Kantara Box Office Collection: ബോക്സ് ഓഫീസിന് തീപടർത്തി കാന്താര; 3 ദിവസം കൊണ്ട് നേടിയത്

Kantara Chapter 1 Box Office Collection Day 3: 'കാന്താര' ഫ്രാഞ്ചൈസിയിലെ രണ്ടാമത്തെ ചിത്രമായ 'കാന്താര ചാപ്റ്റർ:1' ബോക്സ് ഓഫീസിൽ വിജയ കുതിപ്പ് തുടരുകയാണ്. ഋഷഭ് ഷെട്ടിയുടെ സംവിധാനത്തിലൊരുങ്ങിയ ചിത്രത്തിന് ഗംഭീര വരവേൽപ്പാണ് പ്രേക്ഷകർക്കിടയിൽ ലഭിക്കുന്നത്. റിലീസിനെത്തി മുന്നു ദിവസം പിന്നിടുമ്പോൾ മികച്ച പ്രതികരണമാണ് രാജ്യത്തുടനീളം ചിത്രത്തിനു ലഭിക്കുന്നത്.

ചിത്രത്തിന്റെ മുന്നു ദിവസത്തെ ബോക്സ് ഓഫീസ് കളക്ഷൻ റിപ്പോർട്ടുകളാണ് ഇപ്പോൾ പുറത്തുവരുന്നത്. ട്രേഡ് ട്രാക്കർ സാക്നിൽക്കിന്റെ റിപ്പോർട്ട് അനുസരിച്ച്, ഇന്ത്യയിൽ നിന്നു മാത്രം കാന്താര: ചാപ്റ്റർ 1 ശനിയാഴ്ച 55.25 കോടി രൂപ നേടി. ഇതോടെ ചിത്രത്തിന്റെ മൊത്തം ആഭ്യന്തര കളക്ഷൻ 163.1 കോടി രൂപയായി.

Also Read: ബോക്സ് ഓഫീസിൽ കാന്താരയുടെ താണ്ഡവം

കന്നഡയിൽ നിന്ന് 14.5 കോടി രൂപയും തെലുങ്കിൽ നിന്ന് 11.75 കോടി രൂപയും ഇന്നലെ ചിത്രത്തിന് നേടാനായി. ഹിന്ദിയിൽ, 19 കോടി രൂപയും തമിഴ്, മലയാളം പതിപ്പുകൾ യഥാക്രമം 5.75 , 4.25 കോടി രൂപയും നേടി. മൂന്നാം ദിവസം, ദക്ഷിണേന്ത്യൻ ഭാഷകളിലെല്ലാം മികച്ച ഒക്യുപെൻസി നിരക്കാണ് ചിത്രം രേഖപ്പെടുത്തിയത്. പലയിടത്തും തിയേറ്ററുകൾ ഹൗസ് ഫുള്ളാണ്.

Also Read: 'പേരെന്താണെന്ന് കുഞ്ഞു ഹോപ്പ്, മമ്മൂട്ടിയെന്ന് പുഞ്ചിരിച്ചുകൊണ്ട് മറുപടി'

കന്നഡയിൽ ഈ വർഷം ഏറ്റവും കൂടുതൽ കളക്ഷൻ നേടുന്ന ചിത്രമായി ഇതിനകം കാന്താര രണ്ടാം ഭാഗം മാറിയിട്ടുണ്ട്. ദക്ഷിണേന്ത്യൻ സിനിമ പ്രേമികൾ ആകാംക്ഷയോടെ കാത്തിരുന്ന ചിത്രം, ലോകമെമ്പാടുമായി 215 കോടിയോളം ബോക്സ് ഓഫീസ് കളക്ഷൻ സ്വന്തമാക്കിയതായാണ് റിപ്പോർട്ടുകൾ സൂചിപ്പിക്കുന്നത്.

Read More: നീയെന്നെ വിട്ട് നിന്റെ വഴിക്ക് പോകുന്നുവെന്ന് ഞാൻ അംഗീകരിച്ചു തുടങ്ങേണ്ടിയിരിക്കുന്നു: അർജുൻ കപൂർ