ഡാൻസ് വീഡിയോ പങ്കുവച്ച ഷാരൂഖ് ഖാന് രസികൻ മറുപടി നൽകി മോഹൻലാൽ

താൻ നായകനായ 'ജവാൻ' എന്ന ഹിറ്റ് ബോളിവുഡ് ചിത്രത്തിലെ ഗാനത്തിനൊപ്പം ചുവടുവയ്ക്കുന്ന മോഹൻലാലിനെ പ്രശംസിച്ച് ബോളിവുഡിന്റെ കിങ് ഖാൻ ഷാരൂഖ് ഖാൻ അൽപ്പസമയം മുമ്പ് രംഗത്തെത്തിയിരുന്നു. ചിത്രത്തിലെ സിന്ദാ ബന്ദാ എന്ന അടിപൊളി ഡാൻസ് നമ്പറിനൊപ്പം വനിതാ അവാർഡ് നിശയിലാണ് മോഹൻലാൽ ഡാൻസ് ചെയ്തത്. ഇതിന്റെ വീഡിയോ ഇന്നലെ മുതൽ സമൂഹമാധ്യമങ്ങളിൽ വൈറലായിരുന്നു.

ഇന്ന് ഈ വീഡിയോ റിട്വീറ്റ് ചെയ്താണ് ഷാരൂഖ് മോഹൻലാലിന് നന്ദിയറിയിച്ചത്. "ഈ ഗാനം ഇപ്പോൾ എനിക്ക് ഏറ്റവും സ്പെഷ്യൽ ആക്കിയതിന് മോഹൻലാൽ സാറിന് നന്ദി. താങ്കളെ പോലെ പകുതി നന്നായി ചെയ്തിരുന്നെങ്കിൽ എന്ന് ആശിച്ചുപോയി. ലവ് യു സർ, താങ്കൾക്ക് എപ്പോൾ ഫ്രീയാകുമോ അപ്പോൾ വീട്ടിൽ അത്താഴം കഴിക്കാനായി കാത്തിരിക്കുന്നു. നിങ്ങളാണ് OG സിന്ദാ ബന്ദ!!!," ഷാരൂഖ് കുറിച്ചു.

Thank u @Mohanlal sir for making this song the most special for me now. Wish I had done it half as good as you. Love u sir and waiting for dinner at home as and when. You are the OG Zinda Banda!!! https://t.co/0NezClMavx

— Shah Rukh Khan (@iamsrk) April 23, 2024

ഇതിന് ഉടനടി മറുപടിയുമായി മോഹൻലാലും രംഗത്തെത്തി. "പ്രിയപ്പെട്ട ഷാരൂഖ്, നിങ്ങളെപ്പോലെ ആർക്കും അത് ചെയ്യാൻ കഴിയില്ല! നിങ്ങളുടെ ക്ലാസിക്, അനുകരണീയമായ ശൈലിയിൽ നിങ്ങൾ എപ്പോഴും OG സിന്ദാ ബന്ദയായിരിക്കും. നിങ്ങളുടെ നല്ല വാക്കുകൾക്ക് നന്ദി. കൂടാതെ, അത്താഴം മാത്രമാണോ? പ്രഭാതഭക്ഷണത്തിലും സിന്ദാ ബന്ദയ്ക്കൊപ്പം ചുവടുവച്ചാലോ?" എന്നും മോഹൻലാൽ ചോദിച്ചു.

Done sir. Your place or mine? https://t.co/5kvZQYrWEi

— Shah Rukh Khan (@iamsrk) April 23, 2024

ഇതിന് മറുപടി ഷാരൂഖ് ഖാൻ എക്സിലൂടെ തന്നെ നൽകി. "തീർച്ചയായും സാർ, കൂടേണ്ടത് താങ്കളുടെ വീട്ടിലാണോ, അതോ എന്റെയോ?," ഷാരൂഖ് എക്സിൽ കുറിച്ചു.

Read More Entertainment Stories Here

• ഷമ്മീടെ അല്ലേ വൈഫ്, അങ്ങനെയെ വരൂ; വൈറലായി ഗ്രേസിന്റെ 'കരിങ്കാളിയല്ലേ' റീൽസ്
• സുന്ദരി നീയും സുന്ദരൻ ഞാനും; വനിത അവാർഡ് നിശയിൽ തിളങ്ങി പൃഥ്വിയും സുപ്രിയയും
• പ്രശസ്തനായപ്പോൾ കാമുകിയെ ഉപേക്ഷിച്ചു: ആയുഷ്മാൻ ഖുറാന
• ഇച്ചാക്കയുടെ ലാലും ലാലിന്റെ ഇച്ചാക്കയും; ഏതു ഇൻഡസ്ട്രിയ്ക്കുണ്ട് ഇതുപോലെ രണ്ടു സൂപ്പർസ്റ്റാറുകൾ?