അവിടെ അവര് 2 പേരും വൈബ്; ഇവിടെ ഞങ്ങൾ കുടുംബമടക്കം വൈബ്, റീലുമായി ആശ ശരത്

മലയാളികളുടെ പ്രിയപ്പെട്ട നടിയാണ് ആശ ശരത്. അഭിനേത്രി മാത്രമല്ല മികച്ചൊരു ഡാൻസർ കൂടിയാണ് ആശ. ഭർത്താവ് ശരത്, മക്കളായ ഉത്തര, കീർത്തന എന്നിവർക്കൊപ്പമുള്ള ആശയുടെ പുതിയ റീലാണ് ഇപ്പോൾ സമൂഹമാധ്യമങ്ങളുടെ ശ്രദ്ധ നേടുന്നത്.  

Also Read: New malayalam OTT Release: പുതിയ 6 മലയാളചിത്രങ്ങൾ ഒടിടിയിൽ, എവിടെ കാണാം?

വിജയ് സേതുപതിയും നിത്യ മേനനും കേന്ദ്രകഥാപാത്രങ്ങളായി എത്തിയ ചിത്രമായ തലൈവൻ തലൈവിയിലെ ഒരു ഗാനരംഗം റീക്രിയേറ്റ് ചെയ്തിരിക്കുകയാണ് ആശ ശരതും കുടുംബവും. 'പൊട്ടാല മുട്ടയെ' എന്ന ഗാനരംഗത്തിനു അനുസരിച്ച് ചുവടുവയ്ക്കുകയാണ് കുടുംബം.

View this post on Instagram

A post shared by Uthara Sharath (@uthara.sharath)

കുങ്കുമപ്പൂവ് എന്ന സീരിയലിലൂടെ ശ്രദ്ധ നേടിയ ആശ ശരത് പിന്നീട് ബിഗ് സ്ക്രീനിലെയും ശ്രദ്ധേയ സാന്നിധ്യമായി മാറുകയാണ്. ദൃശ്യം എന്ന ചിത്രത്തിലെ വേഷം ആശ ശരത്തിനു ഏറെ ജനപ്രീതി നേടി കൊടുത്ത ഒന്നാണ്. 

മെക്കാനിക്കല്‍ എഞ്ജിനീയറായ ഉത്തര അമ്മയ്‌ക്കൊപ്പം നൃത്ത വേദികളില്‍ സജീവമാണ്. 2021 ലെ മിസ്സ് കേരള റണ്ണര്‍ അപ്പായിരുന്ന ഉത്തര ഖെദ്ദ എന്ന ചിത്രത്തിലൂടെ സിനിമാ ലോകത്തും അരങ്ങേറ്റം കുറിച്ചിരുന്നു.  

ദൃശ്യം മൂന്നിന്റെ ഷൂട്ട് തുടങ്ങാനായി കാത്തിരിക്കുകയാണ് ആശ ശരത് ഇപ്പോൾ. ചിത്രത്തിന്റെ എഴുത്തു പൂർത്തിയായി കഴിഞ്ഞെന്ന് ജീത്തു ജോസഫ് കഴിഞ്ഞ ദിവസം വെളിപ്പെടുത്തിയിരുന്നു. ഈ വർഷം തന്നെ ചിത്രത്തിന്റെ ഷൂട്ടിംഗ് ആരംഭിക്കുമെന്നാണ് റിപ്പോർട്ട്. ദൃശ്യം മൂന്നിനെ കുറിച്ച് ആശ ശരത് ഒരു അഭിമുഖത്തിൽ പറഞ്ഞ വാക്കുകളും അടുത്തിടെ വൈറലായിരുന്നു. 

Also Read: വീടുനിറയെ വളർത്തുമൃഗങ്ങൾ, വിശ്രമമില്ലാതെ സൗഭാഗ്യ: ഇത്രയേറെ പണിയെടുക്കുന്ന സെലിബ്രിറ്റിയെ ആദ്യമായി കാണുകയാണെന്ന് ആരാധകർ

ഐ.ജി. ഗീത പ്രഭാകറിന് ജോർജ് കുട്ടിയോടും സ്വയംബുലിംഗത്തോടും പ്രതികാരം ചെയ്യണമെന്നാണ് ആശ ശരത് പറയുന്നത്. ദൃശ്യത്തിന്റെ തമിഴ് റീമേക്കിൽ കമൽഹാസൻ അവതരിപ്പിച്ച നായക കഥാപാത്രത്തിന്റെ പേരാണ് സ്വയംബുലിംഗം.  "ഗീത പ്രഭാകറിനു ഉള്ളിൽ ആശയുണ്ട്. വരുണിനെ കൊന്നവരോട് പ്രതികാരം ചെയ്യണമെന്ന്. അവരുടെ മകനെയല്ലേ കൊന്നത്. ഒരമ്മ അങ്ങനെ വിചാരിക്കില്ലേ. അതേസമയം, പ്രേക്ഷക എന്ന രീതിയിൽ താൻ ജോർജ് കുട്ടിയ്ക്കും സ്വയംബുലിംഗത്തിനുമൊപ്പമാണ്,"  എസ്എസ് മ്യൂസിക് യൂട്യൂബ് ചാനലിന് നൽകിയ അഭിമുഖത്തിൽ സംസാരിക്കുകയായിരുന്നു ആശ. 

Also Read: ഒരുപാടുകാലം ആഗ്രഹിച്ചതാണ് ഈ മുഹൂര്‍ത്തം: താലിമാലയണിഞ്ഞ് അഭിഷേകിനൊപ്പം ജാൻമണി

ജോർജ് കുട്ടിയെന്ന സാധാരണ കുടുംബനാഥൻ തന്റെ കുടുംബത്തെ സംരക്ഷിക്കാൻ ബുദ്ധിപരമായി നീങ്ങുന്നതും അതിനിടയിൽ നേരിടുന്ന വെല്ലുവിളികളുമാണ് ചിത്രം പറഞ്ഞത്.  ജോർജ് കുട്ടിയുടെ കൂർമ്മബുദ്ധിയ്ക്കു മുന്നിൽ, പലപ്പോഴും നീതി നിഷേധിക്കപ്പെടുന്ന അമ്മയായി സ്ക്രീനിലെത്തിയത് ആശ ശരത് ആണ്. മകന്റെ തിരോധാനം അന്വേഷിക്കുന്ന  ഐ.ജി. ഗീത പ്രഭാകർ ആയി മിന്നുന്ന പ്രകടനമാണ് ആശ ശരത് കാഴ്ച വച്ചത്.

Also Read: അഭിമുഖത്തിനിടെ അമല പോളിനെ കല്യാണം ക്ഷണിച്ച് ജാൻമണി; ഹണിമൂൺ എൻജോയ് ചെയ്യൂ എന്ന് അമല