കാവിലെ പാട്ടുമത്സരത്തിന് കാണാം; കീരിയും പാമ്പും നടുറോഡിൽ പൊരിഞ്ഞ തല്ല്

'നേരിൽ കണ്ടാൽ കീരിയും പാമ്പും പോലെ' എന്നൊരു പ്രയോഗമുണ്ട് നമ്മുടെ നാട്ടിൽ. പരസ്പരം വഴക്കിടുന്നവരെ കുറിച്ചാണ് ഇത് പറയുന്നത്. ശരിക്കുമുള്ള കീരിയും പാമ്പും തമ്മിൽ വഴക്കിടുന്നത് കണ്ടിട്ടുണ്ടോ? ഇല്ലെങ്കിൽ ഈ വീഡിയോ കണ്ടുനോക്കൂ. വഴക്കല്ല, നടുറോഡിൽ പൊരിഞ്ഞ തല്ലാണ്.

This is absolutely natural. I am happy that no crusader jumped in to save either species. It’s the survival of fittest which prevails in #nature
Vid-WA. @IfsJagan@vivek4wildpic.twitter.com/RtsR5LosnI

— Dr Abdul Qayum, IFS (@drqayumiitk) August 18, 2020

വിഷപ്പാമ്പുകളെ കീഴ്‌പ്പെടുത്തി കൊല്ലുന്ന കാര്യത്തിൽ പേരുകേട്ട ജീവിയാണ് കീരി. പ്രത്യേകിച്ച് മൂർഖൻ പാമ്പിനെ. അവയുടെ ശരീരത്തിന്റെ രൂപവും വിഷത്തെ പ്രതിരോധിക്കാനുള്ള കഴിവുമാണ് കീരിയുടെ കൈയിലെ ആയുധം.

Read More: പുതിയ അതിഥി; 197ാമത് രാജവെമ്പാലയും വാവ സുരേഷിന് മുന്നിൽ പത്തി താഴ്‌ത്തി

ട്വിറ്ററിൽ വ്യാപകമായി ഷെയർ ചെയ്യപ്പെടുന്ന ഈ വീഡിയോയിൽ, ഒരു കീരിയുടെ കൈയിൽ നിന്നും രക്ഷപ്പെടാൻ ശ്രമിക്കുകയാണ് പാമ്പ്. എന്നാൽ പാമ്പിനെ വിടാതെ പിടിച്ചിട്ടുണ്ട് കീരി. ഇത് കണ്ട് കുറേ പേർ തങ്ങളുടെ വണ്ടികളിലിരുന്ന് മൊബൈലിൽ വീഡിയോ പകർത്തുന്നു.