Madharaasi OTT: ശിവകാർത്തികേയൻ- ബിജു മേനോൻ ചിത്രം; മദ്രാസി ഒടിടിയിലേക്ക്

തമിഴ് നടൻ ശിവകാർത്തികേയനെ നായകനാക്കി എ.ആർ മുരുഗദോസ് സംവിധാനം ചെയ്ത പുതിയ ചിത്രമാണ് 'മദ്രാസി'. സെപ്റ്റംബര്‍ 5 ന് തിയേറ്ററുകളിലെത്തിയ ചിത്രം ഇപ്പോൾ ഒടിടിയിലൂടെ പ്രേക്ഷകരിലേക്ക് എത്തുകയാണ്. ചിത്രത്തിന്റെ ഒടിടി റിലീസ് തീയതി പ്രഖ്യാപിച്ചു.

മലയാളി താരം ബിജു മേനോനും പ്രധാന വേഷത്തിലെത്തുന്ന ചിത്രമാണ് മദ്രാസി. ബിജു മേനോന്റെ കരിയറിലെ ഒൻപതാമത്തെ തമിഴ് ചിത്രമാണിത്‌. ശ്രീലക്ഷ്മി മൂവീസ് നിര്‍മിച്ച ചിത്രത്തില്‍ വിധ്യുത് ജമാൽ, സഞ്ജയ് ദത്ത്,വിക്രാന്ത്, രുക്മിണി വസന്ത് എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.

Also Read: അപൂർവ്വ പുത്രന്മാർ ഒടിടിയിലെത്തി; ചിത്രം എവിടെ കാണാം?

എ. ആർ മുരുഗദോസും ശിവകാർത്തികേയനും ആദ്യമായി ഒന്നിച്ച ചിത്രംകൂടിയാണ് മദ്രാസി. അനിരുദ്ധ് രവിചന്ദറാണ് ചിത്രത്തിനായി സംഗീതം ഒരുക്കിയിരിക്കുന്നത്. ഛായാഗ്രഹണം സുധീപ് ഇളമൺ, എഡിറ്റിങ് ശ്രീകർ പ്രസാദ് എന്നിവർ നിർവഹിക്കുന്നു.

Also Read: ഈ വെള്ളിയാഴ്ച ഒടിടിയിൽ എത്തിയ 8 ചിത്രങ്ങൾ: New OTT Releases This Friday

Madharaasi OTT : മദ്രാസി ഒടിടി

ആമസോൺ പ്രൈം വീഡിയോയിലൂടെയാണ് മദ്രാസി ഒടിടിയിലെത്തുന്നത്. ഒക്ടോബർ 1 മുതൽ ചിത്രം സ്ട്രീമിങ് ആരംഭിക്കും.

Read More: ഇന്ന് ഒടിടിയിൽ എത്തിയ മലയാള ചിത്രങ്ങൾ