തിരുമ്പി വന്തിട്ടേന്‍ ഡാ; സന്തോഷം പങ്കുവച്ച് 'അമ്മയറിയാതെ' താരം

മലയാളികൾ നെഞ്ചിലേറ്റിയ ജനപ്രിയ പരമ്പരകളിൽ ഒന്നാണ് ഏഷ്യാനെറ്റിൽ സംപ്രേക്ഷണം ചെയ്യുന്ന 'അമ്മയറിയാതെ'. സീരിയലിലെ നായകനായ അമ്പാടി അർജുൻ എന്ന കഥാപാത്രത്തെ അവതരിപ്പിച്ചിരുന്നത് നിഖിൽ നായരായിരുന്നു.

എന്നാൽ സീരിയലിൽ നിന്നും അപ്രതീക്ഷിതമായി നിഖിൽ പിന്മാറിയത് പ്രേക്ഷകർക്ക് ഏറെ സങ്കടകരമായ വാർത്തയായിരുന്നു. പിന്നാലെ നിഖിലിന് പകരക്കാരനായി വിഷ്ണു ഉണ്ണികൃഷ്ണൻ എത്തിയിരുന്നെങ്കിലും അമ്പാടിയായി നിഖിൽ തിരികെ എത്തണമെന്നും ആ സ്ഥാനത്തേക്ക് മറ്റൊരാളെ കാണാൻ സാധിക്കില്ലെന്നും അറിയിച്ച് നിരവധി ആരാധകർ സോഷ്യൽ മീഡിയയിലൂടെ പ്രതിഷേധം അറിയിച്ചിരുന്നു.

ഇപ്പോഴിതാ, ആരാധകർക്ക് സന്തോഷവാർത്ത സമ്മാനിച്ചുകൊണ്ട് നിഖിൽ സീരിയലിലേക്ക് തിരികെയെത്തുകയാണ്. "തിരുമ്പി വന്തിട്ടെൻ ഡാ…" എന്ന ടൈറ്റിലോടെ നിഖിലിന്റെ തിരിച്ചുവരവിന്റെ പ്രമോ വീഡിയോ ചാനൽ റിലീസ് ചെയ്തിട്ടുണ്ട്.

പരമ്പരയിൽ നായിക അലീനയായി വേഷമിടുന്നത് ശ്രീതു കൃഷ്ണനാണ്. അലീന- അമ്പാടി കോംബോ സീനുകൾ പ്രേക്ഷകരും നെഞ്ചിലേറ്റിയതാണ്. വീണ്ടും ഇരുവരെയും ഒന്നിച്ച് സ്ക്രീനിൽ കാണാൻ കഴിയുന്നതിന്റെ സന്തോഷത്തിലാണ് പ്രേക്ഷകർ.

Read more: എനിക്കു വേണ്ടി സംസാരിക്കാൻ ആരുമുണ്ടായിട്ടില്ല, ഇതാദ്യത്തെ അനുഭവമെന്ന് ‘പാടാത്ത പൈങ്കിളി’ താരം സൂരജ്