Bigg Boss Malayalam Season 3: ബിഗ് ബോസ് മത്സരാർത്ഥികൾ ഇവർ

യോഗ പരിശീലകയായ സന്ധ്യ മനോജ് ആണ് ബിഗ് ബോസ് ഹൗസിലേക്ക് പതിമൂന്നാമത്തെ മത്സരാർത്ഥിയായി കടന്നു വന്നത്. യോഗയും ക്ലാസിക്കൽ ഡാൻസും സമന്വയിപ്പിച്ച് കൊണ്ടുള്ള നൃത്തരൂപം പരിശീലിപ്പിക്കുന്ന സന്ധ്യ നോർത്ത് പറവൂർ സ്വദേശിനിയാണ്. 

ബിഗ് ബോസിന്റെ പുതിയ സീസണിലെ മത്സരാർത്ഥികളിൽ കൂടുതലും യുവാക്കൾ ആണെന്നതാണ് പ്രത്യേകത. മലയാളികൾക്ക് സുപരിചിതരായ മുഖങ്ങൾ ഇത്തവണ കുറവാണ്. സുപരിചിതരായ വ്യക്തികളെ അടുത്തറിയുക എന്നതിനേക്കാൾ പുതിയ പ്രതിഭകളെ അടുത്തറിയുക എന്നതിനുള്ള അവസരമാണ് ഇത്തവണ ബിഗ് ബോസ് പ്രേക്ഷകർക്ക് കൊടുക്കുന്നത്. 

പാട്ടുകാരിയും വയലിനിസ്റ്റും മോഡലും മിസ് ഇന്ത്യ മത്സരാർത്ഥിയുമായ ഋതു മന്ത്ര കണ്ണൂർ സ്വദേശിനിയാണ്. 

ഡി ഫോർ ഡാൻസിലൂടെ ശ്രദ്ധേയനായ ഡാൻസറാണ് റംസാൻ മുഹമ്മദ്. 

വാക്കുകൾ കൊണ്ട് അമ്മാനമാടുന്ന അഡോണി ടി ജോൺ. മഹാരാജാസ് കോളേജിൽ പിഎച്ച്ഡി വിദ്യാർത്ഥിയാണ്. 

സീതാകല്യാണം സീരിയലിലൂടെ മിനിസ്ക്രീൻ പ്രേക്ഷകർക്ക് പരിചിതനാണ് അനൂപ്. കോണ്ടസ, സർവോപരി പാലക്കാരൻ, ദൈവത്തിന്റെ സ്വന്തം ക്ലീറ്റസ് എന്നിങ്ങനെ ചില ചിത്രങ്ങളിലും അഭിനയിച്ച നടനാണ് അനൂപ് കൃഷ്ണൻ.

ഡിജെയും മോഡലുമാണ് സായ് വിഷ്ണു ആർ. സിനിമയെ സ്വപ്നം കാണുന്ന വിഷ്ണു ഏതാനും വെബ് സീരീസുകളുടെയും ഭാഗമായിട്ടുണ്ട്. 

പാട്ടുകാരിയും വയലിനിസ്റ്റുമായ ലക്ഷ്മി ജയനാണ് ഏഴാമത്തെ മത്സരാർത്ഥി. 

ആർ ജെ സൂര്യ മേനോൻ ആണ് ബിഗ് ബോസിലെ മറ്റൊരു മത്സരാർത്ഥി. ഏതാനും സിനിമകളിലും പ്രത്യക്ഷപ്പെട്ട സൂര്യ ആദ്യത്തെ ഫീമെയിൽ ഡി ജെമാരിൽ ഒരാളാണ് സൂര്യ. 

പവർ ലിഫ്റ്റിംഗ് ചാമ്പ്യയും മോഡലും ഡോക്ടറുമാണ് മജിസിയ ഭാനുവും ബിഗ് ബോസ് ഹൗസിലേക്ക് പ്രവേശിച്ചു. വടകര സ്വദേശിയാണ് മജിസിയ. 

നടൻ മണികുട്ടനാണ് ബിഗ് ബോസിന്റെ പുതിയ സീസണിലെ മറ്റൊരു അതിഥി.  വിനയൻ സംവിധാനം ചെയ്ത ബോയ്ഫ്രണ്ട് എന്ന ചിത്രത്തിലൂടെ സിനിമയിൽ അരങ്ങേറ്റം കുറിച്ച മണിക്കുട്ടൻ മലയാളികൾക്ക് സുപരിചിതനാണ്.

ബിഗ് ബോസ് ഹൗസിലേക്ക് മൂന്നാമത്തെ മത്സരാർത്ഥിയും എത്തി. ആർ ജെ ഫിറോസ് ആണ് ബിഗ് ബോസിലെ മറ്റൊരു മത്സരാർത്ഥി.  സമൂഹമാധ്യമങ്ങളിൽ ഏറെ ആരാധകരുണ്ട് കിടിലം ഫിറോസ് എന്നറിയപ്പെടുന്ന ഫിറോസ് അസീസിന്.

ബിസിനസ് വുമണും സൈക്കോളജിസ്റ്റുമായ ഡിംപിൾ ബാൽ ആണ് ബിഗ് ബോസിലെ രണ്ടാമത്തെ മത്സരാർത്ഥി. കാൻസർരോഗത്തെ അതിജീവിച്ച പെൺകുട്ടിയാണ് ഡിംപിൾ. മീററ്റ്  സ്വദേശിയാണ് ഡിംപിളിന്റെ  അച്ഛൻ.  അമ്മ കട്ടപ്പന സ്വദേശിയാണ് .

മലയാളത്തിലെ ഹാസ്യ വേദികളിലെ സ്ഥിരം സാന്നിധ്യവും നടനുമായ നോബി മാർക്കോസാണ് ബിഗ് ബോസിലെ ആദ്യ മത്സരാർത്ഥി. നോബിയെ മോഹൻലാൽ ഷോയിലേക്ക് സ്വാഗതം ചെയ്തു. 

സാമൂഹിക പ്രവർത്തകരും കലാകായികരംഗത്തു നിന്നുള്ളവരുമാണ് ഇത്തവണ ബിഗ് ബോസിൽ അതിഥിയായി എത്തുന്നത്.  കോവിഡ് മാനദണ്ഡങ്ങൾ നൂറുശതമാനവും പാലിച്ചു കൊണ്ടാണ് ഇത്തവണ ഷോ നടത്തുന്നതെന്ന് മോഹൻലാൽ വ്യക്തമാക്കി. 

ബിഗ് ബോസ് വീടിനകത്തെ കാഴ്ചകൾ പരിചയപ്പെടുത്തുകയാണ് നടൻ മോഹൻലാൽ. ഡാൻസും പാട്ടുമായി ഗ്രാൻഡ് ഓപ്പൺ വേദിയിലേക്ക് പ്രേക്ഷകരെ ആനയിക്കുകയാണ് മലയാളികളുടെ പ്രിയതാരം. 

ആര്യ, രഘു, സുരേഷ്, സാബുമോൻ തുടങ്ങി മുന്‍ ബിഗ് ബോസ് താരങ്ങളും ചെന്നൈയിലെ ബിഗ് ബോസിന്റെ ഉദ്ഘാടന വേദിയിൽ എത്തിയിരുന്നു. 

ഭാഗ്യലക്ഷ്മി, നോബി മാർക്കോസ്, റംസാൻ മുഹമ്മദ് എന്നിവർക്ക് ഒപ്പം തന്നെ കിടിലം ഫിറോസ് എന്നറിയപ്പെടുന്ന ആർ ജെ ഫിറോസ് അസീസ്, പവർ ലിഫ്റ്റിംഗ് വേൾഡ് ചാമ്പ്യനും ഫിറ്റ്നസ് മോഡലുമായ മജിസിയ ഭാനു, സീരിയൽ താരം അനൂപ് കൃഷ്ണൻ  എന്നിവരുടെ പേരും സാധ്യതാലിസ്റ്റിൽ ഉയർന്നു കേൾക്കുന്നുണ്ട്. 

സ്റ്റൈലിഷ് മേക്കോവറിലാണ് മോഹൻലാൽ ഇത്തവണ ഷോയിൽ എത്തുന്നത്. ജിഷാദ് ഷംസുദ്ദീനാണ് ഷോയ്ക്ക് വേണ്ടി മോഹൻലാലിന്റെ സ്റ്റൈലിംഗ് ചെയ്യുന്നത്. ഈ സീസണു വേണ്ടി മിനിമൽ ക്ലാസിക് മുതൽ ബൊഹീമിയൻ, ജാപ്പാനീസ് ഫാഷൻ എലമെന്റുകൾ വരെയുള്ള വ്യത്യസ്ത സ്റ്റൈലുകൾ മോഹൻലാലിനായി ജിഷാദ് പരീക്ഷിക്കുന്നുണ്ട്.

Read more:  സ്റ്റൈലിഷ് ലുക്കിൽ മോഹൻലാൽ എത്തുമ്പോൾ

മോഹൻലാൽ തന്നെയാണ് ഇത്തവണയും അവതാരകനായി എത്തുന്നത്.  ഈ സീസണിനായി മോഹൻലാൽ പ്രതിഫലം ഉയർത്തിയെന്നും നൂറു ദിവസം നീണ്ടുനിൽക്കുന്ന ഈ റിയാലിറ്റി ഷോയ്ക്കായി ഇത്തവണ മോഹൻലാൽ കൈപ്പറ്റുന്നത് 18 കോടി ആണെന്നും റിപ്പോർട്ടുകളുണ്ട്. മുൻ സീസണുകളിൽ 12 കോടി രൂപയായിരുന്നു മോഹൻലാലിന്റെ പ്രതിഫലം.

Read more: ബിഗ് ബോസിനായി മോഹൻലാൽ വാങ്ങുന്ന പ്രതിഫലം

#Mohanlal's remuneration for hosting BigBoss (Malayalam) is a huge amount, 18Cr.

For Previous Seasons, His Remuneration is 12Cr.

— MOVIESHUT (@movieshut_) February 12, 2021

മത്സരാർത്ഥികളെ കുറിച്ചു യാതൊരു വിധ സൂചനകളും ഇതു വരെ അണിയറപ്രവർത്തകർ നൽകുന്നില്ലെങ്കിലും ഡബ്ബിംഗ് ആർട്ടിസ്റ്റും നടിയുമായ ഭാഗ്യലക്ഷ്മി, നടൻ നോബി മാർക്കോസ്, ഡി ഫോർ ഡാൻസ് ഫെയിം റംസാൻ മുഹമ്മദ് എന്നിവർ ഈ സീസണിൽ ഉണ്ടെന്നാണ് റിപ്പോർട്ട്. കഴിഞ്ഞ സീസണിൽ 17 പേരായിരുന്നെങ്കിൽ ഇത്തവണ 18 പേരാണ് മത്സരാർത്ഥികൾ. കോവിഡ് മാനദണ്ഡങ്ങൾക്ക് അനുസരിച്ച് കൃത്യമായ ക്വാറന്റൈൻ പൂർത്തിയാക്കിയാണ് മത്സരാർത്ഥികളെ ബിഗ് ബോസ് ഹൗസിൽ പ്രവേശിപ്പിച്ചിരിക്കുന്നത്. 

Read more: ഭാഗ്യലക്ഷ്മിയ്ക്കും നോബിയ്ക്കുമൊപ്പം റംസാൻ മുഹമ്മദും