സൂപ്പർ ഹീറോയ്ക്കൊപ്പം സൂപ്പർ വില്ലന്റെ എൻട്രി; അപ്ഡേറ്റുമായി മമ്മൂട്ടി

മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി നവാ​ഗതനായ ജിതിൻ കെ. ജോസ് സംവിധാനം നിർവഹിക്കുന്ന 'കളങ്കാവൽ' എന്ന ചിത്രത്തിന്റെ ഓരോ അപ്ഡേറ്റുകളും ആവേശത്തോടെയാണ് ആരാധകർ ഏറ്റെടുക്കുന്നത്. അടുത്തിടെ പുറത്തുവിട്ട ചിത്രത്തിന്റെ പോസ്റ്റർ വലിയ സ്വീകാര്യത നേടിയിരുന്നു. ഇപ്പോഴിതാ, ചിത്രത്തിന്റെ ടീസർ റിലീസ് തീയതി ആരാധകരുമായി പങ്കുവച്ചിരിക്കുകയാണ് മമ്മൂട്ടി.

കല്യാണി പ്രിയദർശനെയും നസ്ലനെയും കേന്ദ്രകഥപാത്രങ്ങളാക്കി ദുൽഖർ സൽമാൻ നിർമ്മിക്കുന്ന സൂപ്പർ ഹീറോ ചിത്രമായ 'ലോക - ചാപ്റ്റർ വൺ: ചന്ദ്ര' എന്ന സിനിമയ്ക്കൊപ്പമാകും കളങ്കാവൽ ടീസർ എത്തുക. ടീസർ ലോകയ്ക്കൊപ്പം തിയേറ്ററിൽ പ്രദർശിപ്പിക്കുമെന്ന് മമ്മൂട്ടി സോഷ്യൽ മീഡിയയിലൂടെ അറിയിച്ചു.  ഓ​ഗസ്റ്റ് 28നാണ് ലോകയുടെ റിലീസ്.

മമ്മൂട്ടി കമ്പനിയുടെ ബാനറിൽ നിർമ്മിക്കുന്ന കളങ്കാവൽ വേഫറർ ഫിലിംസാണ് കേരളത്തിൽ വിതരണത്തിനെത്തിക്കുന്നത്. ജിഷ്ണു ശ്രീകുമാറും ജിതിൻ കെ ജോസും ചേർന്നാണ് ചിത്രത്തിൻ്റെ തിരക്കഥ രചിച്ചത്. ദുൽഖർ സൽമാൻ നായകനായെത്തിയ സൂപ്പർഹിറ്റ് ചിത്രം ‘കുറുപ്പ്’ന്റെ കഥ ഒരുക്കി ശ്രദ്ധ നേടിയ ജിതിൻ കെ ജോസ് ആദ്യമായ് സംവിധാനം ചെയ്യുന്ന ഈ ചിത്രം മമ്മൂട്ടി കമ്പനിയുടെ ബാനറിൽ നിർമ്മിക്കുന്ന ഏഴാമത്തെ ചിത്രം കൂടിയാണ്.

Also Read: "റീ എൻട്രി ഇങ്ങനെ ആയാലോ?"; വൈറലായി മമ്മൂട്ടിയുടെ പുതിയ ലുക്ക്

ഫൈസൽ അലി ഛായാഗ്രഹണം നിർവഹിച്ചിരിക്കുന്ന ചിത്രത്തിന്റെ സംഗീത സംവിധാനം കൈകാര്യം ചെയ്തിരിക്കുന്നത് മുജീബ് മജീദാണ്. പ്രവീൺ പ്രഭാകർ എഡിറ്റിങ് നിർവഹിക്കുന്ന കളങ്കാവലിൽ മമ്മൂട്ടി ഗ്രേ ഷെഡിലുള്ള കഥാപാത്രത്തെയാണ് അവതരിപ്പിക്കുന്നതെന്നാണ് റിപ്പോർട്ടുകൾ. 

Also Read:ഞാൻ അവസാനത്തെ ടെസ്റ്റും പാസ്സായടാ; വികെ ശ്രീരാമനെ തേടിയെത്തിയ മമ്മൂട്ടിയുടെ ഫോൺ കോൾ

ചിത്രത്തിൻറെ പ്രഖ്യാപനം മുതൽ ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് കളങ്കാവൽ. ചിത്രത്തിലെ മമ്മുട്ടിയുടെ ലൂക്കാണ് ഏറെ ശ്രദ്ധ നേടിയത്. ക്രൈം ത്രില്ലർ ജോണറിലൊരുങ്ങുന്ന ചിത്രത്തിൽ വൻ താരനിര ഭാഗമാകുമെന്നാണ് റിപ്പോർട്ട്. നന്‍പകല്‍ നേരത്ത് മയക്കം, കാതല്‍, റോഷാക്ക്, കണ്ണൂര്‍ സ്‌ക്വാഡ്, ടര്‍ബോ, ഡൊമിനിക് ആന്‍ഡ് ദി ലേഡീസ് പേഴ്സ് എന്നീ ചിത്രങ്ങള്‍ക്ക് ശേഷം മമ്മൂട്ടി കമ്പനി നിർമ്മിക്കുന്ന​ ഏഴാമത്തെ ചിത്രമാണ് കളങ്കാവൽ.

Read More: 'ഡാ... ഈ സാധനം പറക്കുവോ?' വിസ്മയിപ്പിക്കാൻ 'ലോക - ചാപ്റ്റർ വൺ: ചന്ദ്ര'; ട്രെയിലർ