ഫാൽക്കെ പുരസ്കാരം വലിയ ഉത്തരവാദിത്തം; എല്ലാ അംഗീകാരങ്ങളും മുന്നോട്ടുള്ള യാത്രയ്ക്ക് ഊർജ്ജം: മോഹൻലാൽ

ഇന്ത്യൻ സിനിമയിലെ പരമോന്നത ബഹുമതിയായ ദാദാസാഹേബ് ഫാൽക്കെ പുരസ്‌കാരം മോഹൻലാൽ ഇന്ന് ഏറ്റുവാങ്ങും. ഡൽഹിയിലെ വിജ്ഞാന ഭവനിൽ നടക്കുന്ന ചടങ്ങിൽ രാഷ്ട്രപതി ദ്രൗപതി മുർമു ആണ് മോഹൻലാലിന് ഫാൽക്കെ പുരസ്‌കാരം കൈമാറുക. 71-ാമത് ദേശീയ ചലച്ചിത്ര അവാർഡുകളും വൈകീട്ട് 4 മണിക്ക് ആരംഭിക്കുന്ന ചടങ്ങിൽ കൈമാറും.

ഫാൽക്കെ പുരസ്കാരം വലിയ ഉത്തരവാദിത്തമാണെന്നും എല്ലാ അംഗീകാരങ്ങളും മുന്നോട്ടുള്ള യാത്രയ്ക്ക് ഊർജ്ജം പകരുമെന്നും ബഹുമതി ഏറ്റുവാങ്ങുന്നതിനു മുന്നോടിയായി മോഹൻലാൽ പറഞ്ഞു. ഏറ്റവും ബഹുമാനത്തോടെയാണ് പുരസ്കാരത്തെ കാണുന്നതെന്നും, ജൂറിയോടും സര്‍ക്കാരിനോടും നന്ദി അറിയിക്കുന്നുവെന്നും അദ്ദേഹം പറഞ്ഞു. മലയാളത്തിന് കിട്ടിയ വലിയ അംഗീകാരമാണിതെന്നും മോഹൻലാൽ ഏഷ്യാനെറ്റ് ന്യൂസിനോട് പറഞ്ഞു.

Also Read: മോഹൻലാലിന്റെ വലിയ ആരാധകൻ; ഏറ്റവും അർഹമായ അംഗീകാരമാണ് ലഭിച്ചത്; ആശംസയുമായി അമിതാഭ് ബച്ചൻ

ഇന്ത്യൻ സിനിമാ മേഖലയിലെ സമഗ്ര സംഭാവനകൾ പരിഗണിച്ചാണ് മോഹൻലാലിന് പുരസ്‌കാരം നൽകുന്നത്. 2023 ലെ ദാദാ സാഹേബ് ഫാൽക്കെ പുരസ്കാരമാണ് മോഹൻലാലിന് ലഭിച്ചത്. സ്വർണകമലവും പത്തു ലക്ഷം രൂപയും അടങ്ങുന്നതാണ് പുരസ്‌കാരം. അടൂർ ഗോപാലകൃഷ്ണന് ശേഷം ദാദാ സാഹേബ് പുരസ്‌കാരം നേടുന്ന മലയാളിയാണ് മോഹൻലാൽ. 

Also Read: സിനിമാ ജീവിതത്തിലെ ഏറ്റവും വലിയ അവാർഡ്: മോഹൻലാൽ

ഐകകണ്ഠ്യേനയാണ് മോഹൻലാലിന്റെ പേര് പുരസ്‌കാരത്തിന് ശുപാർശ ചെയ്തത്. നടൻ, നിർമാതാവ്, സംവിധായകൻ എന്നി നിലകളിൽ ചലച്ചിത്ര മേഖലയിൽ നൽകിയ സംഭാവനകൾ പരിഗണിച്ചാണ് അദ്ദേഹത്തിനെ പുരസ്കാരത്തിനായി തിരഞ്ഞെടുത്തത്.

Read More: ഈ കിരീടത്തിന് അർഹൻ; മോഹൻലാലിനെ അഭിനന്ദിച്ച് മമ്മൂട്ടി