Tsunami News Updates: സുനാമി; അമേരിക്കയിലെ ഹവായ്, അലാസ്‌ക തീരങ്ങളിൽ കൂറ്റൻ തിരമാലകൾ

Tsunami Hawaii, California, San Diego, Russia News Updates: ന്യൂയോർക്ക്: റഷ്യയിലുണ്ടായ ഭൂകമ്പത്തിന് പിന്നാലെ അമേരിക്കയിലെ ഹവായ്, അലാസ്‌ക തീരങ്ങളിൽ കൂറ്റൻ സുനാമി തിരമാലകൾ ആഞ്ഞടിച്ചു. റഷ്യയിലെ ഭൂകമ്പത്തിന് പിന്നാലെ അമേരിക്കയിലെ വിവിധ സംസ്ഥാനങ്ങളിൽ കനത്ത ജാഗ്രതാ നിർദേശം പുറപ്പെടുവിച്ചിരുന്നു. 

Also Read:റഷ്യയിൽ വൻ ഭൂചലനം; ജപ്പാനിലും അമേരിക്കയിലുമടക്കം മുന്നറിയിപ്പ്

കടൽതീരത്ത് നിന്ന് ആളുകൾ സുരക്ഷിത മേഖലകളിലേക്ക് മാറിതാമസിക്കണമെന്ന് യുണൈറ്റഡ് സ്റ്റേറ്റ്‌സ് നാഷണൽ വെതർ സർവീസ് ജനങ്ങൾക്ക് മുന്നറിയിപ്പ് നൽകിയിട്ടുണ്ട്. മൂന്ന് മുതൽ നാല് മീറ്റർ ഉയരമുള്ള സുനാമി തിരമാലകൾ ഉണ്ടാകുമെന്നാണ് മുന്നറിയിപ്പ്. ഒന്നിലധികം തിരമാലകൾ വീശിയടിക്കാൻ സാധ്യതയുള്ളതിനാൽ കടൽതീരങ്ങളിൽ താമസിക്കുന്നവരെ സുരക്ഷിത സ്ഥലങ്ങളിലേക്ക് മാറ്റണമെന്നും വെതൽ സർവ്വീസ് പ്രാദേശിക ഭരണകൂടങ്ങൾക്ക് മുന്നറിയിപ്പ് നൽകിയിട്ടുണ്ട്. 

Also Read:റഷ്യയിൽ സുനാമി; ഇന്ത്യയിൽ ആശങ്കപ്പെടേണ്ട സാഹചര്യമില്ല: ഇൻകോയിസ്

റഷ്യയുടെ കാംചത്ക തീരത്താണ് ബുധനാഴ്ച പുലർച്ചെയോടെ 8.7 തീവ്രത രേഖപ്പെടുത്തിയ ഭൂചലനമുണ്ടയത്. പെട്രോപാവ്‌ലോസ്‌കിൽ നിന്ന് 134 കിലോമീറ്റർ തെക്ക് കിഴക്കൻ ഭാഗത്താണ് പ്രഭവ കേന്ദ്രമെന്ന് യുഎസ്ജിഎസ് അറിയിച്ചു.2011ന് ശേഷം രേഖപ്പെടുത്തിയ ഏറ്റവും വലിയ ഭൂചലനമാണിതെന്നാണ് റിപ്പോർട്ട്. 

ഭൂചലനത്തിന് പിന്നാലെയാണ് അമേരിക്കയിലും ജപ്പാനിലും സുനാമി മുന്നറിയിപ്പ് പുറപ്പെടുവിച്ചത്. ജപ്പാന്റെ തീരപ്രദേശങ്ങളിൽ നിന്ന് ജനങ്ങളെ ഒഴിപ്പിക്കാൻ നീക്കം തുടങ്ങി. ജനങ്ങൾ തീരദേശങ്ങളിൽ നിന്ന് അടിയന്തരമായി മാറണമെന്ന് ജപ്പാൻ പ്രധാനമന്ത്രി നിർദേശിച്ചു. ലോകത്തിലെ ഏറ്റവും കൂടുതൽ ഭൂകമ്പ സാധ്യതയുള്ള രാജ്യങ്ങളിൽ ഒന്നാണ് ജപ്പാൻ.

Also Read:ഇന്ത്യ-യുഎസ് വ്യാപാരകരാർ; തീരുമാനം ഉണ്ടായില്ലെങ്കിൽ 25 ശതമാനം തീരൂവ ഏർപ്പെടുത്തും: ട്രംപ്

ലാറ്റിനമേരിക്കൻ രാജ്യങ്ങളായ ഇക്വഡോർ, പെറു, മെക്‌സിക്കോ എന്നിവിടങ്ങളിലും മുൻകരുതൽ നടപടികൾ ആരംഭിച്ചിട്ടുണ്ട്. കിഴക്കൻ ചൈനയിലും സുനാമി ഉണ്ടായേക്കാമെന്നും കരുതപ്പെടുന്നു.മാർഷൽ ദ്വീപുകൾ, ഫിലിപ്പൈൻസ് അടക്കമുള്ള പ്രദേശങ്ങളിൽ ഒരു മീറ്റർ വരെ ഉയരമുള്ള തിരമാലയ്ക്കും, ദക്ഷിണ കൊറിയ, ഉത്തരകൊറിയ, തായ്വാൻ എന്നീ രാജ്യങ്ങളിൽ 0.3 മീറ്ററിന് താഴെ ഉയരമുള്ള തിരമാലകൾക്കും സാധ്യതയെന്നും മുന്നറിയിപ്പുണ്ട്. 

അതേസമയം, നിലവിൽ ഇന്ത്യയിൽ ആശങ്കപ്പെടേണ്ട സാഹചര്യമില്ലെന്ന് ഇന്ത്യൻ നാഷണൽ സെന്റർ ഫോർ ഓഷ്യൻ ഇൻഫർമേഷൻ സർവ്വീസ് (ഇൻകോസിസ്) അറിയിച്ചു. സുനാമിയുമായി ബന്ധപ്പെട്ട് ഇന്ത്യയ്ക്കും ഇന്ത്യൻ മഹസമുദ്രത്തിനും ഭീഷണികൾ ഇല്ലെന്ന് ഇൻകോയിസ് വ്യക്തമാക്കി.

Read More

ഗാസയിൽ പട്ടിണിയില്ലെന്ന് ഇസ്രായേൽ വാദം തള്ളി ട്രംപ്