എൻജിനീയറിങ്, ഫാർമസി കോഴ്സ്: പരീക്ഷാ തീയതി പ്രസിദ്ധീകരിച്ചു

2025-26 അധ്യയന വർഷത്തെ എൻജിനീയറിങ്, ഫാർമസി കോഴ്സിലേക്കുള്ള കമ്പ്യൂട്ടർ അധിഷ്ഠിത പരീക്ഷാ തീയതിയും സമയവും പ്രസിദ്ധീകരിച്ചു. ഏപ്രിൽ 23 നും, 25 മുതൽ 28 നും ഉച്ചയ്ക്ക് 2 മുതൽ 5 വരെ എൻജിനീയറിങ് പരീക്ഷയും, 24 ന് 11.30 മുതൽ 1 വരെയും 3.30 മുതൽ 5 വരെയും, 29 ന് 3.30 മുതൽ 5 വരെയും ഫാർമസി പരീക്ഷയും നടക്കും. എൻജിനീയറിങ് പരീക്ഷയിൽ പങ്കെടുക്കുന്ന വിദ്യാർഥികൾ പരീക്ഷയ്ക്ക് 2 മണിക്കൂർ മുമ്പ് പരീക്ഷാ കേന്ദ്രത്തിൽ റിപ്പോർട്ട് ചെയ്യണം. വിശദവിവരങ്ങൾക്ക് : www.cee.Kerala.gov.in, ഹെൽപ് ലൈൻ : 0471 2525300.

പരീക്ഷാഫലം പ്രസിദ്ധീകരിച്ചു

കേരള സ്റ്റേറ്റ് ഇലക്ട്രിസിറ്റി ലൈസൻസിംഗ് ബോർഡ് നടത്തിയ ഇലക്ട്രിക്കൽ സൂപ്പർവൈസർ ഗ്രേഡ് ബി പരീക്ഷ 2023 ന്റെ ഫലം പ്രസിദ്ധീകരിച്ചു. പരീക്ഷാഫലം www.dei.kerala.gov.in ലും വകുപ്പിന്റെ എല്ലാ ജില്ലാ ഓഫീസുകളിലും ലഭ്യമാണ്. പരീക്ഷാർത്ഥികൾക്ക് ഇലക്ട്രിക്കൽ സൂപ്പർവൈസർ ഗ്രേഡ് ബി പെർമിറ്റ് ‘സംരക്ഷ’ ലോഗിനിൽ (samraksha.ceikerala.gov.in) നിന്നും ഡൗൺലോഡ് ചെയ്യാം. 

ബാച്ചിലർ ഓഫ് ഡിസൈൻ കോഴ്‌സ് പ്രവേശനം: അപേക്ഷ ക്ഷണിച്ചു

സംസ്ഥാനത്തിലെ സർക്കാർ/സ്വാശ്രയ കോളേജുകളിലേക്ക് 2025-26 അദ്ധ്യായന വർഷത്തെ ബാച്ചിലർ ഓഫ് ഡിസൈൻ (B.Des) പ്രവേശനത്തിന് അപേക്ഷ ക്ഷണിച്ചു. അപേക്ഷകർ കേരള ഹയർ സെക്കൻഡറി ബോർഡിന്റെ പ്ലസ് ടു യോഗ്യതാപരീക്ഷയോ തത്തുല്യം എന്ന് അംഗീകരിക്കപ്പെട്ട മറ്റു ഏതെങ്കിലും യോഗ്യതാപരീക്ഷയോ 45 ശതമാനം മാർക്കോടെ പാസ്സായിരിക്കണം. സംവരണ വിഭാഗക്കാർ ആകെ 40 ശതമാനം മാർക്ക് നേടിയിരിക്കണം. എൽ.ബി.എസ് സെന്റർ നടത്തുന്ന പ്രവേശന പരീക്ഷ വിജയിക്കുന്നവർക്ക് മാത്രമേ B.Des കോഴ്‌സിന് ചേരാൻ അർഹതയുണ്ടാവുകയുള്ളു.

തിരഞ്ഞെടുക്കപ്പെട്ട പരീക്ഷാ കേന്ദ്രങ്ങളിൽ വെച്ച് പ്രവേശന പരീക്ഷ നടത്തും. പരീക്ഷ തീയതി പിന്നീട് അറിയിക്കും. www.lbscentre.kerala.gov.in എന്ന വെബ്സൈറ്റ് വഴി ഓൺലൈനായി ഏപ്രിൽ 10 മുതൽ മെയ് 20 വരെ അപേക്ഷാ ഫീസ് ഒടുക്കാവുന്നതാണ്. ഓൺലൈൻ അപേക്ഷ സ്വീകരിക്കുന്ന അവസാന തീയതി മെയ് 22 ആണ്. പൊതുവിഭാഗത്തിന് 1,300 രൂപയും പട്ടികജാതി/ പട്ടികവർഗ്ഗ  വിഭാഗത്തിന് 650 രൂപയുമാണ് അപേക്ഷാ ഫീസ്. വ്യക്തിഗത വിവരങ്ങൾ വെബ്‌സൈറ്റിൽ ഓൺലൈനായി രേഖപ്പെടുത്തിയ ശേഷം ഓൺലൈൻ മുഖേനയോ അല്ലെങ്കിൽ ഡൗൺലോഡ് ചെയ്ത ചെല്ലാൻ ഉപയോഗിച്ച് കേരളത്തിലെ ഫെഡറൽ ബാങ്കിന്റെ ഏതെങ്കിലും ശാഖ വഴിയോ അപേക്ഷാ ഫീസ് ഒടുക്കാം. ഓൺലൈൻ അപേക്ഷ സമർപ്പിക്കുന്ന അവസരത്തിൽ അനുബന്ധ രേഖകൾ അപ്‌ലോഡ് ചെയ്യണം. കൂടുതൽ വിവരങ്ങൾക്ക്: 0471-2324396, 2560327.

അപേക്ഷ ക്ഷണിച്ചു

റീജിയണൽ കാൻസർ സെന്റർ തിരുവനന്തപുരം “Fellowship in Onco Surgical Anaesthesis & Fellowship in Oncologic Imaging” പ്രോഗ്രാമിലേക്ക് അപേക്ഷ ക്ഷണിച്ചു. ഏപ്രിൽ 19 ന് വൈകിട്ട് 4 വരെ അപേക്ഷകൾ സ്വീകരിക്കും. വിശദ വിവരങ്ങൾക്കും അപേക്ഷാ ഫോറത്തിനും www.rcctvm.gov.in സന്ദർശിക്കാം.

Read More

• മിനിമം മാർക്ക്: എട്ടാം ക്ലാസ് വാർഷിക പരീക്ഷയുടെ ഫലം പ്രഖ്യാപിച്ചു
• കൈറ്റിന്റെ ഓണ്‍ലൈന്‍ എ.ഐ. കോഴ്സ്; രണ്ടാം ബാച്ചിന് ഏപ്രിൽ 10 വരെ അപേക്ഷിക്കാം
• മാറ്റ്, സാറ്റ് ഉത്തരസൂചിക പ്രസിദ്ധീകരിച്ചു
• ശ്രീശങ്കരാചാര്യ സംസ്‌കൃത സർവ്വകലാശാലയിൽ പി.ജി.,പി.ജി. ഡിപ്ലോമ പ്രവേശനം; അവസാന തീയതി ഏപ്രിൽ 16