ഏറിയാൽ 2000 രൂപ, അതിലും വിലയുള്ളത് ഒന്നും വാങ്ങാറില്ല: സായ് പല്ലവി

തെന്നിന്ത്യയിൽ ഏറ്റവും കൂടുതൽ ആരാധകരുള്ള നടിമാരിൽ ഒരാളാണ് സായ് പല്ലവി. നാച്യുറൽ ബ്യൂട്ടി എന്നു വിശേഷിപ്പിക്കാവുന്ന ഒരാൾ കൂടിയാണ് പല്ലവി. പൊതുചടങ്ങുകളിലെല്ലാം ഒരു സാരി ചുറ്റി സിമ്പിൾ ലുക്കിലാണ് സായ് പല്ലവി പ്രത്യക്ഷപ്പെടാറുള്ളത്. അധികം മേക്കപ്പോ ആഭരണങ്ങളുടെ പകിട്ടോ ഒന്നുമില്ലാതെ എത്തുന്ന സായ് പല്ലവിയുടെ ലാളിത്യം ആരാധകരും പലകുറി ചർച്ച ചെയ്തിട്ടുള്ള കാര്യമാണ്. കഴിഞ്ഞ ദിവസമായിരുന്നു സായ് പല്ലവിയുടെ സഹോദരി പൂജ കണ്ണന്റെ വിവാഹനിശ്ചയം. ആ ചടങ്ങിലും   വെള്ളയും ​ഗോൾഡൻ നിറവും ചേർന്നൊരു സിമ്പിൾ സാരിയും മിനിമം ആഭരണങ്ങളും ധരിച്ചാണ് സായ് പല്ലവി എത്തിയത്. 

Read Here: കാശിനോട് ഒരു താത്പര്യവുമില്ലാത്ത ആളാ... സായ് പല്ലവിയെക്കുറിച്ച് ഐശ്വര്യ ലക്ഷ്മി

View this post on Instagram

A post shared by Pooja Kannan (@poojakannan_97)

പൊതുവെ വളരെ സിമ്പിൾ ലൈഫ് നയിക്കാൻ ഇഷ്ടപ്പെടുന്ന ആളാണ് ഞാനെന്ന് സായ് പല്ലവി തന്നെ പല അഭിമുഖങ്ങളിലും പറഞ്ഞിട്ടുണ്ട്.

"ഞാൻ എനിക്കു വേണ്ടി വാങ്ങുന്ന സാധനങ്ങളൊക്കെ എപ്പോഴും വില കുറഞ്ഞതാവും. ഞാൻ 1000 അല്ലെങ്കിൽ 2000 രൂപയുടെ സാരി തിരഞ്ഞെടുക്കും, അമ്മ വന്ന് പറയും ആ 10000 രൂപയുടെ സാരി എടുക്കൂ പല്ലവീ എന്ന്. രണ്ടായിരം രൂപയുടെ സാരിയിൽ തന്നെ ഞാൻ സുന്ദരിയായിരിക്കും, പിന്നെ എനിക്കെന്തിനാണ് പതിനായിരം രൂപയുടെ സാരി എന്നു ഞാൻ ചോദിക്കും. അമ്മ, പൂജ അവർക്കൊക്കെ വേണ്ടി പണം ചെലവഴിക്കാൻ എനിക്കിഷ്ടമാണ്. എനിക്കു വേണ്ടി ചെലവഴിക്കാൻ ഇഷ്ടമില്ല. ഞാൻ യുഎസിലേക്കു പോവുമ്പോൾ ഒരു ഷൂ വാങ്ങണം, ഞാൻ അതു സെലക്ട് ചെയ്തപ്പോഴേക്കും അമ്മ പോയി ബിൽ അടിച്ചുവന്നു. 15000 രൂപ. ആ ഷൂ കയ്യിലെടുത്തു നടന്നാലോ എന്നു തോന്നിപ്പോയി. അത്രയും പൈസയ്ക്ക് ഷൂ വാങ്ങിയത് എനിക്ക് ബാഡ് ആയി തോന്നി," മുൻപൊരു അഭിമുഖത്തിൽ സായി പല്ലവി പറഞ്ഞതിങ്ങനെ. 

സായ് പല്ലവിയുടെ നിലപാടുകൾ കണ്ട് അത്ഭുതം തോന്നിയിട്ടുണ്ടെന്ന് മുൻപ് നടി ഐശ്വര്യ ലക്ഷ്മിയും ഒരു അഭിമുഖത്തിൽ പറഞ്ഞിരുന്നു. പണത്തിനോട് ഇത്ര താത്പര്യമില്ലാത്ത ഒരാളെ താൻ കണ്ടിട്ടില്ലെന്നാണ് അവർക്ക് അത് ആവശ്യമില്ലെന്നുമാണ് ഐശ്വര്യ പറഞ്ഞത്. 

"പല്ലവി എടുത്തിട്ടുള്ള ഒരുപാട് നിലപാടുകൾ ഉണ്ട്. ഫെയർനെസ് ക്രീമിന്റെ പരസ്യം. നല്ല കാശ് കിട്ടുന്ന പരിപാടി ആണ്. പക്ഷെ അത് അവർ വേണ്ടെന്ന് വെച്ചു. എനിക്ക് തോന്നുന്നില്ല അവർ ഏതെങ്കിലും ഒരു ബ്രാൻഡിന് വേണ്ടി പരസ്യം ചെയ്തിട്ടുണ്ടെന്ന്. പരസ്യം മാത്രമല്ല ഷോപ്പ് ഉദ്ഘാടന പരിപാടികൾക്കൊന്നും അവർ പോകാറില്ല. കാശിനോട് ഒരു താൽപര്യവുമില്ലാത്ത വ്യക്തിയാണ്. അവർക്ക് വേണമെങ്കിൽ വലിയ വലിയ കാറുകൾ വാങ്ങിക്കാം. ഡയമണ്ട് വാങ്ങിക്കൂട്ടാം. പക്ഷെ ഒന്നും ചെയ്യാറില്ല.  താരജാഡ ഒന്നുമില്ല. കാശ് അവർക്ക് ആവശ്യം പോലുമില്ല. ചെറിയ ചെറിയ ആവശ്യങ്ങളല്ലേ നമുക്കുള്ളൂ എന്നാണ് പറയാറ്. എന്താണ് കാറ് വാങ്ങിക്കാത്തതെന്ന് ഞാൻ ചോദിച്ചിട്ടുണ്ട്. ഇപ്പോഴും ഒരു റെഡ് സ്വിഫ്റ്റ് കാറാണ് സായ് പല്ലവി ഉപയോ​ഗിക്കുന്നത്," ഐശ്വര്യയുടെ വാക്കുകളിങ്ങനെ. 

Read More

• പുതിയ വീട് സ്വന്തമാക്കി അനുശ്രീ; ആശംസകളുമായി ദിലീപ് മുതൽ സ്വാസിക- പ്രേം ദമ്പതികൾ വരെ എത്തിയപ്പോൾ, വീഡിയോ
• വി ആർ ഫാമിലി; മുൻഭാര്യമാർക്കും മക്കൾക്കുമൊപ്പം ആമിർ ഖാൻ
• കാത്തിരുന്ന കല്യാണമെത്തി: ഹൽദി ആഘോഷമാക്കി ജിപിയും ഗോപികയും, ചിത്രങ്ങൾ
• കടലും പ്രകൃതിയും സാക്ഷിയാക്കിയൊരു വിവാഹം; സ്വാസികയുടെ ഡ്രീമി വെഡ്ഡിംഗ് ചിത്രങ്ങൾ
• ഞാന്‍ ലേറ്റ് ആവുന്നെടോ, വേഗം വാ; അനിയത്തിയെ ഒരുക്കാന്‍ കൂടി സായ് പല്ലവി, വീഡിയോ