Rishabh Pant IPL: 3272 ദിവസത്തിന് ശേഷം ആദ്യം; ഋഷഭ് പന്തിനെ ഇല്ലാതാക്കുകയാണോ ലക്നൗ?

Rishabh Pant Lucknow Super Giants IPL 2025: ഐപിഎല്ലിലെ മോശം ഫോം തുടരുകയാണ് ലക്നൗ സൂപ്പർ ജയന്റ്സ് ക്യാപ്റ്റൻ ഋഷഭ് പന്ത്. തന്റെ പഴയ ടീമായ ഡൽഹി ക്യാപിറ്റൽസിന് എതിരെ തോൽവിയിലേക്ക് വീണതിനൊപ്പം രണ്ട് പന്തിൽ ഡക്കായാണ് ഋഷഭ് പന്ത് മടങ്ങിയത്. തന്റെ കരിയറിലെ ഏറ്റവും മോശം അവസ്ഥയിലൂടെ കടന്ന് പോവുകയാണ് പുതിയ ഫ്രാഞ്ചൈസിയിലേക്ക് എത്തിയതിന് ശേഷം താരം. ഐപിഎല്ലിൽ ഋഷഭ് പന്ത് ഏഴാമത് ബാറ്റിങ്ങിന് ഇറങ്ങുന്നത് ഒൻപത് വർഷത്തിന് ശേഷം. കൃത്യമായി പറഞ്ഞാൽ 3272 ദിവസത്തിന് ശേഷം..

അബ്ദുൽ സമദിനും ഡേവിഡ് മില്ലറിനും ആയുഷ് ബദോനിക്കും ശേഷം ഏഴാമനായാണ് ഡൽഹി ക്യാപിറ്റൽസിന് എതിരെ ഋഷഭ് പന്ത് ക്രീസിലിറങ്ങിയത്. ഇതിന് മുൻപ് ഐപിഎല്ലിലെ തന്റെ അരങ്ങേറ്റ സീസണിൽ ആണ് ഋഷഭ് പന്ത് ഏഴാമതും എട്ടാമതും ബാറ്റിങ്ങിന് ഇറങ്ങിയത്. അതിന് ശേഷം ബാറ്റിങ് പൊസിഷനിൽ ഇത്രയും താഴെയായി ഋഷഭ് പന്ത് ഇറങ്ങിയിട്ടില്ല. 

ഏഴും എട്ടും ബാറ്റിങ് പൊസിഷനിൽ ഇതിന് മുൻപ് രണ്ട് വട്ടം ഐപിഎല്ലിൽ ഇറങ്ങിയപ്പോഴും ഋഷഭ് പന്തിന് സ്കോർ ഉയർത്താൻ സാധിച്ചിട്ടില്ല. ഇന്ത്യക്കായി ട്വന്റി20 കളിച്ചപ്പോഴും പന്തിന്റെ ബാറ്റിങ് പൊസിഷൻ ഏഴാം സ്ഥാനത്തേക്ക് എത്തിയിട്ടില്ല. 

Rishabh Pant against his former team, Delhi Capitals, in IPL 2025

0 (6) at Vizag
0 (2) at Lucknow* pic.twitter.com/xorCLDZuR6

— All Cricket Records (@Cric_records45) April 22, 2025

ഒരു സീസണിൽ ഒന്നിലധികം തവണ ഋഷഭ് പന്ത് പൂജ്യത്ത് പുറത്താകുന്നതും എട്ട് വർഷത്തിന് ഇടയിൽ ആദ്യമാണ്. ഐപിഎൽ 2025ലെ താര ലേലത്തിന് മുൻപായി ഡൽഹി ക്യാപിറ്റൽസിൽ തുടരേണ്ടതില്ലെന്ന് തീരുമാനിച്ച് ഋഷഭ് പന്ത് ടീം വിടുകയായിരുന്നു. താര ലേലത്തിൽ 27 കോടി രൂപയ്ക്കാണ് ലക്നൗ പന്തിനെ സ്വന്തമാക്കിയത്. 

ഐപിഎൽ ചരിത്രത്തിലെ ഏറ്റവും വിലകൂടിയ താരമായും ഋഷഭ് പന്ത് മാറി. എന്നാൽ തന്റെ പുതിയ ഫ്രാഞ്ചൈസിയിൽ എട്ട് മത്സരങ്ങളിൽ നിന്ന് 106 റൺസ് മാത്രമാണ് ഋഷഭ് പന്തിന് കണ്ടെത്താനായത്. ഈ സീസണിൽ 100ന് മുകളിൽ റൺസ് കണ്ടെത്തിയ താരങ്ങളിൽ 100ൽ താഴെ സ്ട്രൈക്ക്റേറ്റ് ഉള്ള ഒരേയൊരു കളിക്കാരനും ഋഷഭ് പന്ത് ആണ്. 

ഋഷഭ് പന്തിന്റെ ഐപിഎല്ലിലെ ഈ മോശം ഫോം താരത്തിന്റെ ഇന്ത്യൻ ടീമിലെ കരിയറിനേയും ബാധിക്കുമോ എന്ന ചോദ്യം ഉയരുന്നുണ്ട്. അടുത്ത ട്വന്റി20 ലോകകപ്പിൽ ഉൾപ്പെടെ ഇന്ത്യൻ ടീമിൽ ഇടം പിടിക്കാൻ ഋഷഭ് പന്തിന് ഇനി സാധിക്കുമോ എന്ന ആശങ്കയാണ് ഉയരുന്നത്. 

Read More

• DC vs LSG: ഗുജറാത്തിനൊപ്പം കട്ടയ്ക്ക് ഡൽഹി; ലക്നൗ വീണ്ടും തോറ്റു
• Rohit Sharma IPL: രോഹിത് ശർമ മുംബൈ ഇന്ത്യൻസ് വിടുമോ? അതൃപ്തി വ്യക്തമാക്കി പ്രതികരണം
• MS Dhoni IPL: വാഷിങ് മെഷീനിലാണോ ലസ്സി ഉണ്ടാക്കി കുടിക്കുന്നത്? ധോണിയുടെ മറുപടി
• കോഹ്ലി ഈ കാണിക്കുന്നതൊന്നും അധികൃതർ കാണുന്നില്ലേ? പിഴ ശിക്ഷയിൽ നിന്ന് എങ്ങനെ ഒഴിവാകുന്നു?