ആർ ജി കർ മെഡിക്കൽ കോളേജിലെ കൊലപാതകം: സഞ്ജയ് റോയ് കുറ്റക്കാരനെന്ന് കോടതി

കൊൽക്കത്ത: രാജ്യത്തെ നടുക്കിയ ആർ ജി കർ മെഡിക്കൽ കോളേജിലെ ബലാത്സംഗ കേസിലെ പ്രതി സഞ്ജയ് റോയ് കുറ്റക്കാരനെന്ന് കോടതി. സിയാൽദാ അഡീഷണൽ ചീഫ് ജുഡീഷ്യൽ മജിസ്ട്രേട്ട് കോടതി ജഡ്ജി അനിർബാൻ ദാസാണ് വിധി പുറപ്പെടുവിച്ചത്. ശിക്ഷാവിധി തിങ്കളാഴ്ച കോടതി പ്രഖ്യാപിക്കും. മെഡിക്കൽ കോളേജിലെ സിവിക് വൊളന്റിയർ സഞ്ജയ് റോയ് മാത്രമാണ് കേസിലെ പ്രതി. 

സഞ്ജയ് റോയിയെ വധശിക്ഷയ്ക്കു വിധിക്കണമെന്നാണ് കേസ് അന്വേഷിച്ച സിബിഐ സംഘം ആവശ്യപ്പെട്ടിരിക്കുന്നത്. ബലാത്സംഗ- കൊലപാതക കുറ്റങ്ങൾ സഞ്ജയ് റോയ്ക്കെതിരെ ചുമത്തിയിട്ടുണ്ട്. 2024 ഓഗസ്റ്റ് ഒൻപതിനാണ് കൊൽക്കത്തയിലെ ആർ.ജി. കർ മെഡിക്കൽ കോളേജിൽ വനിതാ ജൂനിയർ ഡോക്ടറെ ബലാത്സംഗംചെയ്ത് കൊലപ്പെടുത്തിയത്. 31-കാരിയായ പി.ജി വിദ്യാർഥിയാണ് ക്രൂരമായി കൊല്ലപ്പെട്ടത്. 

ഓഗസ്റ്റ് 9നു രാത്രി ഷിഫ്റ്റു കഴിഞ്ഞു വിശ്രമിക്കാൻ പോയ യുവ ഡോക്ടറെ ആശുപത്രിയിലെ സെമിനാർ ഹാളിൽ കൊല്ലപ്പെട്ട നിലയിൽ കണ്ടെത്തുകയായിരുന്നു. ഡോക്ടറുടെ ശരീരത്തിനു പുറത്ത് 16 മുറിവുകളും, അന്തരികമായി ഒമ്പതു മുറിവുകളും ഉണ്ടായിരുന്നു. സംഭവം വ്യാപക പ്രതിഷേധത്തിന് കാരണമാവുകയും പശ്ചിമ ബംഗാളിൽ ജൂനിയർ ഡോക്ടർമാർ അനിശ്ചിത സമരത്തിലേക്ക് കടക്കുകയും ചെയ്തിരുന്നു. 

Read More

• ഷാരോൺ വധക്കേസിൽ ശിക്ഷാ ഇന്ന് വിധി ഇല്ല, അന്തിമ വാദം കോടതിയിൽ
• നെയ്യാറ്റിൻകര ഗോപൻ സ്വാമിയുടെ മൃതദേഹം സംസ്കരിച്ചു; പുതിയ കല്ലറയിൽ സംസ്കാരം
• ഷാരോൺ വധക്കേസ്; ഗ്രീഷ്മയും അമ്മാവനും കുറ്റക്കാരെന്ന് കോടതി; അമ്മയെ വെറുതെ വിട്ടു
• എറണാകുളത്ത് ഒരു കുടുംബത്തിലെ മൂന്നുപേരെ അടിച്ചുകൊന്നു; ഒരാൾ അറസ്റ്റിൽ