പൂജാമുറിയുടെ ചിത്രങ്ങളുമായി ബച്ചൻ; ഇതൊരു അമ്പലം തന്നെയാണല്ലോ എന്ന് ആരാധകർ

കഴിഞ്ഞ ദിവസമാണ് ബോളിവുഡിന്റെ സ്വന്തം 'ബിഗ്ബി' അമിതാഭ് ബച്ചൻ അയോദ്ധ്യാ രാമക്ഷേത്രത്തിൽ രണ്ടാം തവണയും ദർശനം നടത്തിയത്. ക്ഷേത്രത്തിൽ നിന്നുള്ള താരത്തിന്റെ ചിത്രങ്ങളും സോഷ്യൽ മീഡിയയിൽ വലിയരീതിയിൽ പ്രചരിച്ചിരുന്നു. ഇപ്പോഴിതാ അമിതാഭിന്റെ വസതിയായ ജൽസയിൽ ഒരുക്കിയിരിക്കുന്ന പൂജാമിറിയുടെ ദൃശ്യങ്ങളാണ് ആരാധകർക്കിടയിൽ ശ്രദ്ധനേടുന്നത്. 

പൂജാമുറിയിൽ ക്രമീകരിച്ചിരിക്കുന്ന വിഗ്രഹങ്ങൾക്ക് മുന്നിൽ പ്രാർത്ഥിക്കുന്ന താരത്തിന്റെ ചിത്രങ്ങളാണ് ബ്ലോഗ്പോസ്റ്റിൽ ബച്ചൻ പങ്കുവച്ചിരിക്കുന്നത്. പ്രാർത്ഥനയ്ക്കൊപ്പം പൂജകളിലും താരം പങ്കെടുക്കുന്നുണ്ട്. നിരവധി മനോഹരമായ വിഗ്രഹങ്ങളും മണികളും വിളക്കുകളും കൊണ്ടാണ് പൂജാമുറി അലങ്കരിച്ചിരിക്കുന്നത്.

ഈ വർഷം ജനുവരിയിൽ നടന്ന അയോദ്ധ്യ രാമക്ഷേത്ര പ്രതിഷ്ഠാ ചടങ്ങുകളിൽ മകൻ അഭിഷേകിനൊപ്പമാണ് ബച്ചൻ പങ്കെടുത്തത്. എന്നാൽ രണ്ടാം തവണ സന്ദർശനത്തിനെത്തിയത്, താരം ബ്രാൻഡ് അംബാസഡറായ ജ്വല്ലറിയുടെ  250-ാമത് ഷോറൂം ഉദ്ഘാടനം ചെയ്യാനായിരുന്നു. 14.5 കോടി രൂപയ്ക്ക് അമിതാഭ് ബച്ചൻ അയോദ്ധ്യയിൽ വാങ്ങിയ 10,000 ചതുരശ്ര അടി സ്ഥലത്ത് വീടുനിർമ്മാണം നടക്കുന്നതായും റിപ്പോർട്ടുകളുണ്ട്.

Read More Entertainment News Here

• അവാർഡ് നിശയല്ല 'ആഡംബര വിവാഹം;' നൃത്തം ചെയ്യാനെത്തിയത് ബോളിവുഡിന്റെ താരറാണികൾ
• നമ്മുടെ കൂടെ ഉണ്ടായിരുന്നതല്ലേ, മരിച്ചാലും അവനീ വീട്ടിൽ തന്നെ വേണം: ഷാരൂഖ് ഖാൻ
• ഒരേയാളെത്തന്നെ മൂന്നു തവണ വിവാഹം കഴിച്ച അപൂർവ്വ ബഹുമതി നേടി ബോളിവുഡ് താരം അർഷദ് വാർസി
• മേക്കപ്പ് കഴുകി വന്നിട്ട് മതി അഭിനയം: പ്രീതി സിന്റയോട് മണിരത്നം പറഞ്ഞത്