വീണ്ടും കൈകോർത്ത് ബെൻസും ജോർജ് സാറും; 'പാളിപ്പോകേണ്ടിയിരുന്ന ഐറ്റം മേളിൽ കൊണ്ടുവച്ചെന്ന്' ആരാധകർ

മലയാളം സിനിമയിലെ എക്കാലത്തെയും വലിയ ബ്ലോക്ബസ്റ്റർ വിജയങ്ങളിൽ ഒന്നായി മാറിയ ചിത്രമാണ് മോഹൻലാലിനെ നായകനാക്കി തരുൺ മൂർത്തി സംവിധാനം ചെയ്ത 'തുടരും'. ഒരുപിടി ബോക്സ് ഓഫീസ് റെക്കോർഡുകളും തുടരും സ്വന്തംപേരിലായിക്കിയിട്ടുണ്ട്. 

സിനിമയുടെ വൻ വിജയത്തിനൊപ്പം അതിലെ കഥാപാത്രങ്ങളും ഏറെ കൈയ്യടി നേടിയിരുന്നു. മോഹൻലാലിന്റെ ബെൻസും വില്ലനായെത്തിയ പ്രകാശ് വർമ്മയുമെല്ലാം സോഷ്യൽമീഡിയയിൽ തരംഗമാണ്. ഇപ്പോഴിതാ വീണ്ടുമൊരു മോഹൻലാൽ - പ്രകാശ് വർമ്മ കൂട്ടുകെട്ടാണ് ശ്രദ്ധനേടുന്നത്.

Also Read: ഒരേ സിനിമയിൽ മകനായും അമ്മയായും സഹോദരിയായും അഭിനയിച്ചൊരു നടനുണ്ട് മലയാളത്തിൽ

മോഹൻലാലും പ്രകാശ് വർമ്മയും അഭിനയിച്ച പരസ്യമാണ് സൈബറിടങ്ങളിൽ വൈറലാകുന്നത്. ആഭരണങ്ങൾ അണിഞ്ഞ് സ്‌ത്രൈണ ഭാവത്തില്‍ ചുവടുവയ്ക്കുന്ന മോഹൻലാലിന്റെ രംഗങ്ങളാണ് കൈയ്യടി നേടുന്നത്. 

Also Read: മോഹൻരാജിന്റെ മരണം; 650 സംഘട്ടന കലാകാരന്മാര്‍ക്ക് ഇൻഷുറൻസുമായി അക്ഷയ് കുമാർ

നിരവധി ആരാധകരാണ് വീഡിയോയിൽ കമന്റുമായെത്തുന്നത്. "പാളിപ്പോകേണ്ടിയിരുന്ന ഐറ്റം അങ്ങ് മേളിൽ കൊണ്ടുവച്ചു" എന്നാണ് ഒരാൾ വീഡിയോയിൽ കുറിച്ചത്. "ഈ പരസ്യത്തിലേതു പോലെ സുന്ദരമായ മറ്റൊരു ലാൽ ഭാവവും അടുത്തൊന്നും കണ്ടിട്ടില്ല.  എന്തൊരു ഭംഗിയും ഭാവവുമാണ്. വീണ്ടും വീണ്ടും കാണാൻ തോന്നിപ്പിക്കുന്ന മറ്റൊരു പരസ്യവും അടുത്ത് കണ്ടിട്ടില്ല", "എന്താ മോനെ... സ്വല്പം ശൃംഗാരം ആയാലോ", "എളുപ്പം കൈവിട്ട് പോവാനും ട്രോൾ വരാനും സാധ്യത ഉള്ളതാ, പക്ഷെ ലാലേട്ടൻ ഇത് കിടു ആയി ചെയ്തു" എന്നിങ്ങനെയാണ് യൂട്യൂബിൽ പങ്കുവച്ച വീഡിയോയിലെ കമന്റുകൾ.

Read More: ഞാനാകെ അഭിനയിച്ചത് 9 പടം, ഏഴിലും മുരളി അങ്കിളായിരുന്നു അച്ഛൻ: രഹ്ന