കുടുംബത്തിൽ എല്ലാവർക്കും ഇങ്ങനാ, ഒറ്റ ദിവസം കൊണ്ട് മുടി വളരുമെന്ന് മിഥുൻ രമേശ്

മലയാളികൾക്ക് ഏറെ പ്രിയപ്പെട്ട അവതാരകനാണ് മിഥുൻ രമേഷ്. സോഷ്യൽ മീഡിയയിലൂടെ മിഥുന്റെ കുടുംബവും പ്രേക്ഷകർക്ക് സുപരിചിതരാണ്. കഴിഞ്ഞ ദിവസം ഭാര്യ ലക്ഷ്മി തിരുപ്പതിയിൽ മുടി കളഞ്ഞത് മിഥുൻ സോഷ്യൽ മീഡിയയിലൂടെ അറിയിച്ചത്.  തനിക്ക് ഒരു രോഗാവസ്ഥ ഉണ്ടായ നേരത്തെ നേർച്ചയായാണ് ലക്ഷ്മി മുടി മൊട്ടയടിച്ചത് എന്നും മിഥുൻ കുറിപ്പിൽ പറഞ്ഞിരുന്നു.  

ഏറ്റവും ഒടുവിലായുള്ള മിഥുന്റെ സോഷ്യൽ മീഡിയ പോസ്റ്റിൽ ലക്ഷ്മി, മുടിയൊക്കെ വളർന്ന, വേറെ ഒരു ലുക്കിലാണ്. അതിനെക്കുറിച്ച്, മിഥുൻ പറയുന്നതിങ്ങനെ.

'നമ്മുടെ കുടുംബത്തിൽ എല്ലാവർക്കും ഇങ്ങനെയാ ഒരു ദിവസം കൊണ്ട് മുടി വളരും.'

കുടുംബവുമായി ഹൈദരാബാദിലെ താജ് ഫാലക്നുമാ പാലസിൽ സമയം ചെലവിടുന്നതിനിടെയാണ് മിഥുൻ ഇത് പോസ്റ്റ് ചെയ്തത്.  ഇതേയിടത്ത് നിന്നും ലക്ഷ്മിയും ചിത്രങ്ങൾ പോസ്റ്റ് ചെയ്തിട്ട്ണ്ട്. അതിനു താഴെ, പുതിയ ലുക്കിനെ കുറിച്ച് ആളുകൾ കമന്റ് ചെയ്യുന്നുമുണ്ട്.

'വിഗ്ഗ് വച്ചാൽ മൊട്ടഅടിച്ച പുണ്യം കിട്ടില്ല, എന്തിനാണ് വിഗ്. ഈ മൊട്ട സ്നേഹത്തിന്റെ ഓർമയല്ലേ, വിഗ് കൊള്ളത്തില്ല ചേച്ചി.... നോർമൽ ആയിട്ടുള്ളതാണ് സൂപ്പർ' ഇങ്ങനെ പോകുന്നു കമന്റുകൾ.

അടുത്തിടെ ബെൽസ് പാൾസി എന്ന രോഗാവസ്ഥയേയും മിഥുനു നേരിടേണ്ടി വന്നിരുന്നു. മുഖത്തിന്റെ ഒരു വശത്തെ പേശികളിൽ പെട്ടെന്ന് ബലഹീനത അനുഭവപ്പെടുന്ന അവസ്ഥയാണ് ബെൽസ് പാൾസി. മുഖത്തെ പേശികൾക്ക് സംഭവിക്കുന്ന ഈ തളർച്ച, മുഖത്തിന്റെ ഒരു വശം കോടിയതുപോലെ തോന്നിപ്പിക്കും. ചികിത്സകൾക്കൊടുവിൽ സാധാരണ ജീവിതത്തിലേക്ക് മിഥുൻ തിരിച്ചെത്തിയ വാർത്ത സന്തോഷത്തോടെയാണ് ആരാധകർ കേട്ടത്.

"മൊട്ട ബോസ് ലക്ഷ്മി. എന്റെ ബെൽസ് പാൾസി പോരാട്ട ദിനങ്ങൾ നിങ്ങളിൽ കുറെ പേർക്കെങ്കിലും അറിയാം എന്ന് തോന്നുന്നു. അന്ന് നിങ്ങൾ ഓരോരുത്തരുടെയും പ്രാർത്ഥന കൊണ്ട് തന്നെ ആണ് ഇന്ന് കാണുന്ന രൂപത്തിൽ തിരികെ എത്താൻ കഴിഞ്ഞത്. പക്ഷെ എന്റെ ഭാര്യ ഒരു ലെവൽ കൂടുതൽ പ്രാർത്ഥിച്ചിരുന്നു; ആ അസുഖം മാറാൻ ഭാര്യ നേർന്നതാണ് തിരുപ്പതിയിൽ മുടി കൊടുക്കാം എന്ന്. അങ്ങനെ ചിഞ്ചുകുട്ടി മൊട്ട കുട്ടി ആയി. ഇതിൽ കൂടുതൽ എന്ത് ചോദിക്കാൻ കഴിയും! സ്നേഹത്തിന്റെയും ത്യാഗത്തിന്റെയും വിശ്വാസത്തിന്റെയും ഈ അസാധാരണ പ്രവൃത്തിക്ക് നന്ദി. സ്നേഹത്തിനും പോസിറ്റീവിറ്റിയ്ക്കും രോഗശാന്തി നേരാനുള്ള ശക്തിയുണ്ടെന്ന  ഞങ്ങളുടെ വിശ്വാസം വീണ്ടും ഉറപ്പിക്കുന്നു," മിഥുൻ കുറിച്ചു. 

Read More Television Stories Here

• കുട്ടിത്താരങ്ങൾ വർഷങ്ങൾക്കിപ്പുറം; ചാത്തന്മാർ കൊണ്ടുവന്നു നിർത്തിയതാണെന്ന് ആരാധകർ
• ഹലോ കുട്ടിച്ചാത്തനിലെ കുട്ടിത്താരങ്ങൾ അന്നും ഇന്നും; ചിത്രങ്ങൾ കാണാം
• ജനനം കൊണ്ട് അമേരിക്കക്കാരി, ഹൃദയം കൊണ്ട് മലയാളി; ആളെ മനസ്സിലായോ?
• മമ്മൂക്കയ്ക്ക് നന്ദിപറഞ്ഞ് ഋതു മന്ത്ര ലോക ജുജിറ്റ്സു ചാമ്പ്യൻഷിപ്പിലേക്ക്