡിംഗ്‌സ് ആൻഡ് അർബൻ ഹാബിറ്റാറ്റിൻ്റെ (CTBUH) വെബ്‌സൈറ്റിൽ നൽകിയിരിക്കുന്ന വിശദാംശങ്ങൾ അനുസരിച്ച്, വസതികൾ സ്ഥിതി ചെയ്യുന്ന ടവർ എ-യ്ക്ക് 52 ​​നിലകളുണ്ട്, 255.6 മീറ്ററാണ് കെട്ടടത്തിന്റെ ഉയരം. 2015 ജൂലൈയിലാണ്, ഷാഹിദ് കപൂറും, മീര രജ്പുതും വിവാഹിതരാകുന്നത്. മിഷ, സെയ്ൻ എന്നീ രണ്ട് മക്കളും ദമ്പതികൾക്കുണ്ട്.

Read More Entertainment Stories Here

• 'മഞ്ഞുമ്മൽ ബോയ്സ്' നിർമ്മാതാക്കൾ ആസൂത്രിതമായി തട്ടിപ്പ് നടത്തിയെന്ന് പൊലീസ് റിപ്പോർട്ട്
• ഡ്രൈവിംഗ് സീറ്റിൽ ശ്രീനിയേട്ടൻ, പക്ഷേ വണ്ടിയോടിച്ചത് ഞാനും ചാക്കോച്ചനും ദൈവവും ചേർന്ന്: ആസിഫ് അലി
• ദേവനന്ദയെ അപകീർത്തിപ്പെടുത്തിയവർക്ക് എതിരെ പരാതിയുമായി കുടുംബം
• ആദ്യമായ് വിജയ്‌ ആലപിക്കുന്ന രണ്ടു ഗാനങ്ങൾ; ഗോട്ടിന്റെ വിശേഷം പങ്കുവച്ച് യുവൻ
• നേരത്തെ അറിഞ്ഞിരുന്നെങ്കിൽ ചികിത്സിച്ചു ഭേദമാക്കാമായിരുന്നു: എഡിഎച്ച്ഡി കണ്ടെത്തിയതിനെ കുറിച്ച് ഫഹദ്
• Varshangalkku Shesham OTT: വർഷങ്ങൾക്കു ശേഷം ഒടിടിയിലേക്ക്
• കാനിൽ ഇന്ത്യൻ സിനിമ തിളങ്ങുമ്പോൾ, മലയാളികൾക്ക് അഭിമാനിക്കാൻ മറ്റൊരു കാരണം കൂടി