കടലും പ്രകൃതിയും സാക്ഷിയാക്കിയൊരു വിവാഹം; സ്വാസികയുടെ ഡ്രീമി വെഡ്ഡിംഗ് ചിത്രങ്ങൾ

ബുധനാഴ്ചയായിരുന്നു നടിയും നർത്തകിയും ടെലിവിഷൻ അവതാരകയുമായ സ്വാസികയും നടനും മോഡലുമായ പ്രേം ജേക്കബും തമ്മിലുള്ള വിവാഹം.

ഇരുവരും രണ്ടുവർഷത്തിലേറെയായി പ്രണയത്തിലാണ്.

മനം പോലെ മംഗല്യം എന്ന സീരിയലിന്റെ സെറ്റിൽ വച്ചാണ് സ്വാസികയും പ്രേമും പ്രണയത്തിലാവുന്നത്.

കൊച്ചി ചെറായിയിലെ ഒരു ബീച്ച് റിസോർട്ടിൽ വച്ചായിരുന്നു വിവാഹം. അടുത്ത സുഹൃത്തുക്കളും ബന്ധുക്കളും മാത്രമാണ് ചടങ്ങിൽ പങ്കെടുത്തത്.

ഡ്രീമി വെഡ്ഡിംഗിൽ നിന്നുള്ള ചിത്രങ്ങൾ സമൂഹമാധ്യമങ്ങളിലും വൈറലാവുകയാണ്.

"ഞങ്ങൾ ഒന്നിച്ച് ജീവിക്കാൻ തിരുമാനിച്ചിരിക്കുന്നു" എന്നാണ് സ്വാസിക സോഷ്യൽ മീഡിയയിൽ ചിത്രങ്ങൾ പങ്കുവച്ചുകൊണ്ട് കുറിച്ചത്.

സുരേഷ് ഗോപി, നടിമാരായ ദേവി ചന്ദന, മഞ്ജു പിള്ള, രചന നാരായണൻ കുട്ടി, അമ്മ ജനറൽ സെക്രട്ടറി നടൻ ഇടവേള ബാബു തുടങ്ങി നിരവധി പേർ ചടങ്ങിൽ പങ്കെടുക്കാനെത്തിയിരുന്നു

മണവാട്ടിയെ അണിയിച്ചൊരുക്കി കൂട്ടുകാരികൾ

വൈഗൈ’ എന്ന തമിഴ് ചിത്രത്തിലൂടെയായിരുന്നു സ്വാസികയുടെ അരങ്ങേറ്റം. പൂജ വിജയ് എന്നാണ് സ്വാസികയുടെ യഥാർത്ഥ പേര്.

2010ൽ ഫിഡിൽ എന്ന സിനിമയിലൂടെയാണ് സ്വാസിക മലയാളത്തിലെത്തിയത്. പ്രഭുവിന്റെ മക്കൾ, കട്ടപ്പനയിലെ ഋത്വിക് റോഷൻ, പൊറിഞ്ചു മറിയം ജോസ്, ചതുരം എന്നിവയെല്ലാം സ്വാസികയുടെ ശ്രദ്ധേയമായ ചിത്രങ്ങളാണ്.

'വാസന്തി' എന്ന ചിത്രത്തിലൂടെ മികച്ച സ്വഭാവ നടിക്കുള്ള സംസ്ഥാന സർക്കാരിന്റെ പുരസ്‌കാരവും സ്വാസിക സ്വന്തമാക്കിയിരുന്നു.

സിനിമയ്‌ക്കൊപ്പം തന്നെ സീരിയലുകളിലും സ്വാസിക അഭിനയിച്ചിട്ടുണ്ട്. ദത്തുപുത്രി, സീത എന്നീ സീരിയലുകൾ സ്വാസികയ്ക്ക് ഏറെ ജനപ്രീതി നേടി കൊടുത്തിരുന്നു

സ്വാസിക നായികയായ ‘വിവേകാനന്ദൻ വൈറലാണ്’ എന്ന ചിത്രം കഴിഞ്ഞയാഴ്ചയാണ് തിയേറ്ററിലെത്തിയത്.