ഐസിഎസ്ഇ, ഐഎസ്‌സി ബോർഡ് പരീക്ഷ തീയതികൾ പ്രഖ്യാപിച്ചു

ന്യൂഡൽഹി: കൗൺസിൽ ഫോർ ദി ഇന്ത്യൻ സ്കൂൾ സർട്ടിഫിക്കറ്റ് എക്സാമിനേഷൻസ് (സിഐഎസ്‌സിഇ) ഐസിഎസ്ഇ (ക്ലാസ് 10), ഐഎസ്സി (ക്ലാസ് 12) പരീക്ഷകളുടെ തീയതി പ്രഖ്യാപിച്ചു. വിദ്യാർത്ഥികൾക്ക് cisce.org എന്ന ഔദ്യോഗിക വെബ്‌സൈറ്റിൽ നിന്ന് ടൈംടേബിൾ ഡൗൺലോഡ് ചെയ്യാം.

ഐസിഎസ്ഇ ബോർഡ് പത്താം ക്ലാസ് പരീക്ഷകൾ ഫെബ്രുവരി 18 മുതൽ മാർച്ച് 27 വരെയാണ്. 12-ാം ക്ലാസ് ഐഎസ്‌സി പരീക്ഷകൾ ഫെബ്രുവരി 13 മുതൽ ആരംഭിച്ച് ഏപ്രിൽ 5 ന് അവസാനിക്കും. ഔദ്യോഗിക വെബ്‌സൈറ്റായ cisce.org-ലും CAREERS പോർട്ടലിലും പരീക്ഷാ ടൈംടേബിൾ ലഭിക്കുന്നതാണ്.

ഐഎസ്‌സി 12-ാം ക്ലാസ് പരീക്ഷയ്ക്കായി 1,00,067 വിദ്യാർത്ഥികളാണ് രജിസ്റ്റർ ചെയ്തിരിക്കുന്നത്. ഇന്ത്യയ്ക്കു പുറമേ യുഎഇ, സിംഗപ്പൂർ എന്നിവിടങ്ങളിൽ പരീക്ഷാ കേന്ദ്രങ്ങളുണ്ട്. 10-ാം ക്ലാസ് പരീക്ഷയ്ക്കായി രജിസ്റ്റർ ചെയ്തിട്ടുള്ളത് 2,53,384 പേരാണ്. ഇന്ത്യയ്ക്കു പുറമേ യുഎഇ, സിംഗപ്പൂർ, തായ്‌ലൻഡ്, ഇന്തോനേഷ്യ എന്നിവിടങ്ങളിൽ പരീക്ഷാ കേന്ദ്രങ്ങളുണ്ട്. മുൻ വർഷങ്ങളെപ്പോലെ സിഐഎസ്‌സിഇ മേയ് മാസത്തിൽ പരീക്ഷാ ഫലം പ്രഖ്യാപിക്കും.

Read More

• രണ്ടാംഘട്ട സ്ട്രേ വേക്കൻസി അലോട്ട്മെന്റ് പ്രസിദ്ധീകരിച്ചു
• കീം 2024: അന്തിമ റാങ്ക് ലിസ്റ്റ് പ്രസിദ്ധീകരിച്ചു
• വിദേശ പഠന സ്‌കോളർഷിപ്പിന് അപേക്ഷിക്കാം
• സിബിഎസ്ഇ 10, 12 ക്ലാസുകളിലെ പരീക്ഷ തീയതി പ്രഖ്യാപിച്ചു