DHSE Kerala Plus To Result 2025 How to Check: പ്ലസ് ടു പരീക്ഷാഫലം; ഈ 7 വെബ്സൈറ്റുകളിൽ അറിയാം

How to Check Kerala Plus Two DHSE 12th Result Official Website: തിരുവനന്തപുരം: പ്ലസ് ടു പരീക്ഷാ ഫലം പ്രഖ്യാപിച്ചു. ഉച്ചയ്ക്ക് 3 മണിക്ക് വിദ്യാഭ്യാസ മന്ത്രി വി.ശിവൻകുട്ടിയാണ് പരീക്ഷാഫലം പ്രഖ്യാപിച്ചത്. 3.30 ഓടെ പരീക്ഷാഫലം വെബ്സൈറ്റുകളിലൂടെ ലഭ്യമാകും. വൊക്കേഷണൽ ഹയർ സെക്കൻഡറി പരീക്ഷകളുടെ ഫലവും മന്ത്രി പ്രഖ്യാപിച്ചു. 

വിജയശതമാനം 77.81 ആണ്. കഴിഞ്ഞ വർഷത്തെക്കാൾ വിജയശതമാനം കുറവാണ്. കഴിഞ്ഞ വർഷം വിജയശതമാനം 78.69 ശതമാനമാണ്. 3,70,642 വിദ്യാർത്ഥികളാണ് പരീക്ഷ എഴുതിയത്. 2,88,394 പേർ ഉപരിപഠനത്തിന് യോഗ്യത നേടി. സർക്കാർ സ്കൂളുകളിൽ 73.23% വിജയം. എയ്ഡഡ് സ്കൂളുകളിൽ 82.16% വിജയം. 57 സ്കൂളുകൾക്ക് 100 ശതമാനം വിജയം. വിജയശതമാനം കൂടുതൽ എറണാകുളം (83.09%) ജില്ലയിലാണ്.കാസർകോട് (71.09%) ജില്ലയിലാണ് വിജയശതമാനം ഏറ്റവും കുറവ്.

ഫലം ലഭ്യമാകുന്ന വെബ്സൈറ്റുകൾ

• www.results.hse.kerala.gov.in
• www.prd.kerala.gov.in
• results.kerala.gov.in
• examresults.kerala.gov.in
• result.kerala.gov.in
• results.digilocker.gov.in
• www.results.kite.kerala.gov.in

വിഎച്ച്എസ്ഇ ഫലം ലഭ്യമാകുന്ന വെബ്സൈറ്റുകൾ

• www.keralaresults.nic.in
• www.vhse.kerala.gov.in
• www.results.kite.kerala.gov.in
• www.prd.kerala.gov.in

ഈ വെബ്‌സൈറ്റുകൾക്ക് പുറമെ PRD Live, SAPHALAM 2025, iExaMS – Kerala എന്നീ മൊബൈല്‍ ആപ്ലിക്കേഷനുകള്‍ വഴി വിദ്യാർഥികൾക്ക് ഫലം പരിശോധിക്കാന്‍ കഴിയും.

ഇത്തവണ 4,44,707 വിദ്യാർഥികളാണ് രണ്ടാം വർഷ ഹയർ സെക്കൻഡറി പരീക്ഷ എഴുതിയത്. ഹയർ സെക്കൻഡറി പരീക്ഷ 2025 മാർച്ച് 6 മുതൽ 29 വരെയുമാണ് നടന്നത്. 4,13,581 വിദ്യാര്‍ഥികള്‍ രജിസ്റ്റര്‍ ചെയ്‌ത ഒന്നാം വര്‍ഷ പരീക്ഷയുടെ മൂല്യനിര്‍ണയം പൂർത്തിയായിട്ടില്ല. ജൂണ്‍ മാസത്തിലാകും ഫലം പ്രസിദ്ധീകരിക്കുകയെന്ന് മന്ത്രിയുടെ ഓഫിസ് അറിയിച്ചു.

Kerala Higher Secondary Plus Two Result 2025 Revaluation, Supplementary Date: സേ, ഇംപ്രൂവ്‌മെന്റ് പരീക്ഷകളുടെ തീയതി

 ജൂൺ 23 മുതൽ 27വരെയുള്ള തീയതികളിലാണ് സേ, ഇംപ്രൂവ്‌മെന്റ് പരീക്ഷകൾ നടക്കുന്നത്. പ്ലസ് ടു പരീക്ഷയുടെ പുനർമൂല്യനിർണയത്തിന് മേയ് 27 വരെ അപേക്ഷിക്കാമെന്നും വിദ്യാഭ്യാസ മന്ത്രി വി.ശിവൻകുട്ടി അറിയിച്ചു. 

ഉത്തരക്കടലാസ്സുകളുടെ പുനർമൂല്യനിർണയവും സൂക്ഷമപരിശോധനയും നടത്തുന്നതിന് www.vhsems.kerala.gov.in എന്ന പോർട്ടലിൽ ലഭ്യമാക്കിയിട്ടുള്ള അപേക്ഷ ഫോം പൂരിപ്പിച്ച് ഫീസ് സഹിതം പഠനം പൂർത്തിയാക്കിയ സ്കൂളിൽ സമർപ്പിക്കണം. 27/05/2025 വൈകുന്നേരം 4 മണിക്കുള്ളിൽ അപേക്ഷകൾ സമർപ്പിക്കണം. 

Read More

• Kerala Plus Two DHSE Result 2025 Today: പ്ലസ് ടു പരീക്ഷാഫലം പ്രഖ്യാപിച്ചു, വിജയശതമാനം കൂടുതൽ എറണാകുളത്ത്
• പ്ലസ് ടു പരീക്ഷാ ഫലം
• എം.ജി സര്‍വകലാശാല പിജി പ്രവേശനം; ഓണ്‍ലൈന്‍ രജിസ്ട്രേഷന്‍ ആരംഭിച്ചു
• സംസ്ഥാനത്ത് പത്താം ക്ലാസ് വിദ്യാർത്ഥികൾ ഇനി റോബോട്ടിക്‌സും പഠിക്കും
• തിരുവനന്തപുരം യൂണിവേഴ്സിറ്റി കോളേജിൽ ഒഴിവുകൾ
• തൊഴിൽ മന്ത്രാലയത്തിനു കീഴിൽ സൗജന്യ പ്ലേസ്‌മെന്റ് ഡ്രൈവ്
• ഗസ്റ്റ് അധ്യാപക, ഓഫീസ് ട്രെയിനി ഒഴിവുകൾ