മനം പോലെ മാംഗല്യമെത്തുമ്പോൾ, മനസു നിറഞ്ഞ് മിയ; മനസമ്മതത്തിന്റെ വീഡിയോ കാണാം

ഇന്നലെ ആയിരുന്നു യുവനടിമാരിൽ ശ്രദ്ധേയയായ മിയ ജോർജിന്റെ മനസമ്മതം. പാലാ സെന്റ് തോമസ് കത്തീഡ്രലിൽ ആയിരുന്നു മനസമ്മത ചടങ്ങുകൾ നടന്നത്. കോട്ടയം സ്വദേശി അശ്വിൻ ഫിലിപ്പിനെയാണ് മിയ വിവാഹം ചെയ്യുന്നത്. സെപ്റ്റംബറിലാണ് വിവാഹം. മിയയുടെ മനസമ്മതത്തിന്റെ വീഡിയോ ആണ് ഇപ്പോൾ സമൂഹമാധ്യമങ്ങളുടെ ശ്രദ്ധ കവരുന്നത്.

ജൂൺ രണ്ടിനായിരുന്നു അശ്വിനുമായുള്ള മിയയുടെ വിവാഹം ഉറപ്പിച്ചത്. ബിസിനസുകാരനായ അശ്വിനുമായുള്ള വിവാഹം ആലോചിച്ചുറപ്പിച്ചതാണെന്ന് മിയയുടെ വീട്ടുകാർ അറിയിച്ചിരുന്നു.

Read More: സ്നേഹത്തിനും പ്രാര്‍ത്ഥനകള്‍ക്കും നന്ദി പറഞ്ഞ് മിയ, വിവാഹം സെപ്റ്റംബറില്‍

ടെലിവിഷനിലൂടെയാണ് മിയ അഭിനയ രംഗത്തേക്ക് എത്തുന്നത്. 'അൽഫോൺസാമ്മ' സീരിയലിൽ പ്രധാന വേഷത്തെ അവതരിപ്പിച്ച മിയ 'ഡോക്ടർ ലവ്,' 'ഈ അടുത്ത കാലത്ത്,' 'നവാഗതർക്ക് സ്വാഗതം,' 'തിരുവമ്പാടി തമ്പാൻ' തുടങ്ങിയ സിനിമകളിൽ വേഷങ്ങൾ ചെയ്തു. 'ചേട്ടായീസ്' എന്ന സിനിമയിലൂടെ നായികയായി. 'റെഡ് വൈന്‍,' 'മെമ്മറീസ്,' 'വിശുദ്ധന്‍,' 'മിസ്റ്റര്‍ ഫ്രോഡ്,' 'അനാര്‍ക്കലി,' 'പാവാട,' 'ബോബി,' 'പട്ടാഭിരാമന്‍,' 'ബ്രദേഴ്‌സ് ഡേ,' 'ഡ്രൈവിങ് ലൈസന്‍സ്' തുടങ്ങി നിരവധി സിനിമകളിൽ അഭിനയിച്ചു.

Read More: വിവാഹ ഒരുക്കങ്ങൾ തുടങ്ങിയോ? വൈറലായി മിയയുടെ ചിത്രങ്ങൾ

തമിഴിൽ 'അമര കാവ്യം,' 'ഇൻട്രു നേട്ര് നാളൈ,' 'വെട്രിവേൽ,' 'ഒരു നാൾ കൂത്ത്,' 'റം,' 'യെമൻ' എന്നീ സിനിമകളിലും തെലുങ്കിൽ 'ഉംഗരാല രാംബാബു' എന്ന സിനിമയിലും അഭിനയിച്ചു. മലയാളത്തിൽ 'അൽ മല്ലു' ഈ ചിത്രത്തിലാണ് ഏറ്റവും ഒടുവിലായി മിയ വേഷമിട്ടത്. തമിഴിലും മലയാളത്തിലുമായി മൂന്നു ചിത്രങ്ങളിൽ മിയയുടേതായി ഒരുങ്ങുന്നുണ്ട്.