Covid Hospital Near Me and Covid bed Availability: അടുത്തുള്ള കോവിഡ് ആശുപത്രിയും കിടക്കകളുടെ ഒഴിവും അറിയാം

Covid Hospital Near Me and Covid bed Availability: Covid-19 Jagratha Hospital Dash Board: കോവിഡ് രോഗികളെ ആശുപത്രിയിൽ പ്രവേശിപ്പിക്കേണ്ടി വരുന്ന സാഹചര്യത്തിൽ ഏത് ആശുപത്രിയിലാണ് ഒഴിവുള്ളതെന്ന് ഓൺലൈൻ സംവിധാനം വഴി അറിയാം. കോവിഡ്-19 ജാഗ്രത (Covid-19 Jagratha) പോർട്ടലിലെ ഹോസ്പിറ്റൽ ഡാഷ്ബോർഡ് (Hospital Dash Board) എന്ന ഓപ്ഷൻ വഴിയാണ് ഇക്കാര്യം അറിയാൻ കഴിയുക.

Read More: COVID-19 in children: കുട്ടികൾക്ക് കോവിഡ് വന്നാൽ

How Can I Find Covid Hospital Near Me and Covid bed availability: അടുത്തുള്ള കോവിഡ് ആശുപത്രിയും കിടക്കകളുടെ ഒഴിവും കണ്ടെത്താൻ എന്തു ചെയ്യണം

• അടുത്തുള്ള കോവിഡ് ആശുപത്രിയും കിടക്കകളുടെ ഒഴിവും കണ്ടെത്താൻ ആദ്യം കോവിഡ് ജാഗ്രതാ പോർട്ടൽ (covid19jagratha.kerala.nic.in) ഓപ്പൺ ചെയ്യണം.

• ജാഗ്രതാ പോർട്ടലിന്റെ ഹോം പേജിലെ "ഹോസ്പിറ്റൽ ഡാഷ്ബോർഡ് (Hospital Dash Board)" എന്ന ഓപ്ഷൻ ക്ലിക്ക് ചെയ്യുക.
• ഹോസ്പിറ്റൽ ഡാഷ്ബോർഡ് (Hospital/CFLTC/CSLTC Dashboard) എന്ന പേജ് തുറന്നു വരും

• ഈ പേജിൽ ജില്ലയും (District), ആശുപത്രി/ ട്രീറ്റ്മെന്റ് സെന്റർ (Hospital/CSLTC/CFLTC) എന്നിവയിൽ ഏത് വേണമെന്നതും ഡ്രോപ്പ്ഡൗൺ മെനുവിൽനിന്ന് തിരഞ്ഞെടുക്കുക. ഇവ എല്ലാം തിരയണമെങ്കിൽ "All" എന്ന ഓപ്ഷൻ നൽകാം.

Read More: Covid Vaccine Near Me: വാക്സിൻ ഇന്ന് എവിടെയൊക്കെ? അറിയാം എളുപ്പത്തിൽ

• സർക്കാർ ആശുപത്രി വേണോ സ്വകാര്യ ആശുപത്രി വേണോ (Govt/Private) എന്നത് ഡ്രോപ്പ്ഡൗൺ മെനുവിൽനിന്ന് തിരഞ്ഞെടുക്കാനാവും. ഇവ രണ്ടും വേണമെങ്കിൽ All എന്ന ഓപ്ഷൻ തിരഞ്ഞെടുക്കാം.
• കോവിഡിന് മാത്രമായുള്ള ആശുപത്രിയാണോ അല്ലാത്ത ആശുപത്രിയോ വേണമെന്ന കാര്യം പ്രത്യേകം തിരഞ്ഞെടുക്കാനും ഇതിനൊപ്പം കഴിയും. ഇതിനായി 'Both Covid and Non Covid', 'Covid', Non Covid,' എന്നിവയിൽ ഒരു ഓപ്ഷൻ ഇതിനായുള്ള ഡ്രോപ്പ്ഡൗൺ മെനുവിൽനിന്ന് തിരഞ്ഞെടുത്താൽ മതി.
• ഇവയെല്ലാം തിരഞ്ഞെടുത്ത ശേഷം " Get Status of Vacancy" എന്ന ബട്ടണിൽ ക്ലിക്ക് ചെയ്യുക.

• കംപ്യൂട്ടറിൽ ആണെങ്കിൽ ഇപ്പോൾ നിങ്ങൾ തിരഞ്ഞെടുത്തത് പ്രകാരമുള്ള ആശുപത്രികൾ, ആകെ ഐസിയു കിടക്കൾ, ഐസിയു ഇതര കിടക്കൾ, വെന്റിലേറ്ററുകൾ, ഓക്സിജൻ ലഭ്യമായ നോൺ ഐസിയു കിടക്കകൾ, തുടങ്ങിയവയുടെ എണ്ണം രേഖപ്പെടുത്തിയ ലിങ്കുകൾ സ്ക്രീനിൽ കാണാനാവും.

• മൊബൈൽ ഫോണിൽ ആണെങ്കിൽ താഴേക്ക് സ്ക്രോൾ ചെയ്താൽ നിങ്ങൾക്ക് ഇവ സ്ക്രീനിൽ കാണാം.
• ഇതിൽ നിങ്ങൾക്ക് ആവശ്യമുള്ള ലിങ്കിൽ ക്ലിക്ക് ചെയ്താൽ അവയുടെ വിശദാംശങ്ങൾ ലഭിക്കും.

• ഒരു പോപ്പ് അപ്പ് വിൻഡോയിലാണ് ഈ വിവരങ്ങൾ ലഭ്യമാവുക. അതിൽ നിങ്ങൾ ഉദ്ദേശിക്കുന്ന ആശുപത്രിയുടെയോ മറ്റ് ആരോഗ്യ കേന്ദ്രങ്ങളുടെയോ പേര് സെർച്ച് ചെയ്യാനും കഴിയും.

• നിങ്ങൾ ആശുപത്രികളുടെ പട്ടികയാണ് എടുത്തതെങ്കിൽ അതിൽ വരുന്ന ആശുപത്രികളുടെ പേര് ക്ലിക്ക് ചെയ്താൽ അവിടെ എത്ര കിടക്കയുണ്ടെന്നും എത്ര ഒഴിവുണ്ടെന്നും അറിയാൻ കഴിയും.

• കിടക്കകളുടെ വിവരം ലഭിക്കുന്നതിനുള്ള ലിങ്കിലാണെങ്കിൽ ഓരോ ആശുപത്രികളുടെ പേരും അവിടെ ആകെ എത്ര കിടക്കകളുണ്ടെന്നും അവയിൽ എത്ര കിടക്കകൾ ഒഴിവാണെന്നും കാണാനാവും.

Read More: How to register using CoWIN or Aarogya Setu, cowin.gov.in: പതിനെട്ട് കഴിഞ്ഞവർക്കു വാക്സിൻ: റജിസ്ട്രേഷൻ എവിടെ, എങ്ങനെ ചെയ്യാം?