ജിസേലിനെ തല്ലി അനുമോൾ; ഹൗസിന് പുറത്തേക്ക്? അല്ലെങ്കിൽ യെല്ലോ കാർഡ് - Bigg Boss Malayalam Season 7

Bigg Boss malayalam Season 7: ബിഗ് ബോസ് സീസൺ 7ൽ രണ്ടാമത്തെ ആഴ്ചയിലേക്ക് എത്തിയപ്പോൾ തന്നെ കാര്യങ്ങൾ കയ്യാങ്കളിയിലേക്ക് എത്തി. അനുമോൾ ശാരീരികമായി തന്നെ ഉപദ്രവിച്ചതായി ബിഗ് ബോസിനോട് ജിസേൽ പരാതി നൽകി. ശക്തമായി നടപടി എടുക്കണം എന്നും ജിസേൽ ആവശ്യപ്പെട്ടിട്ടുണ്ട്. ഹൗസിനുള്ളിലെ ഭൂരിഭാഗം മത്സരാർഥികളുടെ പിന്തുണയും ജിസേലിന് നേടാനായിട്ടുണ്ട്. ജിസേലിനെ അടിച്ചതിന്റെ പേരിൽ അനുമോൾ ഹൗസിൽ നിന്ന് പുറത്തേക്ക് പോകുമോ അതോ അനുമോൾക്ക് യെല്ലോ കാർഡ് ലഭിക്കുമോ എന്നാണ് ഇനി അറിയേണ്ടത്. 

ജയിൽ നോമിനേഷൻ നടക്കുമ്പോഴാണ് അനുമോളും ജിസേലും തമ്മിലുള്ള പോര് രൂക്ഷമായത്. അനുമോൾ കിച്ചനിൽ നിന്ന് റൊട്ടി മോഷ്ടിക്കുന്നുണ്ടെന്ന് ജിസേൽ പറഞ്ഞു. "അനുമോൾ കള്ളിയാണ്. അവൾ എന്റെ സാധനങ്ങൾ മോഷ്ടിക്കുന്നു. എന്റെ പ്രൈവസി സ്പേസ് ആയ ബെഡ്ഡിൽ അനുവാദമില്ലാതെ നോക്കുന്നു," ഇങ്ങനെയല്ലാമാണ് ജയിൽ നോമിനേഷന് ഇടയിൽ ജിസേൽ പറഞ്ഞത്.

Also Read: ടാസ്കിന് ഇടയിൽ വീണ് രേണുവിന് പരിക്ക്? ബിഗ് ബോസ് മെറ്റീരിയൽ അല്ലെന്ന വിമർശനം ശക്തം -Bigg Boss Malayalam Season 7

അനുമോൾ മോഷ്ടിച്ചു എന്നത് ജിസേൽ വീണ്ടും ആരോപിച്ചു. ഇതോടെ എല്ലാ നിയന്ത്രണവും വിട്ട് ജിസേലിന്റെ അടുത്തേക്ക് അനുമോൾ വന്നു. നീ കണ്ടോ ഞാൻ കട്ടെടുക്കുന്നത് എന്ന് ജിസേലിനോട് അനുമോൾ ആവർത്തിച്ച് ചോദിച്ചു. ഇതിനിടയിൽ ജിസേലിന്റെ കയ്യിൽ അനുമോൾ അടിക്കുകയും ചെയ്തു. മോഷണ കുറ്റം ആരോപിക്കപ്പെട്ടതോടെ ദേഷ്യവും സങ്കടവും അടക്കാനാവാതെ നിലത്തിരുന്ന്  അനുമോൾ അലറി കരയാൻ തുടങ്ങി. 

ഇതിന് പിന്നാലെ ക്യാമറയ്ക്ക് മുൻപിൽ വന്ന് നിന്ന് ജിസേൽ ബിഗ് ബോസിനോട് അനുമോൾ തന്നെ ഫിസിക്കലി ആക്രമിച്ചു എന്ന് പരാതി പറഞ്ഞു. ഹൗസിലെ ഭൂരിഭാഗം മത്സരാർഥികളുടെ പിന്തുണ നേടാനായതും ജിസേലിന് കാര്യങ്ങൾ അനുകൂലമാക്കുന്നു. അനുമോൾക്കെതിരെ മോഷണ കുറ്റം ജിസേൽ ആരോപിക്കുമ്പോൾ ക്യാപ്റ്റനായ ഷാനവാസ് അനുമോളെ പിന്തുണച്ച് സംസാരിച്ചിരുന്നു. 

Also Read: നൂറയുടെ ചുണ്ട് എനിക്ക് ഒരുപാട് ഇഷ്ടമാണ്; പ്രണയം ആരംഭിച്ചതിനെ കുറിച്ച് ആദില -Bigg Boss Malayalam Season 7

നീ ആര്യന്റെ സാധനങ്ങൾ അവന്റെ അനുവാദമില്ലാതെ കൊണ്ടുപോയി ഉപയോഗിക്കുന്നത് മോഷണം അല്ലേ എന്നാണ്  ജിസേലിനോട് ഷാനവാസ് ചോദിച്ചത്. എന്നാൽ അതിന് ജിസേൽ മറുപടിയായി പറഞ്ഞത് അത് എന്റെ ബുദ്ധി എന്നായിരുന്നു. എന്നാൽ ഹൗസിലെ അപ്പാനി ശരത്ത് ഉൾപ്പെടെയുള്ളവർ അനുമോൾക്കെതിരെയാണ് നിലപാടെടുക്കുന്നത്. ബി​ഗ് ബോസ് നിയമം തെറ്റിക്കുന്ന മത്സരാർത്ഥി ആയിട്ടും ജിസേലിന് ക്യാപ്റ്റൻസിയിലേക്ക് കുറേ വോട്ട് ലഭിച്ചിരുന്നു. ഇത് ജിസേലിന്റെ ഹൗസിലെ ഗെയിം വിജയിക്കുന്നു എന്നാണ് വ്യക്തമാക്കുന്നത്. 

കഴിഞ്ഞ വീക്കെൻഡ് എപ്പിസോഡിൽ നിയമം ലംഘിച്ച് മേക്കപ്പ് വസ്തുക്കൾ ഉപയോഗിച്ചതിന് മോഹൻലാൽ ജിസേലിന് താക്കീത് നൽകിയിരുന്നു. ജിസേൽ മേക്ക്അപ്പ് വസ്തുക്കൾ ഒളിപ്പിച്ച് വെച്ച് ഉപയോഗിക്കുന്ന എന്ന ആരോപണം ശക്തമായി ഉന്നയിക്കുന്നത് അനുമോളാണ്. അനുവാദമില്ലാത അനുമോൾ ജിസേലിന്റെ ബാ​ഗും വസ്തുക്കളും പരിശോധിച്ചിരുന്നു. ഇത് ജിസേൽ ആയുധമാക്കി. അനുമോൾ സൈക്കോയാണെന്ന് ജിസേൽ പറയുകയും അനുമോൾക്കെതിരെ മോശം വാക്ക് ഉപയോഗിക്കുകയും ചെയ്തു. 

Also Read: ആദ്യ വിവാഹ ബന്ധം നീണ്ടത് ഒരു മാസം; നല്ലൊരു ജീവിതവും ഭർത്താവിനേയും വിധിച്ചിട്ടില്ലെന്ന് രേണു- Bigg Boss Malayalam Season 7

ബിഗ് ബോസിലെ പുരുഷ മത്സരാർഥികൾ എല്ലാം  ജിസേലിന്റെ പിന്നാലെയാണ് എന്നാണ് അനുമോൾ ആരോപിക്കുന്നത്. ഒരു പെണ്ണിനെ കണ്ടാൽ ഇങ്ങനെയും വീഴുന്ന ആണുങ്ങൾ ഉണ്ടോ എന്നെല്ലാമാണ് അനുമോൾ പറയുന്നത്. അഭി ഒഴികെ ബാക്കി എല്ലാ പുരുഷന്മാരും ജിസേലിന്റ വാലിൽ തൂങ്ങിയാണ് നടക്കുന്നത്. എനിക്ക് ജിസേലിനെ ഒരു പേടിയുമില്ലെന്നും അനുമോൾ പറഞ്ഞിരുന്നു. 

Read More: അമ്മയെ അച്ഛൻ തല്ലുന്നത് ഒരുപാട് വട്ടം കണ്ടു; പിന്നെ ഞാൻ അനാഥാലയത്തിലായി: നെവിൻ - Bigg Boss Malayalam Season 7