RCB Victory Parade Stampede: മരണപ്പെട്ടവരുടെ കുടുംബങ്ങൾക്ക് 10 ലക്ഷം നഷ്ടപരിഹാരം; അന്വേഷണം പ്രഖ്യാപിച്ച് കർണാടക മുഖ്യമന്ത്രി

RCB Victory Parade Stampede News Updates: ബെംഗളൂരു: റോയൽ ചലഞ്ചേഴ്സ് ബെംഗളൂരുവിന്റെ വിജയാഘോഷത്തിനിടെ ഉണ്ടായ അപകടത്തിൽ ജീവൻ നഷ്ടപ്പെട്ടവരുടെ കുടുംബാംഗങ്ങൾക്ക് നഷ്ടപരിഹാരം പ്രഖ്യാപിച്ച് കർണാടക മുഖ്യമന്ത്രി സിദ്ധരാമയ്യ. മരണപ്പെട്ട ഓരോരുത്തരുടെയും കുടുംബത്തിന് 10 ലക്ഷം രൂപ നഷ്ടപരിഹാരം നൽകുമെന്ന് വാർത്താ സമ്മേളനത്തിൽ മുഖ്യമന്ത്രി പറഞ്ഞു.

പരിപാടിയിൽ ഇത്ര വലിയ ജനക്കൂട്ടം പ്രതീക്ഷിച്ചിരുന്നില്ലെന്ന് അദ്ദേഹം പറഞ്ഞു. "ഏകദേശം 2-3 ലക്ഷം പേർ വിധാൻ സൗധയ്ക്ക് സമീപം ഉണ്ടായിരുന്നു. ഒരു ലക്ഷം പേരോളം തടിച്ചുകൂടി. ഇത്രയും വലിയ ജനക്കൂട്ടം ഞങ്ങളോ കെ‌എസ്‌സി‌എ-യോ പ്രതീക്ഷിച്ചിരുന്നില്ല. സ്റ്റേഡിയത്തിന്റെ ശേഷി ഏകദേശം 35,000 ആണ്. അതിനടുത്ത് ആളുകൾ ഉണ്ടാകുമെന്നാണ് കരുതിയത്," സിദ്ധരാമയ്യ പറഞ്ഞു.

Also Read: RCB Victory Parade Stampede: ദുരന്തമായി വിജയാഘോഷം; തിക്കിലും തിരക്കിലും 10 മരണം; നിരവധി പേർക്ക് പരിക്ക്

മരിച്ചവരിൽ ഭൂരിഭാഗവും യുവാക്കളും സ്ത്രീകളുമാണെന്നും മരണപ്പെട്ടവരുടെ കുടുംബങ്ങൾക്ക് സർക്കാർ 10 ലക്ഷം രൂപ നഷ്ടപരിഹാരം നൽകുമെന്നും അദ്ദേഹം വ്യക്തമാക്കി. അപകടത്തിൽ പരിക്കേറ്റവർക്ക് സൗജന്യ ചികിത്സ നൽകുമെന്നും അദ്ദേഹം കൂട്ടിച്ചേർത്തു. സംഭവത്തിൽ മുഖ്യമന്ത്രി അന്വേഷണം പ്രഖ്യാപിച്ചിട്ടുണ്ട്.

Also Read: RCB Victory Parade Stampede: പിടഞ്ഞു വീണ് ആരാധകർ; അപ്പോഴും ആഘോഷം തുടർന്ന് ആർസിബി

വിധാൻ സൗധയിൽ നിന്ന് ചിന്നസ്വാമി സ്റ്റേഡിയത്തിലേക്ക് ഓപ്പൺ ബസിൽ ആർസിബി ടീം പരേഡ് നടത്താനായിരുന്നു പദ്ധതിയിട്ടിരുന്നത്. ചിന്നസ്വാമി സ്റ്റേഡിയത്തിലെ ഗേറ്റ് നമ്പർ മൂന്നിലാണ് തിക്കും തിരക്കുമുണ്ടാകുന്നതും വലിയ ദുരന്തത്തിലേക്ക് വഴി വെച്ചതും. സംഭവത്തിൽ 11 പേർ മരിക്കുകയും 33 പേർക്ക് പരിക്കേൽക്കുകയും ചെയ്തതായി സ്ഥിരീകരിച്ചിട്ടുണ്ട്.

Read More: 48 മണിക്കൂറിൽ ഇന്ത്യയെ വിറപ്പിക്കാൻ നോക്കിയ പാക്കിസ്ഥാൻ എട്ട് മണിക്കൂറിൽ മുട്ടുകുത്തി: സംയുക്ത സൈനിക മേധാവി