ബോക്സ് ഓഫീസ് തൂക്കാൻ തലയെത്തി; ഒപ്പം പ്രിയ വാര്യരും ഷൈൻ ടോമും; 'ഗുഡ് ബാഡ് അഗ്ലി' ട്രെയിലർ

വിടാമുയർച്ചിക്ക് ശേഷം അജിത് കുമാർ നായകനാകുന്ന ഏറ്റവും പുതിയ ചിത്രമാണ് ആരാധകർ ആവേശത്തോടെ കാത്തിരിക്കുന്ന  'ഗുഡ് ബാഡ് അഗ്ലി.' ആധിക് രവിചന്ദ്രൻ്റെ സംവിധാനത്തിൽ ഒരുങ്ങുന്ന ചിത്രത്തിന്റെ ട്രെയിലർ അണിയറപ്രവർത്തകർ പുറത്തിറക്കിയിട്ടുണ്ട്. വ്യത്യസ്ഥ ഗെറ്റപ്പുകളിൽ നിറഞ്ഞാടുന്ന അജിത്തിനെയാണ് ട്രെലിയറിൽ കാണാനാവുക.

വിടാമുയര്‍ച്ചി നേരിട്ട കനത്ത പരാജയത്തിന്റെ ക്ഷീണം 'ഗുഡ് ബാഡ് അഗ്ലി' തീർക്കുമെന്ന പ്രതീക്ഷയിലാണ് ആരാധകർ. അജിത്തിന്റെ 'ആക്ഷൻ ഷോ' തന്നെയാകും ചിത്രമെന്ന സൂചനയാണ് ട്രെയിലർ നൽകുന്നത്. അജിത്തിന്റെ കരിയറിലെ 63-ാമത് ചിത്രംകൂടിയാണ് ഗുഡ് ബാഡ് അഗ്ലി.

തൃഷ നായികയാകുന്ന ചിത്രത്തിൽ, വൻ താരനിര അണിനിരക്കുമെന്നാണ് റിപ്പോർട്ട്. മലയാളത്തിലടക്കം ഏറെ ശ്രദ്ധനേടിയ മാര്‍ക്ക് ആന്റണി എന്ന ചിത്രത്തിനു ശേഷം ആദിക് രവിചന്ദ്രന്റെ സംവിധാനത്തില്‍ ഒരുങ്ങുന്ന ചിത്രമാണ് ഗുഡ് ബാഡ് അഗ്ലി. പ്രിയ വാര്യർ, ഷൈൻ ടോം ചാക്കോ, സുനിൽ, പ്രസന്ന എന്നിവരും ചിത്രത്തിൽ സുപ്രധാന വേഷങ്ങളിൽ എത്തുന്നുണ്ട്. 

Read More

• നടൻ പൃഥ്വിരാജിന് ആദായനികുതി വകുപ്പ് നോട്ടിസ്; പ്രതിഫല വിവരങ്ങൾ തേടി
• ഗോകുലം സ്ഥാപനങ്ങളിലെ റെയ്ഡ്; മൂന്നു മാസമായി നിരീക്ഷണത്തിലെന്ന് ഇ.ഡി; ഇന്നും ചോദ്യം ചെയ്തേക്കും
• ഇന്നാ പിടിച്ചോ 100 കോടി തിയേറ്റർ ഷെയർ; കൂട്ടുകാരന്റെ വെല്ലുവിളിക്ക് മോഹൻലാലിന്റെ ചെക്ക്‌മേറ്റ്
• Kudumba Sthreeyum Kunjadum Ott: ധ്യാൻ ശ്രീനിവാസന്റെ കുടുംബ സ്ത്രീയും കുഞ്ഞാടും ഒടിടിയിലെത്തി