ബിഎസ്എൻഎൽ 35, 53, 395 രൂപ പ്രീപെയ്ഡ് പ്ലാനുകൾ പരിഷ്കരിച്ചതായി റിപ്പോർട്ട്

ബിഎസ്എൻഎൽ മൂന്നു പ്രീപെയ്ഡ് പ്ലാനുകൾ പരിഷ്കരിച്ചതായി റിപ്പോർട്ട്. 35 രൂപയുടെ പ്ലാനിൽ 5 ജിബി ഡാറ്റയും 53 രൂപയുടെ പ്ലാനിൽ 8 ജിബിയും 395 രൂപയുടെ പ്ലാനിൽ ദിനം പ്രതി 2 ജിബിയും ലഭിക്കുന്ന തരത്തിലാണ് പ്ലാനുകൾ പരിഷ്കരിച്ചതെന്ന് ടെലികോം ടോക് റിപ്പോർട്ട് ചെയ്യുന്നു.

നേരത്തെ 35 രൂപയുടെ പ്ലാനിൽ 5 ദിവസത്തെ കാലാവധിയിൽ 200 എംബിയാണ് ഉപയോക്താക്കൾക്ക് ലഭിച്ചിരുന്നത്. ഇപ്പോൾ 5 ജിബി വരെയാണ് നീട്ടിയിരിക്കുന്നത്. 53 രൂപയുടെ പ്ലാനിൽ ഡാറ്റ കൂട്ടിയപ്പോൾ പ്ലാനിന്റെ കാലാവധി കുറച്ചു. 21 ദിവസത്തെ കാലാവധിയിൽ 250 എംബിയാണ് നേരത്തെ ലഭിച്ചിരുന്നത്. ഇപ്പോൾ 14 ദിവസത്തെ കാലാവധിയിൽ 8 ജിബി കിട്ടും.

ബിഎസ്എൻഎല്ലിന്റെ 395 രൂപ പ്ലാനിന്റെ കാലാവധി 71 ദിവസമാണ്. ഈ പ്ലാനിൽ ദിനംപ്രതി 2 ജിബിയാണ് ലഭിച്ചിരുന്നത്. വോയിസ് കോളിങ് 3,000 മിനിറ്റും ഓഫ് നെറ്റ് വോയിസ് കോളിങ് 1,800 മിനിറ്റും ലഭിച്ചിരുന്നു. പരിഷ്കരിച്ച പ്ലാനിലും 2 ജിബിയാണ് ലഭിക്കുക. എന്നാൽ അൺലിമിറ്റഡ് വോയിസ് കോളിങ്ങും നാഷണൽ​ റോമിങ്ങും ( മുംബൈ, ഡൽഹി സർക്കിൾ ഒഴികെ) ലഭിക്കും.

Read: Airtel vs Reliance Jio vs Vodafone: 500 രൂപയ്ക്ക് താഴെയുളള മികച്ച പ്ലാനുകൾ

ജിയോ, എയർടെൽ, വോഡഫോൺ കമ്പനികളെ ലക്ഷ്യമിട്ടാണ് ബിഎസ്എൻഎൽ 395 രൂപയുടെ പ്ലാൻ പരിഷ്കരിച്ചിരിക്കുന്നത്. ജിയോയുടെ 399 രൂപയുടെ പ്ലാനിൽ അൺലിമിറ്റഡ് കോളിങ്ങിനൊപ്പം ദിനവും 1.5 ജിബി 4 ജി ഡാറ്റയും ലഭിക്കും. 84 ദിവസമാണ് പ്ലാനിന്റെ കാലാവധി. ഇതിനൊപ്പം ജിയോ ആപ്പുകളും സൗജന്യമായി ലഭിക്കും.

വോഡഫോണിന്റെ 399 രൂപയുടെ പ്ലാനിൽ ദിനവും 1 ജിബിയുടെ 4 ജി ഡാറ്റയാണ് കിട്ടുക. ഇതിനൊപ്പം അൺലിമിറ്റഡ് കോളിങ്ങും ദിനവും 100 എസ്എംഎസും ലഭിക്കും. 84 ദിവസമാണ് പ്ലാനിന്റെ കാലാവധി. എയർടെലിന്റെ 399 രൂപ പ്ലാനിൽ അൺലിമിറ്റഡ് കോളിങ്, ദിനവും 100 എസ്എംഎസ് എന്നിവ 84 ദിവസത്തെ കാലാവധിയിൽ ലഭിക്കും.