/indian-express-malayalam/media/agency_attachments/RBr0iT1BHBDCMIEHAeA5.png)
Follow Us/indian-express-malayalam/media/media_files/q3UOwCnOvQFXk88BtJgQ.jpg)
താൻ മരിച്ചിട്ടില്ലെന്ന് അറിയിച്ച് ബോളിവുഡ് നടിയും മോഡലുമായ പൂനം പാണ്ഡെ. ''ഞാൻ ജീവിച്ചിരുപ്പുണ്ട്, സെർവിക്കൽ കാൻസർ ബാധിച്ച് ഞാൻ മരിച്ചിട്ടില്ല,'' പൂനം ഇൻസ്റ്റഗ്രാമിൽ പങ്കുവച്ച വീഡിയോയിൽ പറഞ്ഞു.
''അറിവില്ലായ്മയെ തുടർന്ന് ആയിരക്കണക്കിന് സ്ത്രീകൾ സെർവിക്കൽ കാൻസറിനെ തുടർന്ന് മരണപ്പെടുന്നു. മറ്റ് ചില കാൻസറുകളിൽ നിന്ന് വ്യത്യസ്തമായി, സെർവിക്കൽ കാൻസർ പൂർണമായും തടയാവുന്നതാണ്. എച്ച്‌പിവി വാക്സിനിലും നേരത്തെയുള്ള പരിശോധനകളുമാണ് പ്രധാനം. ഈ രോഗം മൂലം ആർക്കും ജീവൻ നഷ്ടപ്പെടാതിരിക്കാനുള്ള മാർഗങ്ങൾ നമുക്കുണ്ട്. ഈ രോഗത്തിന്റെ വിനാശകരമായ ആഘാതം അവസാനിപ്പിക്കാൻ നമുക്ക് ഒരുമിച്ച് പരിശ്രമിക്കാം,'' പൂനം വീഡിയോയിൽ പറയുന്നു.
ആരെയെങ്കിലും വേദനിപ്പിച്ചുവെങ്കിൽ അവരോട് ക്ഷമ ചോദിക്കുന്നതായും മറ്റൊരു വീഡിയോയിൽ പൂനം പറയുന്നു. നമ്മൾ അധികമൊന്നും സംസാരിക്കാത്ത സെർവിക്കൽ കാൻസറിനെക്കുറിച്ച് അവബോധമുണർത്തുകയായിരുന്നു എന്റെ ലക്ഷ്യം. ഞാൻ മരിച്ചതായി തെറ്റിദ്ധരിപ്പിച്ചു. പക്ഷേ, അതിലൂടെ സെർവിക്കൽ കാൻസറിനെക്കുറിച്ച് നമ്മളെല്ലാം സംസാരച്ചു തുടങ്ങിയെന്നും പൂനം പറഞ്ഞു.
സെർവിക്കൽ കാൻസറിനെ (ഗർഭാശയഗള അർബുദം) തുടർന്ന് പൂനം പാണ്ഡെ മരിച്ചതായി അവരുടെ ഔദ്യോഗിക ഇന്‍സ്റ്റഗ്രാം അക്കൗണ്ടിൽ ഇന്നലെ പോസ്റ്റ് പങ്കുവച്ചിരുന്നു. ''ഈ പ്രഭാതം വളരെ വേദനാജനകമാണ്. സെർവിക്കൽ കാൻസറിനെ തുടർന്ന് നമ്മുടെ പ്രിയപ്പെട്ട പൂനത്തെ നഷ്ടമായെന്ന ദുഃഖ വാർത്ത നിങ്ങളെ അറിയിക്കുന്നു. പൂനത്തെ ഒരിക്കലെങ്കിലും പരിചയപ്പെട്ടവർക്ക് അവരുടെ സ്നേഹവും കരുതലും അറിയാം,'' ഇതായിരുന്നു പോസ്റ്റ്.
2013 ൽ 'നാഷ' എന്ന ചിത്രത്തിലൂടെയായിരുന്നു പൂനത്തിന്റെ ബോളിവുഡ് അരങ്ങേറ്റം. 'ലോക്ക് അപ്' എന്ന റിയാലിറ്റി ഷോയിലാണ് പൂനം അവസാനമായി എത്തിയത്.
കന്നഡ, തെലുങ്ക് ചിത്രങ്ങളിലും അഭിനയിച്ചിട്ടുണ്ട്. 2011 ലെ ലോകകപ്പ് ക്രിക്കറ്റ് ഫൈനലിലെ ഇന്ത്യയുടെ മത്സരവുമായി ബന്ധപ്പെട്ട് പൂനം നടത്തിയ പ്രസ്താവന ഏറെ വിവാദമായിരുന്നു. കന്നഡ, തെലുങ്ക് ചിത്രങ്ങളിലും അഭിനയിച്ചിട്ടുണ്ട്. 2011 ലെ ലോകകപ്പ് ക്രിക്കറ്റ് ഫൈനലിലെ ഇന്ത്യയുടെ മത്സരവുമായി ബന്ധപ്പെട്ട് പൂനം നടത്തിയ പ്രസ്താവന ഏറെ വിവാദമായിരുന്നു.
Read More
Stay updated with the latest news headlines and all the latest Lifestyle news. Download Indian Express Malayalam App - Android or iOS.