കപ്പിനും ലിപ്പിനുമിടയില്‍ പോയ കപ്പ്‌; വിരാടിനെ ആശ്വസിപ്പിച്ച് അനുഷ്ക

ഇന്നലെ നടന്ന ലോകകപ്പ ഫൈനലിന്‍റെ കാഴ്ചകള്‍ക്കിടയില്‍ ഏറ്റവും ശ്രദ്ധേയമായ ഒന്ന് ഇന്ത്യന്‍ ക്രിക്കറ്റ് താരം വിരാട് കോഹ്ലിയെ നടിയും ഭാര്യയുമായ അനുഷ്ക ശര്‍മ പുണരുന്ന കാഴ്ചയാണ്.  ഫൈനല്‍ കളിയില്‍ ഓസ്ട്രേലിയോട് പരാജയപ്പെട്ട ഇന്ത്യ, കപ്പിനും ലിപ്പിനുമിടയില്‍ ലോകകപ്പ്‌ കൈവിട്ടു കളയുകയായിരുന്നു.  അതിന്‍റെ സങ്കടം ഇന്ത്യ ടീമിന് മാത്രമല്ല, ആതിഥ്യം വഹിച്ച ഇന്ത്യയ്ക്കൊന്നടങ്കം ഉണ്ടായിരുന്നു.  കളി കഴിഞ്ഞു എത്തിയ കോഹ്ലിയുടെ മുഖത്തും സങ്കടം നിഴലിക്കുന്നുണ്ടായിരുന്നു.  ഗാലറിയിലേക്ക് വന്ന വിരാടിനെ അനുഷ്ക കെട്ടിപ്പിടിച്ച് സമാധാനിപ്പിച്ചത് ക്യാമറകള്‍ ഒപ്പിയെടുത്തു. സെമിഫൈനല്‍ ഉള്‍പ്പടെയുള്ള കളികളിലെ വിജയാഹ്ളാദ കാഴ്ചകളോടൊപ്പം ചരിത്രത്തില്‍ സൂക്ഷിക്കാന്‍.  

View this post on Instagram

A post shared by Indian Express Entertainment (@ieentertainment)

ഇംഗ്ലീഷില്‍ ഒരു പ്രയോഗമുണ്ട് - Between the Cup and the Lip-എന്ന്.  എല്ലാം ഭംഗിയായി പോകുന്നുന്നു, വിജയം സുനിശ്ചിതം എന്നൊക്കെ തോന്നുന്ന ഇടത്തില്‍ നിന്ന് പെട്ടെന്ന് ഉണ്ടാകുന്ന ഒരു പരാജയത്തെയാണ് അത് അര്‍ത്ഥമാക്കുന്നത്. ഈ ലോകകപ്പില്‍ കളിച്ച കളികളെല്ലാം ജയിച്ച്, അവസാനത്തെ കളിയില്‍ പരാജയപ്പെട്ട ഇന്ത്യയുടെ സ്ഥിതിയെ അങ്ങനെ വിശേഷിപ്പിക്കാം.

Read Here

• കംഗാരുപ്പടയ്ക്ക് ആറാം വിശ്വകിരീടം; സെഞ്ചുറിയോടെ തലയുയർത്തി ഹെഡ്ഡ്