Nivin Pauly: 'മാസ് അല്ലേ മച്ചാനെ'; കൊടൂരവില്ലനായി നിവിൻ പോളി എൽസിയുവിലേക്ക്; 'ബെൻസ്' ക്യാരക്ടർ പ്രൊമോ എത്തി

ലോകേഷ് കനകരാജ് കഥയെഴുതി ഭാ​ഗ്യരാജ് കണ്ണൻ സംവിധാനം ചെയ്യുന്ന എറ്റവും പുതിയ ചിത്രമാണ് ‘ബെൻസ്.’ലോകേഷ് സിനിമാറ്റിക് യൂണിവേഴ്സിന്റെ (എൽസിയു) ഭാഗമായിരിക്കും ചിത്രമെന്ന റിപ്പോർട്ടുകൾ നേരത്തെ പുറത്തുവന്നിരുന്നു. ഇപ്പോഴിതാ ചിത്രത്തിന്റെ വമ്പൻ അപ്ഡേറ്റ് പുറത്തുവിട്ടിരിക്കുകയാണ്.

ചിത്രത്തിൽ മലയാളികളുടെ പ്രിയതാരമായ നിവിൻ പോളിയും സുപ്രധാന വേഷത്തിൽ എത്തും. നിവിന്റെ ക്യാരക്ടർ പ്രൊമോ ആണ് പുറത്തിറക്കിയിരിക്കുന്നത്. കൊടൂര വില്ലൻ കഥാപാത്രമാകും നിവിന്റേതെന്നാണ് പ്രൊമോ സൂചിപ്പിക്കുന്നത്.

Also Read:ഒരു പരസ്യത്തിനു 5 കോടി വാങ്ങിക്കുന്ന, ലംബോർഗിനിയൊക്കെയുള്ള ആളാണ്: പ്രകാശ് വർമ്മയെ കുറിച്ച് മണിയൻപിള്ള രാജു

വാൾട്ടർ എന്നാണ് നിവിൻ പോളിയുടെ കഥാപാത്രത്തിന്റെ പേര്. തമിഴ് നടൻ രാഘവ ലോറൻസ് ആണ് ചിത്രത്തിൽ നായകനായെത്തുന്നത്. സംവിധായകൻ ഭാഗ്യരാജ് കണ്ണൻ തന്നെയാണ് ബെൻസിന്റെ തിരക്കഥയും സംഭാഷണവും ഒരുക്കിയിരിക്കുന്നത്. പാഷൻ സ്റ്റുഡിയോസിന്റെ ബാനറിൽ സുധൻ സുന്ദരം, ലോകേഷ് കനകരാജിന്റെ ജി സ്‌ക്വാഡ്, ജഗദീഷ് പളനിസ്വാമിയുടെ ദി റൂട്ട് എന്നിവർ ചേർന്നാണ് ചിത്രം നിർമ്മിക്കുന്നത്. 

Read More:വിട, സമാധാനമായി ഉറങ്ങൂ കുഞ്ഞേ; ഉറ്റസുഹൃത്തിന്റെ വിയോഗത്തിൽ വേദനയോടെ ശോഭന