CBSE Dual Board Exams: സിബിഎസ്ഇ പത്താം ക്ലാസ് പരീക്ഷ അടുത്ത വർഷം മുതൽ രണ്ടു തവണ

CBSE Approves Dual Board Exams: ഡൽഹി: സിബിഎസ്ഇ പത്താം ക്ലാസ് പരീക്ഷകളിൽ പുതിയ മാനദണ്ഡങ്ങള്‍ പ്രഖ്യാപിച്ചു. 2026 മുതൽ പത്താം ക്ലാസിൽ രണ്ടു ടേം പരീക്ഷാ സമ്പ്രദായം നടപ്പാക്കുമെന്നാണ് സിബിഎസ്ഇ പ്രഖ്യാപിച്ചിരിക്കുന്നത്. വിദ്യാർത്ഥികളുടെ സമ്മർദ്ദം ലഘൂകരിക്കുക, മൂല്യനിർണ്ണയ നിലവാരം മെച്ചപ്പെടുത്തുക തുടങ്ങിയ ലക്ഷ്യങ്ങളോടെയാണ് മാറ്റങ്ങൾ പ്രഖ്യാപിച്ചിരിക്കുന്നത്. 

പുതിയരീതി അനുസരിച്ച്, അധ്യയന വർഷത്തെ തുല്യമായ രണ്ടു ടേമുകളായി വിഭജിക്കും. ആദ്യ ബോർഡ് പരീക്ഷ 2026 ഫെബ്രുവരിയിലും രണ്ടാമത്തെ പരീക്ഷ 2026 മെയ് മാസത്തിലും നടത്തും. പത്താം ക്ലാസ് പരീക്ഷാ ഫലം 12-ാം ക്ലാസിനു മുമ്പ് പ്രഖ്യാപിക്കും. മാർച്ച് 9-നകം പൊതുജനാഭിപ്രായം തേടിയ ശേഷം, 2026 മുതൽ പുതിയ രീതികൾ നടപ്പിലാക്കാനാണ് സിബിഎസ്ഇ തീരുമാനിച്ചിരിക്കുന്നത്. 

Also Read:കീം പരീക്ഷാ ഫലം രണ്ടു ദിവസത്തിനകം പ്രസിദ്ധീകരിക്കും

എല്ലാ വിദ്യാർത്ഥികളും ആദ്യത്തെ ബോർഡ് പരീക്ഷ എഴുതേണ്ടത് നിർബന്ധമാണെന്ന് സിബിഎസ്ഇ അറിയിച്ചു. ആദ്യപരീക്ഷയില്‍ മാര്‍ക്ക് കുറഞ്ഞവര്‍ക്ക് അത് മെച്ചപ്പെടുത്താന്‍ രണ്ടാംപരീക്ഷ സഹായിക്കും. വിദ്യാർത്ഥികൾക്ക് ഒരു തവണയോ രണ്ടുതവണയോ പരിക്ഷ തിരഞ്ഞെടുക്കാം. രണ്ടു തവണ തിരഞ്ഞെടുക്കുകയാണെങ്കിൽ വീണ്ടും എഴുതാൻ ആഗ്രഹിക്കാത്ത വിഷയങ്ങൾ/പേപ്പറുകൾ ഒഴിവാക്കാനും അവസരമുണ്ട്.

Also Read: പോളിടെക്‌നിക് ഡിപ്ലോമ: അന്തിമ റാങ്ക് ലിസ്റ്റും ഒന്നാം അലോട്ട്‌മെന്റ് ലിസ്റ്റും പ്രസിദ്ധീകരിച്ചു

അതേസമയം, ഒരു വിദ്യാർത്ഥി ആദ്യ പരീക്ഷയിൽ മൂന്നോ അതിലധികമോ വിഷയങ്ങളിൽ ഹാജരായില്ലെങ്കിൽ, ആ വിദ്യാർത്ഥിയെ രണ്ടാമത്തെ പരീക്ഷ എഴുതാൻ അനുവദിക്കില്ല. ഈ വിദ്യാർത്ഥികളെ 'എസൻഷ്യൽ റിപ്പീറ്റ്' വിഭാഗത്തിൽ ഉൾപ്പെടുത്തും, അടുത്ത വർഷം ഫെബ്രുവരി മാസത്തിൽ നടക്കുന്ന മെയിൻ പരീക്ഷ മാത്രമായിരിക്കും എഴുതാൻ കഴിയുക.

Read More: എൽ.എൽ.ബി: റാങ്ക് ലിസ്റ്റും ഉത്തരസൂചികയും പ്രസിദ്ധീകരിച്ചു