സിബിഎസ്ഇയുടെ ഒറ്റമകൾ സ്കോളർഷിപ്പ്; ജനുവരി 10 വരെ അപേക്ഷിക്കാം

ന്യൂഡൽഹി: സിബിഎസ്ഇയുടെ ഒറ്റമകൾ സ്കോളർഷിപ്പിനുള്ള അപേക്ഷാ തീയതി നീട്ടി. ജനുവരി 10 വരെ അപേക്ഷിക്കാം. പുതിയ അപേക്ഷകൾ സമർപ്പിക്കാനും നിലവിൽ സ്കോളർഷിപ്പ് ലഭിക്കുന്നവർക്ക് പുതുക്കാനുള്ള അപേക്ഷകൾ നൽകാനും ജനുവരി 10 വരെ സാധിക്കും. കൂടുതൽ വിവരങ്ങൾക്ക് www.cbse.gov.in എന്ന വെബ്സൈറ്റ് പരിശോധിക്കുക.

സിബിഎസ്ഇ അഫിലിയേഷനുള്ള സ്കൂളിൽ പഠിച്ച് ആദ്യ 5 വിഷയങ്ങളിൽ 70% എങ്കിലും മാർക്കോടെ 10 ജയിച്ചവർക്ക് പുതുതായി സ്കോളർഷിപ്പിന് അപേക്ഷിക്കാം. പത്തിലെ പ്രതിമാസ ട്യൂഷൻ ഫീ 2500 രൂപയും 11, 12 ക്ലാസുകളിലെ ട്യൂഷൻ ഫീ 3000 രൂപയും കവിയരുത്. 11 ൽ സ്കോളർഷിപ്പ് കിട്ടിയവർക്ക് പുതുക്കാനും അപേക്ഷ നൽകാം. ഇതിന് 11 ൽ 50% എങ്കിലും മാർക്കോടെ ജയിച്ചിരിക്കണം. 10ലെ പ്രതിമാസ ട്യൂഷൻ ഫീ 1500 രൂപ കവിയരുത്. 

സ്കോളർഷിപ്പ് അപേക്ഷിക്കാൻ ചില പൊതുവ്യവസ്ഥകളുമുണ്ട്. കുടുംബവാർഷിക വരുമാനം 8 ലക്ഷം രൂപയിൽ കവിയരുത്. 10, 11, 12 ക്ലാസുകളിലെ പഠനം സിബിഎസ്ഇ സ്കൂളിലായിരിക്കണം. ഒറ്റമകൾ ആയിരിക്കണം. സ്കോളർഷിപ്പിന് അർഹരാകുന്നവർക്ക് പ്രതിമാസം 1000 രൂപ രണ്ടു വർഷത്തേക്ക് ലഭിക്കും. 

Read More

• ആയുർവേദ ബിരുദാനന്തര ബിരുദ ഡിഗ്രി/ഡിപ്ലോമ കോഴ്‌സ്: താത്കാലിക റാങ്ക് ലിസ്റ്റും, കാറ്റഗറി ലിസ്റ്റും പ്രസിദ്ധീകരിച്ചു
• സംസ്ഥാനത്തെ മികച്ച കോളേജുകളുടെ പട്ടിക പുറത്ത് വിട്ട് സർക്കാർ; ഇടം പിടിച്ച കോളേജുകൾ ഇവ
• CEE LLM Vacant Seat Allotment: എൽഎൽഎം വേക്കന്റ് സീറ്റ് അലോട്ട്മെന്റ്: ഓൺലൈൻ ഓപ്ഷനുകൾ രജിസ്റ്റർ ചെയ്യാം
• തിരഞ്ഞെടുപ്പ് മോഡലിൽ നീറ്റ്, യുജിസി നെറ്റ് പരീക്ഷകൾ; നിർദേശവുമായി ഉന്നതതല സമിതി