വെളിച്ചം, നിറച്ചിരി, സൗഹൃദങ്ങൾ; ചിത്രങ്ങളുമായി ശോഭ വിശ്വനാഥ്

ബിഗ് ബോസ് മലയാളം സീസൺ അഞ്ചിൽ മത്സരാർത്ഥിയായെത്തി ഏറെ ശ്രദ്ധ നേടിയ വ്യക്തിയാണ് ശോഭ വിശ്വനാഥ്. ഫാഷൻ ഡിസൈനറും സംരംഭകയും ആക്ടിവിസ്റ്റുമായ ശോഭ വിശ്വനാഥ് തിരുവനന്തപുരം സ്വദേശിയാണ്. വഴുതക്കാട് വീവേഴ്സ് വില്ലേജ് എന്ന സംരംഭം നടത്തുകയാണ് ശോഭ വിശ്വനാഥ്. കൈത്തറി മേഖലയെ പുനരുജ്ജീവിപ്പിക്കാനുള്ള ശ്രമങ്ങളിലാണ് ശോഭയും ശോഭയുടെ വീവേഴ്സ് വില്ലേജും.

ദീപാവലി ആഘോഷങ്ങളിൽ നിന്നുള്ള ചിത്രങ്ങൾ ഷെയർ ചെയ്യുകയാണ് ശോഭ ഇപ്പോൾ. ചിത്രങ്ങളിൽ സൂര്യ കൃഷ്ണമൂർത്തിയേയും കാണാം.

നിരവധി പ്രതിസന്ധികളെ മറികടന്നുവന്ന വ്യക്തി കൂടിയാണ് ശോഭ. ടോക്സിക്കായ വിവാഹബന്ധത്തിൽ നിന്നും മുക്തി നേടിയെങ്കിലും പ്രതിസന്ധികൾ ശോഭയെ വിട്ടൊഴിഞ്ഞിരുന്നില്ല. 2021 ജനുവരി 31നാണ് വീണ്ടും ശോഭയെ തേടി ഒരു ഊരാകുടുക്ക് എത്തിയത്. ശോഭയുടെ വീവേഴ്‌സ് വില്ലേജിൽ നിന്നും 400 ഗ്രാം കഞ്ചാവ് പിടികൂടിയതിനെ തുടർന്ന് ശോഭയെ നാർക്കോട്ടിക് കൺട്രോൾ ബ്യൂറോ അറസ്റ്റ് ചെയ്തു. സംഭവം വലിയ വാർത്തയായി. ശോഭയുടെ ബിസിനസിനെയും അത് സാരമായി ബാധിച്ചു. എന്നാൽ അതിലൊന്നും തളരാതെ തന്റെ നിരപരാധിത്വം തെളിയിക്കാനായി ശോഭ നിയമപോരാട്ടത്തിനിറങ്ങി. മുഖ്യമന്ത്രിയ്ക്കും പൊലീസ് ഡയറക്ടർ ജനറലിനും കത്തെഴുതി. മുഖ്യമന്ത്രി ക്രൈം ബ്രാഞ്ച് അന്വേഷണത്തിന് ഉത്തരവിട്ടു. അന്വേഷണത്തിൽ ശോഭ നിരപരാധിയാണെന്നു വ്യക്തമായി. വിവാഹാഭ്യർത്ഥന നിരസിച്ചതിലുള്ള പകയാൽ ശോഭയുടെ സുഹൃത്തായിരുന്ന ഹരീഷ് എന്ന വ്യക്തിയാണ് ശോഭയെ കള്ളക്കേസിൽ കുടുക്കിയതെന്ന് തെളിഞ്ഞു. ശോഭയെ കുടുക്കാനായി തുണിക്കടയിലെ ഒരു വനിതാ ജീവനക്കാരിയുടെ സഹായത്തോടെ കടയിൽ കഞ്ചാവ് ഒളിപ്പിക്കുകയായിരുന്നു ഹരീഷ് എന്നു പൊലീസ് കണ്ടെത്തി. അതോടെ ശോഭയുടെ പേരിലുള്ള കേസ് റദ്ദ് ചെയ്യപ്പെട്ടു.

Read More Television News

• കുട്ടിച്ചാത്തനിലെ കുട്ടി താരം ഇന്ന് ഡോക്ടർ; വൈറലായി ശ്രദ്ധ ഗോകുൽ
• ഒരു ചേഞ്ച് ആർക്കാണ് ഇഷ്ടമില്ലാത്തത്?; മുടി സ്ട്രെയിറ്റ് ചെയ്ത ലുക്കിൽ പേളി മാണി
• മമ്മൂക്കയ്ക്ക് നന്ദിപറഞ്ഞ് ഋതു മന്ത്ര ലോക ജുജിറ്റ്സു ചാമ്പ്യൻഷിപ്പിലേക്ക്
• ഹരിതയുടെ വിവാഹം കൂടാനെത്തി സീരിയൽ താരങ്ങൾ, വീഡിയോ