രാമനായി രൺബീർ രാവണനായി യഷ്; 'രാമായണ' ടീസർ പുറത്ത്

Ramayana Teaser: രൺബീർ കപൂർ, സായ് പല്ലവി, യഷ് എന്നിവർ പ്രധാന വേഷങ്ങളിൽ എത്തുന്ന രാമയണത്തിൻ്റെ ഫസ്റ്റ് ലുക്ക് ടീസറാണ് കഴിഞ്ഞ ദിവസം റിലീസായത്. നിതേഷ് തിവാരിയാണ് ചിത്രത്തിൻ്റെ സംവിധാനം. ശ്രീധർ രാഘവൻ്റേതാണ് തിരക്കഥ. മൂന്ന് മിനിറ്റ് ദൈർഘ്യമുള്ള ടീസർ ധാരാളം വിഷ്വൽ എഫക്റ്റുകൾ കൊണ്ട് ഗംഭീരമാക്കിയിട്ടുണ്ട്.

രൺബീറും യഷുമാണ് ടീസറിൽ ഉള്ളത്. ഹാൻസ് സിമ്മറിൻ്റെയും എ ആർ റഹ്മാൻ്റെയും സംഗീതമാണ് ടീസറിൻ്റെ പശ്ചാത്തലത്തിൽ കേൾക്കാൻ സാധിക്കുന്നത്. 

ഹോളിവുഡ് സീരിസായ 'ഗെയിം ഓഫ് ത്രോൺസി'നെ അനുസ്മരിപ്പിക്കുന്ന വിധത്തിൽ തുടക്കത്തിൽ തന്നെ ക്രെഡിറ്റുകൾ ടീസറിൽ കാണാം. 'ഞങ്ങളുടെ  സത്യം, ഞങ്ങളുടെ ചരിത്രം' എന്ന കുറിപ്പോടെ യഷും ടീസർ പങ്കുവച്ചിട്ടുണ്ട്.  

Also Read: സിനിമയിൽ തുടക്കം കുറിച്ച് വിസ്മയ; ആശംസകളുമായി മോഹൻലാൽ

സായ് പല്ലവിയും രൺബീറും ഒരുമിച്ചുള്ള ചില ലൊക്കേഷൻ ചിത്രങ്ങൾ പുറത്തു വന്നതോടെയാണ് ഇരുവരും രാമയണത്തിലുണ്ടാകുമെന്ന അഭ്യൂഹങ്ങൾ പരന്നത്. രൺബീർ ആദ്യമായാണ് ഒരു പുരാണ കഥാപാത്രത്തെ അവതരിപ്പിക്കുന്നത്. ഹനുമാനായി സണ്ണി ഡിയോളും, ലക്ഷമണനായി രവി ദുബെയും ചിത്രത്തിലുണ്ട്. രാകുൽ പ്രീത് സിംഗ്, വിവേക് ഒബ്രോയ്, അരുൺ ഗോവിൽ എന്നിവരാണ് മറ്റ് അഭിനേതാക്കൾ.

Also Read: നരിവേട്ട ഒടിടിയിലേക്ക്

View this post on Instagram

A post shared by Yash (@thenameisyash)

Also Read: ബഡ്ജറ്റ് 850 കോടി; ഇന്ത്യയിലെ ഏറ്റവും ചെലവേറിയ സിനിമയായി രാമായണം

രണ്ട് ഭാഗങ്ങളായാണ് ചിത്രം റിലീസിനെത്തുന്നത്. ആദ്യ ഭാഗം 2026ലും രണ്ടാം ഭാഗം 2027ലും ദീപാവലി റിലീസായി എത്തിയേക്കുമെന്നാണ് റിപ്പോർട്ടുകൾ. 

Read More: തഗ് ലൈഫ് ഒടിടിയിലെത്തി; ചിത്രം എവിടെ കാണാം