ധോണി വിരമിച്ചു, സുശാന്ത് വിടവാങ്ങി; 2020 എന്തൊരു വർഷമാണെന്ന് ആരാധകർ

മുൻ ഇന്ത്യൻ ക്രിക്കറ്റ് ടീം ക്യാപ്റ്റൻ മഹേന്ദ്ര സിങ് ധോണി ഓഗസ്റ്റ് 15ന് അന്താരാഷ്ട്ര ക്രിക്കറ്റിൽ നിന്ന് വിരമിക്കുന്നതായി പ്രഖ്യാപിച്ചു. തന്റെ ഇൻസ്റ്റാഗ്രാമിൽ തീർത്തും വൈകാരികമായൊരു വീഡിയോ പങ്കുവച്ചശേഷം 19:29ന് താൻ വിരമിച്ചതായി കണക്കാക്കുക എന്ന ലളിതമായ കുറിപ്പോടെയായിരുന്നു അദ്ദേഹം ആ വലയി തീരുമാനം ലോകത്തെ അറിയിച്ചത്. വെള്ളിത്തിരയിൽ ധോണിയായി പ്രകടനം കാഴ്ചവച്ച ബോളിവുഡ് നടൻ സുശാന്ത് സിങ് രാജ്പുത് മരിച്ച്, രണ്ട് മാസവും ഒരു ദിവസവും പിന്നിടുമ്പോളാണ് ധോണിയുടെ വിരമിക്കൽ പ്രഖ്യാപനം.

Read More: ഈ വിടവാങ്ങൽ ഹൃദയം തൊട്ടു, ഞാൻ കരയുന്നും ചിരിക്കുന്നുമുണ്ട്; ധോണിയോട് മാധവൻ

ഇരുവരുടേയും ആരാധകർ ഇപ്പോൾ സുശാന്തിനൊപ്പമുള്ള ധോണിയുടെ ചിത്രങ്ങളും വീഡിയോകളും പങ്കുവച്ച് വൈകാരികമായ കുറിപ്പുകളോടെയാണ് ധോണിയുടെ വിടവാങ്ങലിനെ അംഗീകരിക്കുന്നത്. ‘എം.എസ് ധോണി: ദി അൺടോൾഡ് സ്റ്റോറി’ എന്ന ചിത്രത്തിലൂടെയാണ് സുശാന്ത് ധോണിയായി സ്ക്രീനിൽ പകർന്നാടിയത്. ആരാധകരിലൊരാൾ ഇരുവരെയും ഉൾക്കൊള്ളുന്ന ഒരു വീഡിയോ പങ്കിട്ട് “റീൽ ലൈഫ് & റിയൽ ലൈഫ് #എംഎസ്ഡോണി. ഇനി രണ്ടുപേരെയും ഞങ്ങൾ നീല ജേഴ്സിയിൽ കാണില്ല,” എന്നാണ് കുറിച്ചത്.

Read More: നിർത്താതെ ഫോൺ ബെല്ലടിച്ച രാത്രി; സുശാന്ത് പോയെന്ന് ശ്വേതയോട് പറഞ്ഞ​ നിമിഷം

Reel life & Real life #MSDhoni.
Now we won’t see both of them in blue jerseys again. #Dhoni#SushantSinghRajputpic.twitter.com/QqJNjEEWB2

— ARPITA (@iArpita__) August 15, 2020

“2020 ജൂൺ 14: റീൽ ധോണി ലോകത്തോട് വിടപറഞ്ഞു. 2020 ഓഗസ്റ്റ് 15: റിയൽ ധോണി അന്താരാഷ്ട്ര ക്രിക്കറ്റ് ലോകത്തോട് വിട പറഞ്ഞു. ഇരുവരേയും എന്നെന്നും ഞങ്ങൾ ഓർക്കും," മറ്റൊരാൾ കുറിച്ചു.

14th June 2020 : Reel Dhoni bids goodbye to the world.

15th August 2020 : Real Dhoni bids goodbye to the intl cricket world.

Their legacy will be remembered forever. #MSDhoni#SushantSinghRajputpic.twitter.com/EWkD4z0Dgs

— Aysha ( The RD FanClub ) (@ayshahabib11) August 15, 2020

ഓഗസ്റ്റ് 15ന്, ശനിയാഴ്ച രാത്രിയാണ് ധോണി താൻ അന്താരാഷ്ട്ര ക്രിക്കറ്റിൽ നിന്നും വിരമിക്കുന്നതായി പ്രഖ്യാപിച്ചത്. “നിങ്ങളുടെ സ്നേഹത്തിനും പിന്തുണയ്ക്കും ഒരുപാട് നന്ദി, ഇന്ന് 19.29 മുതൽ ഞാൻ വിരമിച്ചതായി കണക്കാക്കുക,” 39കാരനായ താരം ഇൻസ്റ്റഗ്രാമിൽ കുറിച്ചു.