മരണ വാർത്തയ്ക്കു പിന്നാലെ ജീവനോടെയുണ്ടെന്ന് അറിയിച്ച് പൂനം പാണ്ഡെ

ബോളിവുഡ് നടിയും മോഡലുമായ പൂനം പാണ്ഡെ മരിച്ചിട്ടില്ലെന്ന് സ്ഥിരീകരിച്ച് പുതിയ പോസ്റ്റ്. ''ഞാൻ ജീവിച്ചിരുപ്പുണ്ട്, സെർവിക്കൽ കാൻസർ ബാധിച്ച് ഞാൻ മരിച്ചിട്ടില്ല,'' പൂനം ഇൻസ്റ്റഗ്രാമിൽ പങ്കുവച്ച വീഡിയോയിൽ പറഞ്ഞു.

പൂനം മരിച്ചതായി അവരുടെ ഇൻസ്റ്റഗ്രാം പേജിൽ വെള്ളിയാഴ്ച (ഫെബ്രുവരി 2) പോസ്റ്റ് ഷെയർ ചെയ്തിരുന്നു. സെർവിക്കൽ കാൻസറിനെ (ഗർഭാശയ​ഗള അർബുദം) തുടർന്നായിരുന്നു അന്ത്യമെന്ന് അവരുടെ ഔദ്യോഗിക ഇന്‍സ്റ്റഗ്രാം അക്കൗണ്ടിൽ പങ്കുവച്ച കുറിപ്പിൽ പറയുന്നു. 

''ഈ പ്രഭാതം വളരെ വേദനാജനകമാണ്. സെർവിക്കൽ കാൻസറിനെ തുടർന്ന് നമ്മുടെ പ്രിയപ്പെട്ട പൂനത്തെ നഷ്ടമായെന്ന ദുഃഖ വാർത്ത നിങ്ങളെ അറിയിക്കുന്നു. പൂനത്തെ ഒരിക്കലെങ്കിലും പരിചയപ്പെട്ടവർക്ക് അവരുടെ സ്നേഹവും കരുതലും അറിയാം,'' കുറിപ്പിൽ പറയുന്നു.

View this post on Instagram

A post shared by Poonam Pandey (@poonampandeyreal)

പൂണ്ഡത്തിന്റെ മാനേജരും മരണ വിവരം ഇന്ത്യൻ എക്സ്പ്രസ് ഡോട് കോമിനോടു സ്ഥിരീകരിച്ചിരുന്നു. ഉത്തർപ്രദേശിലെ തന്റെ ജന്മസ്ഥലത്തുവച്ചാണ് പൂനം മരിച്ചതെന്നാണ് മാനേജർ നികിത പറഞ്ഞത്.

2013 ൽ 'നാഷ' എന്ന ചിത്രത്തിലൂടെയായിരുന്നു പൂനത്തിന്റെ ബോളിവുഡ് അരങ്ങേറ്റം. 'ലോക്ക് അപ്' എന്ന റിയാലിറ്റി ഷോയിലാണ് പൂനം അവസാനമായി എത്തിയത്. 

കന്നഡ, തെലുങ്ക് ചിത്രങ്ങളിലും അഭിനയിച്ചിട്ടുണ്ട്. 2011 ലെ ലോകകപ്പ് ക്രിക്കറ്റ് ഫൈനലിലെ ഇന്ത്യയുടെ മത്സരവുമായി ബന്ധപ്പെട്ട് പൂനം നടത്തിയ പ്രസ്താവന ഏറെ വിവാദമായിരുന്നു.

Read More

• 'ഞാൻ മരിച്ചിട്ടില്ല, ജീവനോടെയുണ്ട്', ഇൻസ്റ്റഗ്രാമിൽ വീഡിയോ പങ്കുവച്ച് പൂനം പാണ്ഡെ
• സെർവിക്കൽ കാൻസറിൽ നിന്ന് രക്ഷനേടാം; 10 മാർഗ്ഗങ്ങൾ ഇതാ
• സെർവിക്കൽ കാൻസർ പ്രതിരോധത്തിനായി വാക്സിനേഷൻ പദ്ധതികൾ
• ഇതാണ് രാജ്യസ്നേഹം; മോദിജിയുടെ വാക്ക് ശിരസാവഹിച്ച് താരസുന്ദരി