Coolie OTT: ബോക്സ് ഓഫീസിൽ കോടികൾ വാരിക്കൂട്ടി; കൂലി ഇനി ഒടിടിയിലേക്ക്; എവിടെ കാണാം?

Coolie OTT Release Date & Platform: രജനീകാന്തിനെ നായകനാക്കി ലോകേഷ് കനകരാജ് സംവിധാനം ചെയ്ത ബിഗ് ബജറ്റ് ചിത്രമാണ് അടുത്തിടെ തിയേറ്ററുകളിൽ എത്തിയ 'കൂലി.' നിരവധി ബോക്സ് ഓഫീസ് റെക്കോർഡുകൾ തിരുത്തിക്കുറിച്ച ചിത്രം സമ്മിശ്ര പ്രതികരണമായിരുന്നു നേടിയത്. ചിത്രം ഇപ്പോൾ ഒടിടിയിലൂടെ വീണ്ടും പ്രേക്ഷകരിലേക്ക് എത്തുകയാണ്.

രജനീകാന്ത് പ്രധാന വേഷത്തിൽ എത്തിയ ചിത്രത്തിൽ നാഗാർജുനയാണ് പ്രധാന വില്ലനെ അവതരിപ്പിച്ചത്. ശ്രുതി ഹാസൻ, ഉപേന്ദ്ര, സൗബിൻ ഷാഹിർ എന്നിവരും ചിത്രത്തിൽ ശ്രദ്ധേയ പ്രകടനം കാഴ്ച വച്ചു. ആമിർ ഖാൻ  അതിഥി വേഷത്തിൽ ചിത്രത്തിലെത്തുന്നുണ്ട്. അനിരുദ്ധ് രവിചന്ദർ സംഗീതം നൽകിയ ചിത്രത്തിൽ ഗിരീഷ് ഗംഗാധരനായിരുന്നു ഛായാഗ്രഹണം നിർവഹിച്ചത്.

Also Read: ഓണം കളറാക്കാൻ വെബ് സീരിസുകളും, എവിടെ കാണാം?

സൺ പിക്ചേഴ്സിന്റെ ബാനറിൽ കലാനിധി മാരനാണ് കൂലിയുടെ നിർമ്മാണം. തമിഴ് സിനിമയിലെ ഏറ്റവും വലിയ ഓപ്പണിങ് കളക്ഷൻ സ്വന്തമാക്കിയി കൂലി, ഇന്ത്യയിൽ നിന്ന് മാത്രം ചിത്രം 235 കോടി രൂപ കളക്ഷൻ നേടിയതായാണ് റിപ്പോർട്ട്.

Also Read: പണ്ട് ഇവിടെ ഫോട്ടോ എടുക്കാൻ നിൽക്കുമ്പോൾ പൊലീസ് ഓടിക്കുമായിരുന്നു, ഇന്ന്  പൊലീസ് അകമ്പടിയിൽ സ്റ്റേറ്റ് കാറിൽ: ബേസിൽ ജോസഫ്

Coolie OTT : കൂലി ഒടിടി

ആമസോൺ പ്രൈം വീഡിയോയിലൂടെയാണ് കൂലി ഒടിടിയിലെത്തുന്നത്. സെപ്റ്റംബർ 11 മുതൽ ചിത്രം സ്ട്രീമിങ് ആരംഭിക്കും. 120 കോടി രൂപയ്ക്കാണ് ആമസോൺ പ്രൈം വീഡിയോ സ്ട്രീമിംഗ് അവകാശം സ്വന്തമാക്കിയതെന്നും റിപ്പോർട്ടുണ്ട്.

Read More: ഓണം കളറാക്കാൻ ഇന്ന് ഒടിടിയിൽ എത്തിയ 4 മലയാള ചിത്രങ്ങൾ