3 ദിവസത്തിനുള്ളിൽ നേടിയത് 300 കോടിയിലേറെ; തരംഗം തീർത്ത് കൂലി: Coolie box office collection

Coolie box office collection: രജനീകാന്തിന്റെ ബോക്സ് ഓഫീസ് പ്രതാപത്തിനു യാതൊരു വിധ മങ്ങലും ഏറ്റിട്ടില്ലെന്ന് തെളിയിക്കുകയാണ്  ലോകേഷ് കനകരാജ് സംവിധാനം ചെയ്ത കൂലി. ആഗോള ബോക്സ് ഓഫീസിൽ ആധിപത്യം സ്ഥാപിച്ചിരിക്കുകയാണ് ചിത്രം. ആഗസ്റ്റ് 14 ന് റിലീസ് ചെയ്ത ചിത്രം ഹൃതിക് റോഷന്റെ വാർ 2 നോടാണ് ബോക്സ് ഓഫീസിൽ ഏറ്റുമുട്ടുന്നത്. വെറും മൂന്ന് ദിവസത്തിനുള്ളിൽ 300 കോടിയിലേറെ കൂലി കളക്റ്റ് ചെയ്തു എന്നാണ് റിപ്പോർട്ട്. 

Also Read:  എന്നെ ഏറ്റവുമധികം സ്വാധീനിച്ചയാൾ എന്റെ ഇത്തയാണ്: സമയെ കുറിച്ച് അഷ്കർ

ഇൻഡസ്ട്രി ട്രാക്കർ സാക്നിൽക്കിന്റെ അഭിപ്രായത്തിൽ, ആദ്യ ദിവസം ഇന്ത്യയിൽ നിന്നും  കൂലി നേടിയത് 65 കോടിയാണ്. രണ്ടാം ദിവസം 54.75 കോടിയും  മൂന്നാം ദിവസം 38.5 കോടിയും ചിത്രം നേടി. മൂന്നുദിവസം കൊണ്ട് ഇന്ത്യയിൽ നിന്ന് ചിത്രം നേടിയത് 158.25 കോടിയാണ്. കൂലിയുടെ വിദേശ വരുമാനവും ലോകമെമ്പാടുമുള്ള കളക്ഷനും കൂടി ചേരുമ്പോൾ മൊത്തം കളക്ഷൻ 300 കോടി കവിഞ്ഞു എന്നാണ് ട്രേഡ് അനലിസ്റ്റുകൾ റിപ്പോർട്ട് ചെയ്യുന്നത്. ഏറ്റവും വേഗത്തിൽ 300 കോടിയെന്ന നാഴികക്കല്ല് പിന്നിട്ട തമിഴ് ചിത്രമാണ് കൂലിയെന്നും ട്രേഡ് അനലിസ്റ്റുകൾ വിലയിരുത്തുന്നു.

Also Read: ജിസേലിന്റെ പിറകെ നടക്കുന്ന മൊണ്ണകളാണ് ഇവിടുത്തെ ആണുങ്ങളെന്ന് അനുമോൾ; മുട്ടൻ പണികൊടുത്ത് മോഹൻലാൽ: Bigg Bossmalayalam Season 7

മൂന്ന് ദിവസത്തിനുള്ളിൽ ലോകമെമ്പാടും 320–325 കോടി വരെ വരുമാനം നേടിയ കൂലി ഇതിനകം തന്നെ ബ്ലോക്ക്ബസ്റ്റർ പദവിയിലേക്ക് എത്തിയിട്ടുണ്ടെന്നാണ് ട്രേഡ് അനലിസ്റ്റായ  കാഡൽ വിലയിരുത്തുന്നത്. രജനീകാന്തിന്റെ അവസാനം തിയേറ്ററുകളിലെത്തിയ ചിത്രമായ വേട്ടയ്യന്റെ കളക്ഷനെ ഇതു മറികടന്നു എന്നാണ് റിപ്പോർട്ട്. അജിത്തിന്റെ ഗുഡ് ബാഡ് അഗ്ലിയുടെ കളക്ഷനെയും (180 കോടി), മോഹൻലാൽ-പൃഥ്വിരാജ് കൂട്ടുക്കെട്ടിന്റെ എൽ2: എമ്പുരാൻറെ  ആഗോള കളക്ഷനായ 265 കോടിയേയും മറികടന്നു. 

Also Read:  Sarkeet OTT: സർക്കീട്ട് ഒടിടിയിലേക്ക്; എവിടെ കാണാം?

ഫ്രാൻസിൽ, കൂലി ആദ്യ ദിവസം 8,800 ടിക്കറ്റുകൾ വിറ്റഴിച്ച് റെക്കോർഡുകൾ തകർത്തു. വിജയ്യുടെ ലിയോ (8,500) എന്ന ചിത്രം നേടിയ റെക്കോർഡിനെയാണ് കൂലി മറികടന്നത്. സിംഗപ്പൂർ, യുഎഇ, മലേഷ്യ, ശ്രീലങ്ക, വടക്കേ അമേരിക്ക എന്നിവിടങ്ങളിലും ചിത്രം മികച്ച പ്രകടനം കാഴ്ചവയ്ക്കുന്നുണ്ട്. വിമർശകരിൽ നിന്ന് സമ്മിശ്ര പ്രതികരണങ്ങൾ ലഭിച്ചിട്ടും, രജനീകാന്തിന്റെ താരശക്തി തിയേറ്ററുകളിലേക്ക് വലിയ ജനക്കൂട്ടത്തെ ആകർഷിക്കുന്നു. ചിത്രം  അധികം വൈകാതെ 600 കോടി ക്ലബ്ബിലെത്തുമെന്നാണ് ട്രേഡ് അനലിസ്റ്റുകളുടെ വിശകലനം. ഇതിനു മുൻപ് മൂന്ന് തമിഴ് ചിത്രങ്ങൾ മാത്രമേ ആ നേട്ടം കൈവരിച്ചിട്ടുള്ളൂ: 2.0 (രജനീകാന്ത്), ജയിലർ (രജനീകാന്ത്), ലിയോ (വിജയ്) എന്നിവയാണ് ആ ചിത്രങ്ങൾ. 

രജനീകാന്ത് പ്രധാന വേഷത്തിൽ എത്തുന്ന കൂലിയാണ് നാഗാർജുനയാണ് പ്രധാന വില്ലനെ അവതരിപ്പിച്ചത്. ശ്രുതി ഹാസൻ, ഉപേന്ദ്ര, സൗബിൻ ഷാഹിർ എന്നിവരും ചിത്രത്തിൽ ശ്രദ്ധേയ പ്രകടനം കാഴ്ച വച്ചു. ആമിർ ഖാൻ  അതിഥി വേഷത്തിൽ ചിത്രത്തിലെത്തുന്നുണ്ട്. 

Also Read: ജിസേലിന്റെ ബോയ്ഫ്രണ്ടല്ല, മൊണ്ണയുമല്ല; ടാസ്കിനിടെ അനുമോൾക്കിട്ട് കൊട്ടി അക്ബർ: Bigg Boss Malayalam Season 7