Phir Zinda Lyrical Video: 'അമ്പോ കിടിലൻ ഐറ്റം;' എമ്പുരാനിലെ 'ഫിർ സിന്ദാ' ഗാനം എത്തി

മോഹൻലാൽ- പൃഥ്വിരാജ് കൂട്ടുകെട്ടിൽ പുറത്തിറങ്ങുന്ന എമ്പുരാന്റെ റിലീസിനായുള്ള കാത്തിരിപ്പിലാണ് ആരാധകർ. സിനിമാപ്രേമികളെല്ലാം ഉത്സവപ്രതീതിയിലാണ്. അടുത്തിടെ പൃഥ്വിരാജ് വരികൾ എഴുതി, ഇന്ദ്രജിത്തിന്റെ മകൾ പ്രാർത്ഥന ഇന്ദ്രജിത്ത് ആലപിച്ച ചിത്രത്തിന്റെ ടീസർ തീം സോങ് പുറത്തിറക്കിയിരുന്നു.

ഇപ്പോഴിതാ ചിത്രത്തിലെ മറ്റൊരു ഗാനംകൂടി റിലീസു ചെയ്തിരിക്കുകയാണ്. 'ഫിര്‍ സിന്ദാ' എന്ന ഗാനത്തിന്റെ ലിറിക്കല്‍ വീഡിയോ ആണ് പുറത്തിറക്കിയത്. തനിഷ്‌ക് നബറിന്റെ വരികൾക്ക് ദീപക് ദേവാണ് സംഗീതം പകരുന്നത്. ആനന്ദ് ഭാസ്കർ ആണ് ഗാനം ആലപിച്ചിരിക്കുന്നത്. മോഹൻലാലിൻറെ അബ്രാം ഖുറേഷിയേയും പൃഥ്വിരാജിന്റെ സായിദ് മസൂദിനെയുമെല്ലാം കാണിക്കുന്നതാണ് ലിറിക്കൽ വീഡിയോ.

അതേസമയം, മാർച്ച് 27നാണ് എമ്പുരാൻ തിയേറ്ററുകളിലെത്തുന്നത്. വലിയ പ്രതീക്ഷയോടെയെത്തുന്ന ചിത്രം അഡ്വാൻസ് ബുക്കിംഗിൽ റെക്കോർഡ് ഇട്ടിരുന്നു. അഡ്വാൻസ് ബുക്കിംഗിലൂടെ മാത്രം 58 കോടിയാണ് ചിത്രം നേടിയത്. കേരളത്തിൽ നിന്നും 19 കോടിയും മറ്റു ഇന്ത്യൻ സംസ്ഥാനങ്ങളിൽ നിന്നും 4.5 കോടിയും ഓവർസീസ് ബുക്കിംഗിൽ 34.5 കോടിയും ചിത്രം നേടിയെന്നാണ് റിപ്പോർട്ട്. 

രാവിലെ ആറു മണിയ്ക്കാണ് എമ്പുരാന്റെ ആദ്യ ഷോ. കേരളത്തില്‍ ആശിര്‍വാദും തമിഴ്നാട്ടില്‍ ഗോകുലം മൂവീസുമാണ് ചിത്രത്തിന്റെ വിതരണം. ചിത്രത്തിന്‍റെ കര്‍ണാടക ഡിസ്ട്രിബ്യൂഷന്‍ ഏറ്റെടുത്തിരിക്കുന്നത്. വമ്പൻ സിനിമാ നിർമ്മാണ വിതരണ കമ്പനിയായ ഹോംബാലേ ഫിലിംസ് ആണ്. ആന്ധ്രാ/തെലുങ്കാന സംസ്ഥാനങ്ങളിലെ എമ്പുരാന്റെ വിതരണം ഏറ്റെടുത്തിരിക്കുന്നത്   ദിൽ രാജുവിൻ്റെ ഉടമസ്ഥതയിലുള്ള ശ്രീ വെങ്കടേശ്വര ക്രിയേഷൻസ് ആണ്. അനിൽ തടാനി നേതൃത്വം നൽകുന്ന എ എ ഫിലിംസ് ആണ് ചിത്രം നോർത്ത് ഇന്ത്യയിൽ എത്തിക്കുന്നത്. ഹോളിവുഡ്, ബോളിവുഡ് താരങ്ങള്‍ അടക്കം വന്‍ താരനിരയാണ് ചിത്രത്തിൽ അണിനിരക്കുന്നത്.

Read More

• ഡയറക്ടർ സാറേ, ഞാൻ സ്റ്റീഫനായി വരണോ? ഖുറേഷിയായി വരണോ?; പൃഥ്വിയോട് മോഹൻലാൽ
• 'ദൃശ്യം 3' ഈ വർഷം? അപ്ഡേറ്റ് പങ്കുവച്ച് മോഹൻലാൽ
• എമ്പുരാനായി പ്രാർത്ഥനയോടെ മല്ലിക സുകുമാരൻ ഗൂരുവായൂർ ക്ഷേത്രത്തിൽ
• മലയാളത്തിന്റെ അഭിമാനതാരം വളർന്ന വീടാണിത്